ઓસ્ટ્રેલિયામાં ભયાનક અકસ્માત, બોલ માથા પર વાગતા બેટ્સમેન પિચ પર થયો ઢેર

ઓસ્ટ્રેલિયન ક્રિકેટ માટે 5 જાન્યુઆરીની શરૂઆત એક ભયાનક ઘટના સાથે થઈ, જેણે 10 વર્ષ પહેલાની આવી જ દર્દનાક અને જીવલેણ ઘટનાની યાદ અપાવી. ઓસ્ટ્રેલિયાની બિગ બેશ લીગની ટીમ મેલબોર્ન સ્ટાર્સનો વિકેટકીપર-બેટ્સમેન સેમ હાર્પર પ્રેક્ટિસ સેશન દરમિયાન ઈજાગ્રસ્ત થયો હતો, જેના કારણે તેના સાથી ખેલાડીઓ ગભરાઈ ગયા હતા.

હાર્પરને માથાની નજીક બોલ વાગ્યો

ઓસ્ટ્રેલિયાના સ્ટાર ઓલરાઉન્ડર ગ્લેન મેક્સવેલની કેપ્ટનશીપવાળી આ ટીમના પ્રેક્ટિસ સેશન દરમિયાન હાર્પરને માથાની નજીક એક બોલ વાગ્યો હતો, જેના કારણે તે મેદાન પર પડી ગયો હતો. હાર્પરને તાત્કાલિક હોસ્પિટલમાં લઈ જવામાં આવ્યા હતા, જ્યાં તેમની હાલત હાલમાં સ્થિર હોવાનું કહેવાય છે.

બેટિંગની પ્રેક્ટિસ દરમિયાન થઈ ઈજા

અહેવાલો અનુસાર, સ્ટાર્સની ટીમ શુક્રવારે મેલબોર્ન ક્રિકેટ ગ્રાઉન્ડમાં પ્રેક્ટિસ સેશન કરી રહી હતી. તમામ બેટ્સમેનોની જેમ હાર્પર પણ નેટ્સમાં બેટિંગની પ્રેક્ટિસ કરી રહ્યો હતો. તે થ્રોડાઉન નિષ્ણાત સામે બેટિંગની પ્રેક્ટિસ કરી રહ્યો હતો. પછી એક બોલ પર પુલ શોટ રમવાનો પ્રયાસ કરતી વખતે તે ચૂકી ગયો અને બોલ તેની ચિન પર અથડાયો. બોલ એટલો ઝડપથી આવ્યો કે તે હેલ્મેટની ગ્રીલ અને ગરદન વચ્ચે ફસાઈ ગયો.

#EXCLUSIVE: Shocking vision has emerged of the aftermath cricketer, Sam Harper was hit in the head while batting in the MCG nets. #9News pic.twitter.com/TICVPhmzZ5

— 9News Australia (@9NewsAUS) January 5, 2024

હાર્પરને હોસ્પિટલ ખસેડાયો

મળતી માહિતી મુજબ, આ ઈજાના કારણે હાર્પરની ગરદનમાં ઊંડો ઘા થયો અને તેમાંથી લોહી વહેવા લાગ્યું. હાર્પર ત્યાં જ નેટ પર પડ્યો અને તરત જ મેડિકલ ટીમ તેની તપાસ કરવા પહોંચી. હાર્પરને ટૂંક સમયમાં સ્ટ્રેચર પર મેદાનમાંથી બહાર કાઢવામાં આવ્યો અને એમ્બ્યુલન્સ દ્વારા હોસ્પિટલમાં લઈ જવામાં આવ્યો. હાર્પર સાથે પ્રેક્ટિસ સેશનમાં હાજર અન્ય ખેલાડીઓ આ અકસ્માતથી ગભરાઈ ગયા હતા અને પ્રેક્ટિસ તરત જ રદ્દ કરવામાં આવી હતી.

હાર્પર ઘટના બાદ હોશમાં આવ્યો

રાહતની વાત એ હતી કે 27 વર્ષીય હાર્પર ઘટના બાદ હોશમાં હતો. મેલબોર્ન સ્ટાર્સે એક નિવેદન જારી કરીને જણાવ્યું હતું કે હાર્પરને બેટિંગ દરમિયાન બોલ વાગ્યો હતો અને તેને હોસ્પિટલમાં લઈ જવામાં આવ્યો હતો. સ્ટાર્સે અહેવાલ આપ્યો હતો કે હોસ્પિટલમાં લઈ જવામાં આવતા સમયે હાર્પરની હાલત સ્થિર હતી. ક્લબે ચાહકોને હાર્પરની ગોપનીયતાનું સન્માન કરવાની અપીલ કરી હતી અને કહ્યું હતું કે તેની સ્થિતિ અંગે ટૂંક સમયમાં અપડેટ આપવામાં આવશે. સ્ટાર્સની ટીમ શનિવારે હાર્પર વિના સિડની સિક્સર્સ સામે મેદાનમાં ઉતરશે.

Club Statement: Sam Harper was struck in the head whilst batting at training this evening at the MCG and subsequently taken to hospital in a stable condition. We ask that you respect his privacy at this time. The club will provide further updates when they come to hand.

— Melbourne Stars (@StarsBBL) January 5, 2024

10 વર્ષ જૂની ભયાનક ઘટના યાદ અપાવી દીધી

હાર્પરની આ દુર્ઘટનાએ ક્રિકેટ ચાહકોને 10 વર્ષ જૂની ભયાનક ઘટના યાદ અપાવી દીધી હતી, જ્યારે ઓસ્ટ્રેલિયાનો સ્ટાર બેટ્સમેન ફિલ હ્યુજીસ પણ બોલના માથા પર વાગવાને કારણે ઘાયલ થયો જેના કારણે તે પીચ પર પડ્યો અને બેભાન થઈ ગયો. હ્યુજીસ આ ઈજામાંથી સાજો થઈ શક્યો નહીં અને તેનું મૃત્યુ થયું. આ એક ઘટનાએ ક્રિકેટ જગતને શોક અને આઘાતથી ભરી દીધું અને અહીંથી ખેલાડીઓની સુરક્ષાને લઈને વધુ સતર્ક રહેવાના પ્રયાસો શરૂ થયા.

આ પણ વાંચો : કપિલ દેવે કારકિર્દીમાં એક પણ નો-બોલ ના ફેંક્યો! શું આ વાત સત્ય છે? જાણો હકીકત