IND Vs AUS, 1st Test, Live Streaming: જાણો ક્યારે, ક્યાં, કઈ રીતે મેચ જોઈ શકશો

ભારત અને ઓસ્ટ્રેલિયા વચ્ચે ચાર ટેસ્ટ મેચોની સિરીઝ ગુરુવારથી શરૂ થશે. જ્યારે પણ આ બંને ટીમો આમને-સામને આવે છે ત્યારે ઉત્સાહ અલગ જ સ્તરે હોય છે. આવી સ્થિતિમાં ચાહકો બોર્ડર ગાવસ્કર ટ્રોફીની આતુરતાથી રાહ જોઈ રહ્યા છે. સિરીઝની પ્રથમ મેચ નાગપુરમાં રમાવાની છે. આ પછી બીજી મેચ દિલ્હીમાં, ત્રીજી ધર્મશાળામાં અને છેલ્લી ટેસ્ટ અમદાવાદમાં રમાશે. ભારત પાસે આ વખતે સતત ચોથી વખત આ સિરીઝ જીતવાની તક છે.

પેટ કમિન્સ અને તેની ટીમને છેલ્લા બે વખત (2018-19 અને 2020-21)માં પોતાની ધરતી પર સિરીઝ ગુમાવવાનું દુઃખ છે અને તેઓ આ વખતે બદલો લેવાના ઈરાદા સાથે આવ્યા છે. સ્ટીવ સ્મિથે પોતે કહ્યું છે કે ભારતમાં સિરીઝ જીતવી એ એશિઝ કરતા પણ મોટી છે.

જાણો મેચ ક્યારે, ક્યાં અને કેવી રીતે જોવી

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ ક્યારે રમાશે?

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ 9 ફેબ્રુઆરીથી 13 ફેબ્રુઆરી સુધી રમાશે.

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ ક્યાં રમાશે?

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ નાગપુરમાં રમાશે.

ભારત અને ઓસ્ટ્રેલિયા વચ્ચેની પ્રથમ ટેસ્ટ મેચ કેટલા વાગ્યે શરૂ થશે?

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ બુધવારે સવારે 9.30 કલાકે શરૂ થશે. નવ વાગ્યે ટોસ થશે.

ભારત અને ઓસ્ટ્રેલિયા વચ્ચેની પ્રથમ ટેસ્ટ મેચનું લાઈવ ટેલિકાસ્ટ ક્યાં થશે?

ભારત અને ઓસ્ટ્રેલિયા વચ્ચેની પ્રથમ ટેસ્ટ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની ચેનલો પર થશે.

ભારત અને ઓસ્ટ્રેલિયા વચ્ચેની પ્રથમ ટેસ્ટ મેચનું લાઈવ સ્ટ્રીમિંગ Disney + Hotstar પર થશે. તે જ સમયે, તમે tv9gujarati.com પર શ્રેણીના લાઇવ અપડેટ્સ વાંચી શકો છો.

ટેસ્ટ સિરીઝનું સંપૂર્ણ શેડ્યુલ

• પ્રથમ ટેસ્ટ – 09 ફેબ્રુઆરી – 13 ફેબ્રુઆરી – નાગપુર
• બીજી ટેસ્ટ – 17 ફેબ્રુઆરી – 21 ફેબ્રુઆરી – દિલ્હી
• ત્રીજી ટેસ્ટ – 01 માર્ચ – 05 માર્ચ – ધર્મશાલા
• ચોથી ટેસ્ટ – 09 માર્ચ – 13 માર્ચ – અમદાવાદ

ભારતીય ટીમ : રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, શુભમન ગિલ, ચેતેશ્વર પુજારા, શ્રેયસ ઐયર, કેએસ ભરત (વિકેટકીપર), સૂર્યકુમાર યાદવ, ઈશાન કિશન (વિકેટકીપર), આર અશ્વિન, અક્ષર પટેલ, કુલદીપ યાદવ, રવિન્દ્ર જાડેજા, મોહમ્મદ સિરાજ, ઉમેશ યાદવ, જયદેવ ઉનડકટ, મોહમ્મદ શમી