India vs Sri Lanka 1st Test, Day 2 Highlights: બીજા દિવસની રમતના અંતે શ્રીલંકાના સ્કોર 108/4, ભારત હજુ 466 રન આગળ છે

IND vs SL 1st Test Score Updates: ભારત અને શ્રીલંકા વચ્ચેની ટેસ્ટ સિરીઝની પ્રથમ મેચ મોહાલીમાં રમાઇ રહી છે. રમતનો આજે બીજો દિવસ છે

India vs Sri Lanka 1st Test, Day 2 Highlights: બીજા દિવસની રમતના અંતે શ્રીલંકાના સ્કોર 108/4, ભારત હજુ 466 રન આગળ છે
India vs Sri Lanka: આજે બીજા દિવસની રમત

| Edited By: Adhirajsinh jadeja

Mar 05, 2022 | 5:40 PM

ભારત અને શ્રીલંકા વચ્ચે રમાઈ રહેલી પ્રથમ ટેસ્ટ મેચમાં આજે બીજો દિવસ પુરો થઇ ગયો છે. પ્રથમ દિવસે ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો હતો. મોહાલી ટેસ્ટ (Mohali Test) ના પહેલા દિવસે ભારતે 6 વિકેટ ગુમાવીને 357 રન બનાવ્યા હતા. હવે બીજા દિવસે ભારતે 8 વિકેટે 574 રનનો સ્કોર બનાવીને ઇનિંગ ડિક્લેર કરી હતી. ટીમ ઈન્ડિયા (Team India) ના આ મિશનમાં રવિન્દ્ર જાડેજાની ભૂમિકા સૌથી મહત્વની બનવાની છે, રવિન્દ્ર જાડેજાએ શાનદાર 175* રનની ઇનિંગ રમી હતી. ભારત તરફથી ઋષભ પંતે 96, અશ્વિને 61, હનુમા વિહારીએ 58 જ્યારે વિરાટ કોહલીએ પોતાની 100મી ટેસ્ટ રમતા 45 રન બનાવ્યા હતા.

બંને ટીમોની પ્લેઈંગ ઈલેવન

ઈન્ડિયા પ્લેઈંગ ઈલેવન: રોહિત શર્મા, મયંક અગ્રવાલ, વિરાટ કોહલી, હનુમા વિહારી, શ્રેયસ ઐયર, ઋષભ પંત, રવિન્દ્ર જાડેજા, અશ્વિન, જયંત યાદવ, મોહમ્મદ શમી, જસપ્રિત બુમરાહ

શ્રીલંકાની પ્લેઈંગ ઈલેવન: દિમુથ કરુણારત્ને, લાહિરુ થિરિમાને, પથુમ નિસાંકા, ચરિત અસલંકા, એન્જેલો મેથ્યુસ, ધનંજય ડી સિલ્વા, નિરોશન ડિકવેલા, સુરંગા લકમલ, વિશ્વા ફર્નાન્ડો, લસિથ એમ્બુલ્ડેનિયા, લાહિરુ કુમારા

LIVE NEWS & UPDATES

The liveblog has ended.
  • 05 Mar 2022 05:37 PM (IST)

    India vs Sri Lanka 1st Test, Day 2 Live Score: બીજા દિવસની રમત પુરી, શ્રીલંકાનો સ્કોર 108/4

    ભારત સામેની પ્રથમ ટેસ્ટના બીજા દિવસના અંતે શનિવારે શ્રીલંકાએ પહેલી ઇનિંગમાં ચાર વિકેટે 108 રન બનાવ્યા હતા. ભારતે અગાઉ 8 વિકેટના ભોગે 574 રન બનાવીને પહેલી ઇનિંગ ડિક્લેર કરી હતી. આ રીતે શ્રીલંકા હજુ પણ ભારતથી 466 રન પાછળ છે.

  • 05 Mar 2022 05:09 PM (IST)

    India vs Sri Lanka 1st Test, Day 2 Live Score: ભારતને મળી ચોથી સફળતા

    39મી ઓવરમાં અશ્વિને પહેલા જ બોલમાં ડી સિલ્વાને આઉટ કરી દીધો હતો. ડી સિલ્વા સ્લોગ સ્વીપ મારવાનો પ્રયાસ કરી રહ્યો હતો. પણ એલબીડબલ્યુ થઇ ગયો.

  • 05 Mar 2022 04:33 PM (IST)

    India vs Sri Lanka 1st Test, Day 2 Live Score: જાડેજાની ઓવરમાં મેથ્યુજનો શાનદાર છગ્ગો

    રવિન્દ્ર જાડેજાએ ઇનિંગની 33મી ઓવર નાખી હતી. જેમાં તેણે 11 રન આપ્યા હતા. ઓવરના પહેલા બોલ પર મેથ્યુજે શાનદાર છગ્ગો ફટકાર્યો હતો. મેથ્યુજ અને નિસાંકા વચ્ચે 58 બોલમાં 35 રનની ભાગીદારી નોંધાવી ચુક્યા છે.

