300 મેચ, 4 વર્લ્ડ કપ ICCએ પ્રથમ વખત મહિલા FTP પ્રોગ્રામની જાહેરાત કરી, આ રહ્યું ભારતનું શેડ્યૂલ
ICCએ મંગળવારે પહેલીવાર મહિલા ક્રિકેટમાંં FTP (ફ્યુચર ટૂર પ્રોગ્રામ)ની જાહેરાત કરી. અગાઉ માત્ર પુરૂષોના ક્રિકેટ FTP કાર્યક્રમની જાહેરાત કરવામાં આવી હતી.
ICC : ભારતીય મહિલા ક્રિકેટ ટીમ 3 વખત વર્લ્ડકપ જીતવાની ખુબ નજીક પહોંચી વર્લ્ડકપ જીતવાનું ચૂકી ગઈ હતી. મહિલા ટીમની વર્લ્ડ ચેમ્પિયન બનવાની કોશિષ સતત ચાલુ છે અને હવે તેની પાસે વર્લ્ડ ચેમ્પિયન બનવા માટે 4 વધુ તક છે. 2023થી 2026 વચ્ચે મહિલા ક્રિકેટ (Women’s Cricket)ના 4 વર્લ્ડકપ રમાશે. આઈસીસીએ મંગળવારના રોજ એક જાહેરાત કરી છે. આઈસીસી (ICC )એ પ્રથમ વખત મહિલા FTP એટલે કે ફ્યુચર ટૂર પ્રોગ્રામની જાહેરાત કરી છે. આ પહેલા માત્ર પુરુષ ક્રિકેટનું જ FTP (Future Tour Programme) પ્રોગ્રામની જાહેરાત કરવામાં આવતી હતી.
આઈસીસીએ આ સાથે જ મેંગા ઈવેન્ટની પણ જાહેરાત કરી છે. ભારત મહિલા ટીમ એપ્રિલ 2025 સુધી આઈસીસી મહિલા ચેમ્પિયનશીપમાં ન્યૂઝીલેન્ડ, સાઉથ આફ્રિકા,આયરલેન્ડ અને વેસ્ટઈન્ડિઝ વિરુદ્ધ ધરેલું સીરિઝ રમશે. જ્યારે ઈંગ્લેન્ડ,ઓસ્ટ્રેલિયા,બાંગ્લાદેશ અને શ્રીલંકા વિરુદ્ધ વિદેશી ધરતી પર સીરિઝ રમશે. આગામી પ્રોગ્રામમાં મહિલાઓના 300થી વધુ ઈન્ટરનેશનલ મેચ રમાશે. જેમાં 7 ટેસ્ટ 135 વનડે અને 159 ટી20 મેચ સામેલ છે. 2025માં ભારત મેજબાનીમાં વનડે વર્લ્ડકપનું આયોજન કરશે. આ પહેલા ટીમમાં આઈસીસી મહિલા ચેમ્પિયનશીપ હેઠળ 3 મેચની દ્રિપક્ષીપ સિરીઝ રમશે.
ભારતીય ટીમ રમશે 2 ટેસ્ટ
2025માં ભારતની મેજબાનીમાં વનડે વર્લ્ડકપનું આયોજન કરાશે. આ પહેલા ટીમે આઈસીસી વિમેન્સ ચેમ્પિયનશીપ હેઠળ 3 મેચની દ્રિપક્ષીય સિરીઝ રમશે. 2022 થી 2025 સુધી ટીમ ઈન્ડિયા 2 ટેસ્ટ, 24 વનડે અને 36 ઈન્ટરનેશનલ મેચ રમશે, આ સિવાય ટી20 વર્લ્ડકપ અને વનડે વર્લ્ડ કપનું પણ આયોજન કરાશે. ભારતીય ટીમ બંન્ને ટેસ્ટ મેચ ધરઆંગણે રમશે. એક મેચ ઓસ્ટ્રેલિયા વિરુદ્ધ અને એક મેચ ઈંગ્લેન્ડ વિરુદ્ધ રમશે.
મહિલા ટીમની મોટી ઈવેન્ટ
ફેબ્રુઆરી 2023: દક્ષિણ આફ્રિકામાં મહિલા T20 વર્લ્ડ કપ સપ્ટેમ્બરથી ઓક્ટોબર 2024: બાંગ્લાદેશમાં મહિલા T20 વર્લ્ડ કપ સપ્ટેમ્બરથી ઑક્ટોબર 2025: ભારતમાં ODI વર્લ્ડ કપ જૂન 2026: ઈંગ્લેન્ડમાં T20 વર્લ્ડ કપ ફેબ્રુઆરી 2027: શ્રીલંકામાં T20 ચૅમ્પિયનશિપ
મહિલા આઈપીએલને (Indian Women’s Cricket Team) લઈને ઉત્સાહ વધી રહ્યો છે અને માનવામાં આવી રહ્યું છે કે ભારતીય ક્રિકેટ કંટ્રોલ બોર્ડે (BCCI) આવતા વર્ષ માટે પણ એક વિન્ડો ફિક્સ કરી લીધી છે. ક્રિકેટ વેબસાઇટ ઇએસપીએન-ક્રિકઇન્ફોના રિપોર્ટમાં દાવો કરવામાં આવ્યો છે કે ભારતીય બોર્ડે મહિલા આઈપીએલની પહેલી સિઝન માટે માર્ચ 2023ને યોગ્ય સમય તરીકે ચિહ્નિત કર્યો છે. રિપોર્ટ મુજબ બીસીસીઆઈ અધ્યક્ષ સૌરવ ગાંગુલીએ (Sourav Ganguly) જણાવ્યું છે કે માર્ચ 2023માં પહેલીવાર મહિલા આઈપીએલનું આયોજન લગભગ નક્કી છે અને બોર્ડે આ માટે તૈયારીઓ પણ શરૂ કરી દીધી છે.
Latest News Updates
