ICC U-19 World Cup: આગામી વર્ષે અંડર-19 વિશ્વકપમાં ટીમ ઇન્ડિયા કોની સામે ટકરાશે, જાહેર થયુ શિડ્યૂલ

ભારતને આવતા વર્ષે વેસ્ટ ઈન્ડિઝની ધરતી પર આ વર્લ્ડ કપ (World Cup) રમવાનો છે અને તે આ વખતે ટાઈટલ જીતવાનો પ્રયાસ કરશે.

ICC U-19 World Cup: આગામી વર્ષે અંડર-19 વિશ્વકપમાં ટીમ ઇન્ડિયા કોની સામે ટકરાશે, જાહેર થયુ શિડ્યૂલ
ICC U-19 World Cup Trophy

ભારતની અંડર-19 ટીમ (India Under-19 Team) આવતા વર્ષે વેસ્ટ ઈન્ડિઝમાં વર્લ્ડ કપ રમશે. ICCએ આ વર્લ્ડ કપ (World Cup) ની 14મી આવૃત્તિનું શેડ્યૂલ જાહેર કર્યું છે. આ વર્લ્ડ કપ 14 જાન્યુઆરીથી 5 ફેબ્રુઆરી સુધી રમાશે. આ વર્લ્ડ કપમાં કુલ 16 ટીમો ભાગ લેશે અને 48 મેચો રમાશે. આ વર્લ્ડ કપમાં ભારતને ગ્રુપ બીમાં રાખવામાં આવ્યું છે.

આ ગ્રુપમાં તેની સાથે આયર્લેન્ડ, દક્ષિણ આફ્રિકા અને યુગાન્ડાની ટીમ છે. ભારત તેની ત્રણ મેચ બે જગ્યાએ રમશે. 15 જાન્યુઆરીએ તેને ગુયાનામાં દક્ષિણ આફ્રિકાનો સામનો કરવાનો છે જ્યારે 19 જાન્યુઆરીએ તેનો ત્રિનિદાદ અને ટોબેગોમાં આયર્લેન્ડનો મુકાબલો થશે. ગ્રુપ સ્ટેજની ત્રીજી અને અંતિમ મેચમાં ભારત 22 જાન્યુઆરીએ યુગાન્ડા સામે ટકરાશે.

ICCએ કહ્યું છે કે તે ચાર કેરેબિયન દેશો – એન્ટિગુઆ અને બાર્બુડા, ગુયાના, સેન્ટ કિટ્સ એન્ડ નેવિસ, ત્રિનિદાદ અને ટોબેગોના 10 સ્થળોનો ઉપયોગ કરશે. ICCએ કહ્યું છે કે ન્યૂઝીલેન્ડની ટીમ આ વર્લ્ડ કપમાં ભાગ નહીં લે કારણ કે તેણે સગીરો માટે કડક સંસર્ગનિષેધ નિયમોને કારણે તેનું નામ પાછું ખેંચી લીધું છે. આ ટીમની જગ્યાએ સ્કોટલેન્ડનો વર્લ્ડ કપમાં સમાવેશ કરવામાં આવ્યો છે. તે ઓસ્ટ્રેલિયા, શ્રીલંકા અને વેસ્ટ ઈન્ડિઝની સાથે ગ્રુપ-ડીમાં રહેશે.

16 ટીમો ચાર ગ્રુપ

આ વર્લ્ડ કપમાં ભાગ લઈ રહેલી 16 ટીમોને ચાર ગ્રુપમાં વહેંચવામાં આવી છે. ગ્રુપ Aમાં બાંગ્લાદેશ, ઈંગ્લેન્ડ, કેનેડા અને સંયુક્ત આરબ અમીરાત છે. જ્યારે ગ્રુપ બીમાં ભારત, આયર્લેન્ડ, દક્ષિણ આફ્રિકા, યુગાન્ડા છે. અફઘાનિસ્તાન, પાકિસ્તાન, પાપુઆ ન્યુ ગિની અને ઝિમ્બાબ્વેને ગ્રુપ સીમાં રાખવામાં આવ્યા છે. ઓસ્ટ્રેલિયા, સ્કોટલેન્ડ, શ્રીલંકા, વેસ્ટ ઈન્ડિઝને ગ્રુપ ડીમાં સ્થાન મળ્યું છે.

પ્રથમ સેમિફાઇનલ 1 ફેબ્રુઆરીએ એન્ટિગુઆના સર વિવિયન રિચર્ડ્સ મેદાન પર રમાશે. બીજી સેમિફાઇનલ 2 ફેબ્રુઆરીએ રમાશે. ફાઈનલ 5 ફેબ્રુઆરીએ સર વિવિયન રિચર્ડ્સ સ્ટેડિયમમાં રમાશે.

ભારતથી સૌથી સફળ ટીમ

અંડર-19 વર્લ્ડ કપમાં ભારતને સૌથી સફળ ટીમ માનવામાં આવે છે. ભારતે ચાર વખત આ ખિતાબ જીત્યો છે. ભારતે આ વર્લ્ડ કપ 2000 માં મોહમ્મદ કૈફની કપ્તાનીમાં, 2008માં વિરાટ કોહલીની કપ્તાનીમાં, 2012માં ઉન્મુક્ત ચંદની કપ્તાનીમાં, 2018માં પૃથ્વી શૉની કપ્તાની હેઠળ જીત્યો હતો. ભારતે પ્રિયમ ગર્ગની કપ્તાની હેઠળ 2020માં આ ટુર્નામેન્ટની ફાઇનલમાં પણ જગ્યા બનાવી હતી. પરંતુ બાંગ્લાદેશ સામે હારનો સામનો કરવો પડ્યો હતો.

આ પણ વાંચોઃ  સૌરવ ગાંગુલી ICC મેન્સ ક્રિકેટ કમિટીના અધ્યક્ષ તરીકે નિયુક્ત, ‘દાદા’ ના માથે આ કામ કરવાની રહેશે મહત્વની જવાબદારી

આ પણ વાંચોઃ IND vs NZ: રોહિત શર્મા છગ્ગા ફટારવામાં આ ખાસ મુકામે પહોંચવા માટે માત્ર 3 સિક્સર દૂર, જાણો

  • Follow us on Facebook

Published On - 9:19 pm, Wed, 17 November 21

Click on your DTH Provider to Add TV9 Gujarati