  • 05 Mar 2022 03:15 PM (IST)

    India vs Sri Lanka 1st Test, Day 2 Live Score: ભારતને મળી પહેલી સફળતા

    India vs Sri Lanka 1st Test, Day 2 Live Score: શ્રીલંકાના ઓપનર લાહીરુ થિરિમાનેના રૂપમાં ભારતને મળી પહેલી સફળતા. લાહીરુને 17 રનના વ્યક્તિગત સ્કોર પર અશ્વિને આઉટ કર્યો. શ્રીલંકા હાલ 1 વિકેટના ભોગે 48 રનના સ્કોર પર પહોંચ્યું.

  • 05 Mar 2022 02:22 PM (IST)

    શ્રીલંકાની ટીમનો પ્રથમ દાવ શરૂ થયો

    મોહાલી ટેસ્ટમાં શ્રીલંકાની ટીમનો પ્રથમ દાવ શરૂ થયો હતો. લાહિરુ થિરિમાને અને દિમુથ કરુણારત્નેએ ટીમ માટે ઓપનિંગ કર્યું. જ્યારે ટીમ ઈન્ડિયા માટે પ્રથમ ઓવર ફાસ્ટ બોલર મોહમ્મદ શમીએ કરી હતી.

  • 05 Mar 2022 01:56 PM (IST)

    ભારતે પ્રથમ દાવ 574/8 પર ડિકલેર કર્યો

    મોહાલી ટેસ્ટમાં ટોસ જીતીને પ્રથમ બેટિંગ કરતા ભારતીય ટીમે 8 વિકેટે 574 રન બનાવીને દાવ ડિકલેર કર્યો હતો. રવિન્દ્ર જાડેજાએ અણનમ 175 અને મોહમ્મદ શમીએ અણનમ 20 રન બનાવ્યા હતા.

  • 05 Mar 2022 01:50 PM (IST)

    જાડેજા-શમી વચ્ચે સદીની ભાગીદારી

    રવિન્દ્ર જાડેજાએ મોહમ્મદ શમી સાથે મળીને નવમી વિકેટ માટે સદીની ભાગીદારી કરી હતી. બંને ખેલાડીઓ 600ના મોટા સ્કોર તરફ ઝડપી રન બનાવી રહ્યા છે. 129 ઓવર પછી ભારતનો સ્કોર: 572/8, રવિન્દ્ર જાડેજા (174*), મોહમ્મદ શમી (19*)

  • 05 Mar 2022 01:49 PM (IST)

    જાડેજાએ તોડ્યો કપિલ દેવનો રેકોર્ડ

    રવિન્દ્ર જાડેજાએ પોતાની ઈનિંગની ત્રીજી છગ્ગા સાથે મહાન કપિલ દેવનો મોટો રેકોર્ડ તોડ્યો હતો. તે હવે ટેસ્ટમાં 7મા નંબરે આવીને ભારત માટે સૌથી વધુ વ્યક્તિગત સ્કોરર બની ગયો છે. તેમના પહેલા કપિલ દેવે 1986માં કાનપુરમાં શ્રીલંકા સામે 163 રન બનાવ્યા હતા.

  • 05 Mar 2022 01:26 PM (IST)

    જાડેજાએ એક સિક્સ સાથે 150 રન પૂરા કર્યા

    રવિન્દ્ર જાડેજાએ મિડ ઓફ પર સિક્સર વડે પોતાના 150 રન પૂરા કર્યા. જાડેજાએ 211 બોલમાં પોતાના 150 રન પૂરા કર્યા હતા. આખો ડ્રેસિંગરૂમ ઉભો રહીને તાળીઓ પાડી રહ્યો હતો

  • 05 Mar 2022 01:24 PM (IST)

    શ્રીલંકાએ શમી સામે રિવ્યુ લીધો

    લકમલે 122મી ઓવરમાં મોહમ્મદ શમી સામે રિવ્યુ લીધો હતો. તેને ખાતરી હતી કે બોલ શમીના આગળના પેડ પર વાગ્યો હતો અને તેણે રિવ્યુ લીધો હતો. જો કે, રિપ્લે દર્શાવે છે કે બોલ સ્ટમ્પની ઉપર જઈ રહ્યો હતો.

  • 05 Mar 2022 01:13 PM (IST)

    જાડેજાએ 150 રન બનાવ્યા

    મોહાલી ટેસ્ટમાં રવિન્દ્ર જાડેજાની તોફાની ઇનિંગ સારી રહી છે. તેણે પોતાની કારકિર્દીમાં પ્રથમ વખત   150 રન ફટકાર્યા છે. તેણે 211 બોલમાં આ સિદ્ધિ મેળવી હતી. જાડેજાએ 9મી વિકેટ માટે મોહમ્મદ શમી સાથે ફિફ્ટી પાર્ટનરશિપ કરી હતી.

