IND vs SL: શ્રીલંકા પર અત્યાર સુધી દરેક રીતે ભારે રહી છે ટીમ ઇન્ડીયા, જાણો Head to Head રેકોર્ડ
આંતરરાષ્ટ્રીય વન ડે ક્રિકેટના ઇતિહાસમાં સૌથી વધુ મેચ ભારત અને શ્રીલંકા (India vs Sri Lanka) વચ્ચે રમાઇ છે. ભારતીય ટીમ બેટીંગ અને જીતમાં શ્રીલંકા સામે દબદબા ભર્યો રેકોર્ડ ધરાવે છે.
આજે રવિવારે ભારત અને શ્રીલંકા (India vs Sri Lanka) વચ્ચે વન ડે શ્રેણીની પ્રથમ મેચ રમાનારી છે. કોલંબોમાં રમનારી વન ડે શ્રેણીમાં ભારતીય ટીમમાં નવા ચહેરાઓ અને યુવા સામેલ છે. બેચ સ્ટ્રેન્થમાંથી તૈયાર કરેલી ટીમ આંતરરાષ્ટ્રીય કસોટી પાર પાડવા આજે મેદાને ઉતરશે. શિખર ધવન (Shikhar Dhawan) કેપ્ટન તરીકે આજે ડેબ્યૂ કરશે. ટીમ ઇન્ડીયા (Team India) માં આજે અનેક મોટા ખેલાડીઓની ગેરહાજરી છે. જોકે આમ છતાં શ્રીલંકા સામે ભારતીય ટીમ ખૂબ મજબૂત છે.
કેટલાક નવા અને અનુભવ વિનાના ખેલાડીઓથી ભરેલી બંને ટીમોમાં ભારતને જીતનુ દાવેદાર માનવામાં આવે છે. જોકે મેદાન પર બાજી ગમે ત્યારે પલટાઇ શકે છે. આવામાં બંને ટીમોના અત્યાર સુધીના રેકોર્ડ પર નજર કરવી જરુરી છે. કારણ કે પ્રથમ વખત આ ટીમ સામે ભારત પોતાના મજબૂત ખેલાડીઓ વિના મેદાને ઉતરી રહી છે.
વન ડે ક્રિકેટના ઇતિહાસમાં સૌથી વધારે વન ડે મેચ કોઇ બે ટીમો વચ્ચે રમાઇ હોય તો, તે ભારત અને શ્રીલંકા વચ્ચે. બંને ટીમોએ આજ સુધી રેકોર્ડ આંક 159 મેચ રમી છે. 1979 વિશ્વકપમાં બંને દેશો વચ્ચે પ્રથમ વખત ટક્કર થઇ હતી. જેને શ્રીલંકા જેવી નવી ટીમે જીતી લીધી હતી. જોકે તેના બાદ ભારતીય ટીમનો દબદબો બનેલો છે. ટીમ એ શ્રીલંકા પર ખૂબ જીત મેળવી છે. બંને ટીમો વચ્ચે અંતિમ મેચ વિશ્વકપ 2019માં રમાઇ હતી. જેમાં ભારતે આસાનીથી શ્રીલંકાને હરાવી દીધુ હતુ.
આ પ્રકારે છે ભારત અને શ્રીલંકાના રેકોર્ડ
- અત્યાર સુધી બંને ટીમો વચ્ચે રમાયેલી 159 મેચોમાં ભારતે 91 વખત જીત મેળવી છે. જ્યારે શ્રીલંકા માત્ર 56 વખત જ મેચ જીતી શક્યુ છે. બંને વચ્ચે એક મેચ ટાઇ રહી હતી. જ્યારે 11 મેચ અનિર્ણિત રહી હતી.
- બંને ટીમો વચ્ચે અત્યાર સુધી રમાયેલી મેચોમાં ત્રણ વખત 400 થી વધારેનો સ્કોર બન્યો નોંધાયો છે. જેમાં સૌથી મોટો સ્કોર 414 રનનો રહ્યો હતો. 2009 ના વર્ષમાં રાજકોટમાં રમાયેલી મેચમાં ભારતે 414 રન કર્યા હતા. જેના જવાબમાં શ્રીલંકાએ 411 રન કર્યા હતા.
- બંને દેશોમાં અનેક શાનદાર બેટ્સમેન થયા છે. પરંતુ રન બનાવવાની બાબત હોય તો, માસ્ટર બ્લાસ્ટ સચિન તેંડુલકર બાજી મારે છે. સચિને બંને દેશોની ટીમોની ટક્કરમાં 84 મેચ રમી છે. જેમાં તેણે 3113 રન નોંધાવ્યા છે.
- સૌથી વધુ શતક ના મામલામાં પણ સચિન તેંડુલકરનુ નામ આગળ છે. સચિન સાથે વિરાટ કોહલી પણ શ્રીલંકા સામે શતકના મામલે બરાબરી પર છે. બંને એ 8-8 શતક લગાવ્યા છે. શ્રીલંકા માટે સનથ જયસૂર્યા એ 7 શતક લગાવ્યા હતા.
- બોલીંગની બાબતમાં બંને ટીમોમાં શ્રીલંકા આગળ છે. બંને ટીમો વચ્ચે રમાયેલી વન ડે મેચોમાં સૌથી વધુ વિકેટમહાન ઓફ સ્પિનર મુથૈયા મુરલીધરને મેળવી છે. તેણે 74 વિકેટ ઝડપી છે. જ્યારે ભારત તરફથી સૌથી વધારે વિકેટ શ્રીલંકા સામે ઝાહિર ખાને મેળવી છે. તેણે 66 વિકેટ મેળવી હતી.
આ પણ વાંચોઃ IND vs SL: ટીમ ઇન્ડીયાના આ સ્ટાર ખેલાડીમાં મુરલીધરનને વિરેન્દ્ર સહેવાગ દેખાય છે, કહ્યુ આઉટ થવાનો ડર નથી
Latest News Updates
