IND vs WI 4th T20I Live Score: હાર્દિક પંડ્યા અને શ્રેયસ અય્યરના સ્થાને સંજૂ સેમસન અને અક્ષર પટેલનો સમાવેશ, ટીમ ઈન્ડિયામાં 3 ફેરફાર, જુઓ Playing 11
IND vs WI 4th T20I: પાંચ મેચોની શ્રેણીની પ્રથમ અને ત્રીજી મેચ ભારતે જીતી હતી જ્યારે બીજી મેચ વેસ્ટ ઈન્ડિઝના નામે રહી હતી.
ભારત અને વેસ્ટ ઈન્ડિઝ (India vs West Indies) વચ્ચે પાંચ મેચોની T20 સીરીઝની ચોથી મેચ હવે ટૂંક સમયમાં શરૂ થવા જઈ રહી છે. કેરેબિયન દેશોમાં રમાયેલી શ્રેણીની પ્રથમ 3 મેચો બાદ હવે બંને ટીમોની આ મેચ અમેરિકા પહોંચી છે. સીરિઝની છેલ્લી બે મેચ અમેરિકાના ફ્લોરિડાના લોડરહિલ શહેરમાં રમાવાની છે. ચોથી મેચ આજે અને પાંચમી મેચ આવતીકાલે એટલે કે રવિવારે 7 ઓગસ્ટે રમાશે. હાલમાં વરસાદના કારણે મેચ થોડો વિલંબથી શરૂ થયો છે. હજુ ટોસ પણ થયો નથી. ભારતીય ટીમ (Indian Cricket Team) હાલમાં સીરીઝમાં 2-1થી આગળ છે અને આજની જીત સાથે ટીમ ઈન્ડિયા સીરીઝ પોતાના કબજામાં લઈ લેશે.
હાર્દિક, અય્યર અને અશ્વિનના સ્થાને આ ત્રણ ખેલાડીનો સમાવેશ
ભારતીય ટીમમાં ત્રણ ફેરફાર કરવામાં આવ્યા છે. હાર્દિક પંડ્યા, શ્રેયસ અય્યર અને રવિચંદ્રન અશ્વિન ટીમમાં રમી રહ્યા નથી. તેમના સ્થાને સંજૂ સેમસન, અક્ષર પટેલ અને રવિ બિશ્નોઈને સ્થાન મળ્યુ છે. રોહિત શર્માએ ટોસ દરમિયાન જ આ અંગેની જાણકારી આપી હતી. આ ત્રણેય ખેલાડીઓને બદલવા પાછળ તેણે ચોક્કસ કારણ સ્પષ્ટ નહોતુ કર્યુ. પરંતુ ટોસ હાર્યા બાદ તેણે આ ફેરફાર અંગેની જાણકારી આપી હતી.
રોહિત શર્મા પોતે પણ અંતિમ મેચમાં બેટીંગ કરવા દરમિયાન તકલીફ અનુભવી રહ્યો હતો અને તે બેટીંગ છોડીને બહાર થયો હતો. જેને લઈને તેની ઈજાને લઈને ચિંતા વર્તાઈ રહી હતી. પરંતુ ત્યાર બાદ તેના અંગેનો સમાચારોથી રાહત સર્જાઈ હતી અને તે આજની મેચમાં ઉપલબ્ધ બન્યો છે. જોકે આ ત્રણ ફેરફાર કરીને ટીમ જાહેર કરી હતી. આગામી વિશ્વકપને ધ્યાને રાખીને આ મહત્વનો મોકો પણ સમાવેશ થયેલા સેમસન અને બિશ્નોઈ માટે ગણી શકાય. તેઓએ મળેલા મોકોનો પુરો ફાયદો ઉઠાવીને પોતાનુ શ્રેષ્ઠ પ્રદર્શન દર્શાવવુ પડશે. જે તેમને વિશ્વકપ માટેની સ્કોવડમાં પહોંચાડી શકે છે.
IND vs WI: આજની પ્લેઇંગ XI
ભારત: રોહિત શર્મા (કેપ્ટન), સૂર્યકુમાર યાદવ, સંજુ સેમસન, ઋષભ પંત (વિકેટકીપર), દીપક હુડા, દિનેશ કાર્તિક, અક્ષર પટેલ, રવિ બિશ્નોઈ, ભુવનેશ્વર કુમાર, અવેશ ખાન, અર્શદીપ સિંહ
વેસ્ટ ઈન્ડિઝ: નિકોલસ પૂરન (કેપ્ટન), કાયલ મેયર્સ, બ્રાન્ડોન કિંગ, રોવમેન પોવેલ, શિમરોન હેટમાયર, જેસન હોલ્ડર, ડેવોન થોમસ, અકીલ હોસેન, અલઝારી જોસેફ, ઓબેદ મેકકોય, ડોમિનિક ડ્રેક્સ.
Latest News Updates