  • 05 Mar 2022 01:09 PM (IST)

    ભારતનો સ્કોર 500ને પાર

    રવિન્દ્ર જાડેજાએ 120મી ઓવરમાં ભારતના સ્કોરને 500ની પાર પહોંચાડી દીધો હતો. ઓવરના બીજા બોલ પર જાડેજાએ બેક કવર પર સિક્સર ફટકારી હતી. તે જ સમયે, આગલા બોલ પર ચોગ્ગો ફટકાર્યા બાદ ટીમ ઈન્ડિયાનો સ્કોર 500ને પાર કરી ગયો છે. ભારત હવે જલ્દી દાવ ડિકલેર કરી શકે છે.

  • 05 Mar 2022 12:43 PM (IST)

    જાડેજાની શાનદાર બેટિંગ શરુ

    ફર્નાન્ડોએ 116મી ઓવર લાવીને પાંચ રન આપ્યા. ઓવરના પહેલા બોલ પર જાડેજાએ ચોગ્ગો માર્યો હતો. તે જ સમયે, એમ્બુલ્ડેનીયાએ આગલી ઓવરમાં માત્ર ત્રણ રન આપ્યા હતા.

  • 05 Mar 2022 12:35 PM (IST)

    જયંત યાદવ આઉટ

    લંચ બાદ ભારતે આઠમી વિકેટ ગુમાવી હતી. ફર્નાન્ડોએ 114મી ઓવર લાવીને છેલ્લા બોલ પર જયંત યાદવને આઉટ કર્યો. યાદવે બોલને બેટની બહારની ધાર તરફ જવાનો પ્રયાસ કર્યો, તે કેચ થઈ ગયો. તેણે 18 બોલમાં માત્ર બે રન બનાવ્યા હતા.

  • 05 Mar 2022 11:51 AM (IST)

    લંચ સુધી ભારતનો સ્કોર 468/7

    ભારતે આજે પ્રથમ સત્રમાં 111 રન બનાવ્યા હતા અને માત્ર એક વિકેટ ગુમાવી હતી.  જોકે જાડેજા હજુ પણ ક્રિઝ પર છે અને 102 રન બનાવીને રમી રહ્યો છે. આ સાથે જ તેની સાથે જયંત યાદવે 9 બોલમાં 2 રન બનાવ્યા હતા. લંચ સુધીમાં ભારતનો સ્કોર 468/7 છે.

  • 05 Mar 2022 11:36 AM (IST)

    રવિન્દ્ર જાડેજાએ સદી ફટકારી

    રવિન્દ્ર જાડેજાએ 111મી ઓવરના પહેલા જ બોલ પર પોતાની સદી પૂરી કરી હતી. જાડેજાએ 160 બોલમાં પોતાના 100 રન પૂરા કર્યા હતા. આ દરમિયાન તેણે 10 ચોગ્ગા પણ માર્યા હતા.

  • 05 Mar 2022 11:35 AM (IST)

    અશ્વિન આઉટ થયો

    લાંબી રાહ જોયા બાદ આખરે શ્રીલંકાને સફળતા મળી. અશ્વિન અને જાડેજા વચ્ચે 130 રનની ભાગીદારી તૂટી હતી. લકમલના ચોથા બોલ પર અશ્વિને પુલ કરવાનો પ્રયાસ કર્યો હતો પરંતુ તે ડિકવેલાના હાથે કેચ થઈ ગયો હતો. તેણે 82 બોલમાં 61 રન બનાવ્યા હતા. આ દરમિયાન તેના બેટમાંથી 8 ચોગ્ગા આવ્યા.

  • 05 Mar 2022 11:20 AM (IST)

    અશ્વિને અડધી સદી ફટકારી

    ડી સિલ્વા 105મી ઓવર લાવ્યો. અશ્વિને પ્રથમ બોલ પર સિંગલ લીધો અને તેની સાથે પોતાની અડધી સદી પૂરી કરી. અશ્વિને પોતાના 50 રન 67 બોલમાં પૂરા કર્યા હતા. એ જ ઓવરના ચોથા બોલ પર અશ્વિને એક્સ્ટ્રા કવર પર ચોગ્ગો ફટકાર્યો હતો.

  • 05 Mar 2022 11:10 AM (IST)

    જાડેજા-અશ્વિનની સદીની ભાગીદારી

    ડ્રિંક્સ બ્રેક થયાને ચાર ઓવર થઈ ગઈ છે. આ ચાર ઓવરમાં ભારતે તેના સ્કોરમાં 12 રન ઉમેર્યા છે. આ દરમિયાન અશ્વિનના બેટમાંથી ચોગ્ગો આવ્યો. ભારતીય ટીમની નજર આજે 500 રનના સ્કોર પર હશે અને અશ્વિન-જાડેજા ટીમને તેની નજીક લઈ જશે તેવું લાગી રહ્યું છે. બંને વચ્ચે 139 બોલમાં સદીની ભાગીદારી થઈ છે.

