IND vs NZ, 1st ODI: અર્શદીપ સિંહ અને ઉમરાન મલિકનુ ડેબ્યૂ, જાણો ભારત અને ન્યુઝીલેન્ડની પ્લેઈંગ XI

India VS New Zealand 1st ODI: ઓકલેન્ડમાં આજે ભારત અને ન્યુઝીલેન્ડ વચ્ચે શ્રેણીની પ્રથમ વન ડે રમાઈ રહી છે.

IND vs NZ, 1st ODI: અર્શદીપ સિંહ અને ઉમરાન મલિકનુ ડેબ્યૂ, જાણો ભારત અને ન્યુઝીલેન્ડની પ્લેઈંગ XI
ન્યુઝીલેન્ડે ટોસ જીતી ફિલ્ડીંગ પસંદ કરી
TV9 GUJARATI

| Edited By: Avnish Goswami

Nov 25, 2022 | 7:15 AM

હાર્દિક પંડ્યા બાદ હવે શિખર ધવનની આગેવાની હેઠળની ભારતીય ટીમ ન્યૂઝીલેન્ડને પડકાર આપવા તૈયાર છે. પંડ્યાની કપ્તાની હેઠળ, ભારતે યજમાન સામે T20I શ્રેણી જીતી હતી અને હવે શિખર ધવનની આગેવાની હેઠળની ભારતીય ટીમ શુક્રવારથી શરૂ થઈ રહેલી 3 મેચની ODI શ્રેણી પર નજર રાખી રહી છે. ભારત અને ન્યુઝીલેન્ડ વચ્ચે પ્રથમ વનડે ઓકલેન્ડમાં રમાઈ રહી છે, જેમાં ન્યુઝીલેન્ડે ટોસ જીતીને ભારતને પ્રથમ બેટિંગ કરવાનું આમંત્રણ આપ્યું છે.

હવે અર્શદીપ સિંહને T20માં શાનદાર પ્રદર્શન કરવાની વનડેમાં તક મળી છે. અર્શદીપ સિંહ અને ઉમરાન મલિક ઓકલેન્ડમાં વનડે ડેબ્યૂ કરશે. ટોસ પહેલા બંનેને કેપ આપવામાં આવી હતી. તે જ સમયે, સંજુ સેમસન પ્રથમ વનડેમાં પ્લેઈંગ ઈલેવનમાં જગ્યા બનાવવામાં સફળ રહ્યો હતો.

T20 ની જેમ, ભારત ODI શ્રેણીમાં રોહિત શર્મા, વિરાટ કોહલી, KL રાહુલ જેવા સ્ટાર બેટ્સમેનોની ગેરહાજરીમાં પડકાર આપશે. છેલ્લી વખત જ્યારે બંને ટીમો ન્યુઝીલેન્ડમાં ટકરાયા હતા ત્યારે ભારતને 0-3થી હારનો સામનો કરવો પડ્યો હતો.

ન્યૂઝીલેન્ડ હિસાબ બરાબર કરવા ઈચ્છશે

ધવનની ટીમ યુવા પ્રતિભાઓથી ભરેલી છે, જ્યારે કેન વિલિયમસનની ટીમ સ્ટાર્સથી ભરેલી છે, જેઓ T20 શ્રેણીની હારની બરાબરી કરવા માટે બેતાબ છે. વાસ્તવમાં, ખરાબ હવામાન યજમાનની હારનું મુખ્ય કારણ બન્યું. પ્રથમ T20 મેચ વરસાદના કારણે ધોવાઈ ગઈ હતી. ભારતે બીજી મેચ મોટા અંતરથી જીતી હતી અને શ્રેણીની ત્રીજી અને છેલ્લી મેચ વરસાદને કારણે ટાઈ થઈ હતી, જેના કારણે પંડ્યાની ટીમે શ્રેણી પર કબજો કર્યો હતો.

ન્યુઝીલેન્ડ પ્લેઈંગ ઈલેવન: ફિન એલન, ડેવોન કોનવે, કેન વિલિયમસન, ટોમ લેથમ, ડેરેલ મિશેલ, ગ્લેન ફિલિપ્સ, મિશેલ સેન્ટનર, એડમ મિલ્ને, મેટ હેનરી, ટિમ સાઉથી, લોકી ફર્ગ્યુસન

ભારતની પ્લેઈંગ ઈલેવન: શિખર ધવન, શુભમન ગિલ, ઋષભ પંત, શ્રેયસ ઐયર, સૂર્યકુમાર યાદવ, સંજુ સેમસન, વોશિંગ્ટન સુંદર, શાર્દુલ ઠાકુર, ઉમરાન મલિક, અર્શદીપ સિંહ, યુઝવેન્દ્ર ચહલ

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati