India vs Sri Lanka 2nd ODI: ભારત અને શ્રીલંકા બીજી વન ડે, જાણો ક્યારે, ક્યાં અને કેવી રીતે જોઇ શકાશે

India vs Sri Lanka 2nd ODI Live Streaming: ભારતીય ટીમે શ્રીલંકા પ્રવાસની શરુઆત શાનદાર જીત સાથે કરી છે. આજે સિરીઝ કબ્જે કરવાના ઇરાદા થી ટીમ બીજી વન ડે રમવા મેદાને ઉતરશે.

India vs Sri Lanka 2nd ODI: ભારત અને શ્રીલંકા બીજી વન ડે, જાણો ક્યારે, ક્યાં અને કેવી રીતે જોઇ શકાશે
India vs Sri Lanka
TV9 GUJARATI

| Edited By: Avnish Goswami

Jul 20, 2021 | 9:59 AM

India vs Sri Lanka 2nd ODI:  કોલંબોના પ્રેમદાસા સ્ટેડિયમમાં આજે ભારત અને શ્રીલંકા (India vs Sri Lanka) વચ્ચેની બીજી વન ડે મેચ રમાનારી છે. ભારતીય ટીમ પ્રથમ વન ડે ને જે અદા થી જીતી લીધી હતી, તેના થી બીજી વન ડેમાં ભારત પ્રબળ દાવેદાર માનવામાં આવી રહ્યુ છે. ભારતીય ટીમના સુકાની શિખર ધવન (Shikhar Dhawan) ના ઇરાદા શરુઆત થી જ જબરદસ્ત રહ્યા છે. પ્રથમ વન ડેમાં શરુઆત થી અંત લગી ક્રિઝ પર રહી શાનદાર જીત અપાવી હતી. ભારતીય ટીમ (Team India) શ્રીલંકા સામેની વન ડે શ્રેણીમાં 1-0 થી આગળ છે.

શ્રીલંકન ટીમ માટે આજનો જંગ મરણીયો બની રહેશે. શ્રીલંકા એ આજે મેચ ગુમાવી એટલે શ્રેણી ગુમાવી. શ્રીલંકન ટીમ સતત હારની આબરુ બચાવવા આજે મરણીયો જંગ રમવો જરુરી બની રહ્યો છે. આમ આજની મેચનો રોમાંચ વધી જશે. ભારત શ્રેણી પર વિજય મેળવવા અને શ્રીલંકા આબરુ બચાવવા માટે ટક્કર લેશે.ભારતીય બેચ સ્ટ્રેન્થમાંથી તૈયાર કરવામાં આવેલી ટીમ સામે આજે શ્રીલંકા ટીમમાં ફેરફાર કરી શકે છે. પ્રથમ વન ડે મેચમાં શ્રીલંકાના બેટ્સમેનો વચ્ચે ભાગીદારી રમતની કમી વર્તાઇ રહી હતી. જ્યારે શ્રીલંકાના બોલરો પણ ભારતીય યુવા બેટ્સમેનો સામે લાચાર સ્થિતીમાં જોવા મળી રહ્યા હતા.

કોલંબોમાં પાછળની 5 આંતરરાષ્ટ્રીય મેચોનો ઇતિહાસ ભારત સાથે રહ્યો છે. એટલે કે ભારતે પાછળની તમામ પાંચેય મેચ સતત જીતી લીધી છે. ભારત સળંગ છઠ્ઠી જીત મેળવવા સાથે 1982 બાદ અત્યાર સુધીની 14 મી વન ડે શ્રેણી જીતી શકે છે. આજની મેચની મજા ક્યાં, ક્યારે અને કેવી રીતે ઉઠાવી શકશો. જાણો

ક્યારે રમાશે ભારત અને શ્રીલંકા વચ્ચે બીજી વન ડે મેચ ?

ભારત અને શ્રીલંકા વચ્ચે બીજી વન ડે મેચ મંગળવાર, 20 જૂલાઇ એ ભારતીય સમયાનુસાર બપોરે 3.00 કલાક થી રમાનાર છે.

ભારત અને શ્રીલંકા વચ્ચે બીજી વન ડે મેચ કયા સ્થળે રમાશે ?

ભારત અને શ્રીલંકા વચ્ચે બીજી વન ડે મેચ કોલંબોમાં આર પ્રેમાદાસા સ્ટેડિયમમાં રમાનાર છે.

ભારત અને શ્રીલંકા વચ્ચે બીજી વન ડે મેચનુ લાઇવ ટેલીકાસ્ટ ક્યાં થશે ?

ભારત અને શ્રીલંકા વચ્ચે બીજી વન ડે મેચનુ લાઇવ ટેલીકાસ્ટ સોની સ્પોર્ટસ નેટવર્ક પર થશે.

ભારત અને શ્રીલંકા વચ્ચે બીજી વન ડે મેચની લાઇવ સ્ટ્રીમીંગ ક્યાં જોઇ શકાશે ?

ભારત અને શ્રીલંકા વચ્ચે બીજી વન ડે મેચની લાઇવ સ્ટ્રીમીંગ સોની લીવ પર જોઇ શકાશે. સાથે જ તમે લાઇવ અપડેટ માટે https://tv9gujarati.com/sports/cricket-news ને ફોલો કરી શકો છો.

આ પણ વાંચોઃ ENG vs PAK: પાકિસ્તાનના બોલર સામે લિવિંગસ્ટોને લગાવી સૌથી લાંબી સિક્સર, બોલ બાજુના મેદાનમાં પડ્યો, જુઓ

Follow us on

Related Stories

Most Read Stories

Click on your DTH Provider to Add TV9 Gujarati