IND vs ENG: ઇંગ્લેન્ડનો પ્રથમ દાવ 432 રને સમેટાયો, ભારત પર 353 રનની લીડ, ભારતીય બેટ્સટમેનોની કપરી કસોટીનો સમય
ભારતીય બેટ્સમેનો માટે બીજા દાવની રમત કપરી કસોટીથી કમ નહી હોય. પ્રથમ દાવમાં કરેલી ભુલો સુધારવી જ પુરતુ નહી રહે, પરંતુ વિકેટ ટકાવી રમત રમવી પડશે.
ભારત અને ઈંગ્લેન્ડ (India vs Engand) વચ્ચે રમાઈ રહેલી ટેસ્ટ સિરીઝની ત્રીજી ટેસ્ટ મેચમાં ઇંગ્લેન્ડના પ્રથમ દાવ સમાપ્ત થયો હતો. ત્રીજા દિવસની શરુઆતે જ ઇંગ્લેન્ડની ટીમ 432 રને ઓલઆઉટ થઇ હતી. ઇંગ્લેન્ડે ભારત પર 353 રનની લીડ ખડકી છે. લીડ્ઝ ટેસ્ટ (Leeds Test)માં ભારતીય બેટ્સમેનો માટે હવે કસોટી રુપ સ્થિતી સર્જાવાની છે.
પ્રથમ દિવસે વિરાટ કોહલી (Virat Kohli)એ ટોસ જીતીને પ્રથમ બેટીંગ પસંદ કરી હતી. પરંતુ પ્રથમ દિવસની રમતમાં ભારતીય ઈનીંગ પુરા 2 સેશન પણ ચાલી શકી નહોતી. એન્ડરસન અને ઓવર્ટનની બોલીંગ સામે ભારતીય બેટ્સમેનો નિષ્ફળ રહ્યા હતા. ભારતીય ટીમ (Team India)ની પ્રથમ બેટીંગ ઈનીંગ 78 રન પર સમેટાઈ હતી.
ઈંગ્લીશ ટોપ ઓર્ડર સફળ ટોપ ઓર્ડરના પ્રથમ ચારેય બેટ્સમેનોએ 50 પ્લસ રન કરવામાં સફળતા મેળવી હતી. રોરી બર્ન્સ અને હસીબ હમિદ બંને ઓપનરો પોતાના અર્ધશતક પ્રથમ દિવસની રમતના અંતે નોંધાવ્યા હતા. રોરી બર્ન્સે 153 બોલમાં 61 રન કર્યા હતા. જ્યારે હસિબે 195 બોલનો સામનો કરીને 68 રન કર્યા હતા. ડેવિડ મલાને 128 બોલની રમત રમીને 70 રન કર્યા હતા. કેપ્ટન જો રુટે 121 રનની શાનદાર રમત રમી હતી.
કેપ્ટન રુટે સિરીઝમાં ત્રીજુ શતક જમાવ્યુ હતુ. તેણે ઝડપથી રમત રમી હતી અને આક્રમકતા અપનાવી હતી. રુટના શતકને લઈને ભારત સામે ઈંગ્લેન્ડ વિશાળ લીડનો ભાર સર્જવામાં સફળ રહ્યું હતુ. જોની બેયરિસ્ટોએ 29 રન કર્યા હતા. જોસ બટલરે 7 રન કર્યા હતા. મોઈન અલી 8 રન કરીને આઉટ થયો હતો. કરને 15 રન કર્યા હતા.
Innings Break!
England are all out for 432, lead by 354 runs.#TeamIndia batting coming up shortly.
Scorecard – https://t.co/FChN8SV3VR #ENGvIND pic.twitter.com/Wwspcfm71d
— BCCI (@BCCI) August 27, 2021
ભારતની બોલીંગ ઈનીંગ
મંહમદ શામી ભારત તરફથી સફળ બોલર રહ્યો હતો. તેણે ઈંગ્લીશ ઓપનરોની મજબૂત ભાગીદારી રમતને તોડવાની સફળતા મેળવી હતી. શામીએ 4 વિકેટ મેળવી હતી. રવિન્દ્ર જાડેજાએ પણ આજે બોલીંગમાં શાનદાર પ્રદર્શન કર્યુ હતુ. તેણે 2 મહત્વની વિકેટ ઝડપી હતી. જો રુટની મોટી ઈનીંગને આગળ વધતી અટકાવતી વિકેટ જસપ્રિત બુમરાહે ઝડપી હતી. બુમરાહે 2 વિકેટ મેળવી હતી. સિરાજ પણ ડેવિડ મલાનની મહત્વની વિકેટ મેળવવામાં સફળ રહ્યો હતો. તેણે 2 વિકેટ મેળવી હતી.