  • 05 Mar 2022 10:32 AM (IST)

    અશ્વિને બેટ ખોલ્યુ

    વિશ્વા ફર્નાન્ડોની ઓવરમાં અશ્વિને પહેલા પ્રથમ બોલ અને બાદમાં ત્રીજા બોલે એમ બે બાઉન્ડરી લગાવી દીધી હતી. ફર્નાન્ડોના બોલ ને એક બાદ એક બાઉન્ડરી પર મોકલીને અશ્વિને આક્રમકતા બતાવી હતી. અશ્વિને ઇનીંગની 99 મી ઓવરમાં આ કમાલ કર્યો હતો. આ પહેલા 97 મી ઓવરમાં પણ ફર્નાન્ડોના બે બોલમાં બે બાઉન્ડરી જાડેજાએ ફટકારી હતી.

  • 05 Mar 2022 10:16 AM (IST)

    જાડેજા-અશ્વિનની ધીમી બેટિંગ

    94 ઓવર રમાઈ છે અને છેલ્લી પાંચ ઓવરમાં ભારતના ખાતામાં કોઈ બાઉન્ડ્રી આવી નથી. પ્રથમ સત્રનો આ પ્રથમ કલાક અશ્વિન અને જાડેજા માટે ઘણો જોખમી છે. તેથી તે કોઈ જોખમ લેવા માંગતા નથી

  • 05 Mar 2022 09:56 AM (IST)

    જાડેજાનો વધુ એક ચોગ્ગો

    જાડેજાએ 89 મી ઓવર લઇને આવેલા લકમલની ઓવરમાં બાઉન્ડ્રી ફટકારી હતી. આ વખતે તેણે થર્ડ મેન પર ચોગ્ગો ફટકાર્યો હતો

  • 05 Mar 2022 09:47 AM (IST)

    જાડેજાનુ અર્ધશતક

    સુરંગ લકમલ 87મી ઓવર કરવા આવ્યો હતો અને આ ઓવરમાં જાડેજાએ અડધી સદી પૂરી કરી હતી. જાડેજાએ ઓવરના ત્રીજા બોલ પર ચોગ્ગો ફટકારીને પોતાની અડધી સદી પૂરી કરી હતી. જાડેજાએ 87 બોલમાં પોતાના 50 રન પૂરા કર્યા હતા.

  • 05 Mar 2022 09:46 AM (IST)

    લાહિરુ કુમાર બોલિંગ નહીં કરે

    લાહિરુ કુમારને હેમસ્ટ્રિંગ ટીયર થઇ ગયુ છે અને હવે તે બોલિંગ કરશે નહીં. તેને સાજા થવામાં એક કે બે અઠવાડિયાનો સમય લાગશે

  • 05 Mar 2022 09:45 AM (IST)

    દિવસની પ્રથમ ઓવરમાં માત્ર 1 રન આવ્યો

    બીજા દિવસના પ્રથમ સત્રની રમત શરૂ થઈ. એમ્બુલ્ડેનીયાએ પ્રથમ ઓવર કરી જેમાં માત્ર એક રન આપ્યો હતો. અશ્વિન-જાડેજા માટે અહીં મહત્વપૂર્ણ ભાગીદારી કરવી ખૂબ જ મહત્વપૂર્ણ છે.

  • 05 Mar 2022 09:37 AM (IST)

    મોહાલીનુ વાતાવરણ સ્વચ્છ

  • 05 Mar 2022 09:23 AM (IST)

    ભારતે પહેલા દિવસે 357 રન બનાવ્યા હતા

    ભારતે શુક્રવારે શ્રીલંકા સામે પ્રથમ દાવમાં છ વિકેટે 357 રન બનાવ્યા હતા. ભારત તરફથી ઋષભ પંતે 96, હનુમા વિહારીએ 58 જ્યારે વિરાટ કોહલીએ પોતાની 100મી ટેસ્ટ રમતા 45 રન બનાવ્યા હતા.

  • 05 Mar 2022 09:23 AM (IST)

    ભારત-શ્રીલંકા ટેસ્ટનો બીજો દિવસ

    ભારત અને શ્રીલંકા વચ્ચે રમાઈ રહેલી પ્રથમ ટેસ્ટ મેચનો આજે બીજો દિવસ છે. પ્રથમ દિવસે ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો હતો.

Published On - Mar 05,2022 9:22 AM

Follow us on

Most Read Stories

Click on your DTH Provider to Add TV9 Gujarati