IND vs ZIM 1st Innings Match Report: સૂર્યાની જબરદસ્ત ધમાલ, રાહુલની અડધી સદી, ભારતે 186 રનનો સ્કોર ખડક્યો

ટી20 વિશ્વકપ 2022 ના સુપર 12 ની અંતિમ મેચ ભારત અને ઝિમ્બાબ્વે વચ્ચે રમાઈ રહી છે. ભારતીય સુકાનીએ ટોસ જીતીને પહેલા બેટીંગ પસંદ કરી હતી. ભારતીય ટીમની ઓપનીંગ જોડી ફરી એકવાર ઝડપથી તૂટી ગઈ હતી. રોહિત શર્માના રુપમાં ભારતને પ્રથમ ઝટકો લાગ્યો હતો. જ્યારે કેએલ રાહુલે શાનદાર અડધી નોંધાવી સારી શરુઆત અપાવી હતી. અંતમાં સૂર્યકુમાર યાદવે પણ દરવખતની માફક તોફાની રમત રમી હતી.

નિર્ધારિત 20 ઓવરના અંતે ભારતીય ટીમે ઝિમ્બાબ્વે સામે 186 રનનો સ્કોર 5 વિકેટના નુક્શાન પર ખડક્યો હતો. જે ઝિમ્બાબ્વે માટે આકરા પડકાર સમાન છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ભારતીય ટીમે ટોસ જીતીને પહેલા બેટીંગ કરતા મજબૂત સ્કોર ખડક્યો હતો. રોહિત શર્માના રુપમાં ભારતે પ્રથમ વિકેટ 27 રનના સ્કોર પર ગુમાવી દીધી હતી. રોહિતે 13 બોલમાં 15 રન નોંધાવ્યા હતા. આમ વધુ એકવાર રોહિત સસ્તામાં જ પરત ફર્યો હતો, જોકે કેએલ રાહુલે જબરદસ્ત ઈનીંગ રમતા અડધી સદી ફટકારી હતી. 35 બોલમાં રાહુલે 51 રન નોંધાવ્યા હતા. આ દરમિયાન તેણે 3 છગ્ગા અને 3 ચોગ્ગા નોંધાવ્યા હતા. રાહુલ ત્રીજી વિકેટના રુપમાં આઉટ થયો હતો.

સૂર્યાની જબરદસ્ત ધમાલ

વધુ એક અડધી સદી સૂર્યકુમાર યાદવે ફટકારી છે. સૂર્યાએ ધમાલ મચાવતા 23 બોલમાં જ 50 રન પૂરા કરી લીધા હતા. સૂર્યાએ 4 છગ્ગા અને 6 ચોગ્ગા વડે આ અડધી સદી નોંધાવી હતી. સૂર્યાએ બેટને જબરદસ્ત ઘૂમાવતા બોલને ચારેકોર મેદાનમાં મોકલતો રહ્યો હતો અને રન નિકાળતો રહ્યો હતો. ઈનીંગના અંતિમ બોલ પર પણ તેણે શાનદાર છગ્ગો જમાવી દીધો હતો. અંતિમ ઓવરમાં સૂર્યાએ 2 છગ્ગા અને એક ચોગ્ગો ફટકાર્યો હતો.

સૂર્યાએ અણનમ 61 રન 25 બોલમાં નોંધાવ્યા હતા. આ દરમિયાન તેનો સ્ટ્રાઈક રેટ 244.00 નો રહ્યો હતો. સૂર્યાની તોફાની રમતે જ ભારતીય ટીમના સ્કોર બોર્ડને મજબૂત બનાવી દીધુ હતુ.

પંત-પંડ્યા ઝડપથી પરત ફર્યા

રાહુલ પહેલા વિરાટ કોહલીએ વિકેટ ગુમાવી હતી. રાહુલ 87 રનના ટીમ સ્કોર પર આઉટ થયો હતો. કોહલીએ 25 બોલમાં 26 રન નોંધાવ્યા હતા. તે સિન વિલિયમ્સનો શિકાર થયો હતો. ઋષભ પંત પોતાને મળેલા મોકાનો ઉપયોગ કરી શક્યો નહોતો. તે માત્ર 3 રન નોંધાવીને પરત ફર્યો હતો. તે પણ વિલિયમ્સનો શિકાર થયો હતો. હાર્દિક પંડ્યા પણ ફરી એકવાર સસ્તામાં પરત ફર્યો હતો. તે આ વખતે ટૂર્નામેન્ટમાં અપેક્ષા મુજબ દેખાવ કરી શક્યો નથી. તેણે 18 બોલમાં 18 રન નોંધાવ્યા હતા. અક્ષર પટેલ શૂન્ય રને અણનમ રહ્યો હતો.