Hardik Pandya ત્યારે રાત ભર સુઈ નહોતો શક્યો, બાળપણના કોચ એ પળોની વાત બતાવી કે જ્યારે તે ભાંગી પડ્યો હતો
જ્યારે હાર્દિક પંડ્યા (Hardik Pandya) ને ગુજરાત ટાઈટન્સ (Gujarat Titans) નો કેપ્ટન બનાવવામાં આવ્યો ત્યારે કોઈએ વિચાર્યું ન હતું કે તે કમાલ કરી શકે છે, પરંતુ પંડ્યાએ તમામ મુશ્કેલીઓને હરાવીને ગુજરાત ટાઈટન્સને ટાઈટલ અપાવ્યું હતું.
IPL 2022 ની શરૂઆત પહેલા, જ્યારે નવી નેવલ ટીમ ગુજરાત ટાઇટન્સે (Gujarat Titans) હાર્દિક પંડ્યા (Hardik Pandya) ને તેના કેપ્ટન તરીકે નિયુક્ત કર્યા ત્યારે ઘણા લોકોને આશ્ચર્ય થયું હતું. તે એટલા માટે કારણ કે પંડ્યાએ આ પહેલા ક્યારેય કેપ્ટનશીપ કરી ન હતી. તે જ સમયે, તે ઇજાઓથી પરેશાન હતો અને તેના ફોર્મના પણ કોઈ ઠેકાણાં નહોતા. આ કારણોસર તેના રમવા પર પણ પ્રશ્નો ઉભા થયા હતા. પરંતુ પંડ્યાએ આખી વાર્તા બદલી નાખી અને ગુજરાત ટાઇટન્સનું સુકાન સંભાળ્યું અને તેને પહેલી જ સિઝનમાં ટાઇટલ અપાવ્યું.તે સમયને યાદ કરીને પંડ્યાએ આપેલા વચન વિશે જણાવ્યું. આઈપીએલ 2022 પંડ્યાના નવા સ્વરુપને માટે યાદ રહેશે.
આ 2019 ની વાત છે. આ વર્ષે પંડ્યા કોફી વિથ કરણ શોમાં મહિલાઓ વિશેના વિવાદાસ્પદ નિવેદનથી ઘેરાયો હતો. આ કારણે તેને ઓસ્ટ્રેલિયા સામેની ODI સિરીઝમાંથી બહાર કરી દેવામાં આવ્યો હતો અને BCCI એ તેને ભારત પરત મોકલી દીધો હતો.
‘પંડ્યા આખી રાત ઉંઘી શક્યો નહીં’
પંડ્યાના કોચ, બાળપણના કોચ જિતેન્દ્ર સિંહે એક અંગ્રેજી અખબાર સાથે વાત કરતા તે સમય વિશે જણાવ્યું છે. જીતેન્દ્રએ કહ્યું, “તે આખી રાત સૂઈ ન શક્યો?” કોચે રૂમમાં હાજર અન્ય વ્યક્તિને પૂછ્યું. જીતેન્દ્રએ પછી પંડ્યાને જે કહ્યું તે કહ્યું, “ટેન્શન ન લો. તું ટૂંક સમયમાં ફરી ભારત માટે રમીશ. જે થયું તે થઈ ગયું. હવે ચિંતા કરવાનો કોઈ ફાયદો નથી. આવતીકાલે રિલાયન્સ સ્ટેડિયમમાં આવી જજે. હવે હસી પણ લે.”
તેમણે કહ્યું, “મેં તેના માટે બેડમિન્ટન કોર્ટ બુક કરાવી છે જેથી હું તેનામાં રમતની ભાવના પાછી લાવી શકું. હું તેને પરસેવો પડાવવા માંગતો હતો. મેં તેને ખુલ્લો છોડી દીધો. તેને ખ્યાલ આવ્યો કે તે એક સ્પોર્ટ્સમેન છે. આ જ કરવા માટે તેનો જન્મ થયો છે, કોઈ ચેટ શો કરવા માટે નહીં.”
કોચને વચન આપ્યું
જીતેન્દ્રએ જણાવ્યું કે આ વિવાદ બાદ હાર્દિકે તેને શું વચન આપ્યું હતું. પંડ્યાની વાત જણાવતા જિતેન્દ્રએ કહ્યું, “કોચ, તમે હવે મારા વિશે કોઈ નકારાત્મક વાતો સાંભળશો નહીં. કોચે કહ્યું, “તે પોતાના શબ્દો પર અડગ રહ્યો. આજે તેના પિતાને ખૂબ ગર્વ થશે.” પંડ્યાએ પણ આ સિઝનમાં તેની કેપ્ટનશિપથી ખૂબ પ્રભાવિત કર્યા હતો. ફાઇનલમાં તેણે ટીમને સામેથી લીડ કરી અને જોરદાર રમત બતાવી. તેણે રાજસ્થાનની ત્રણ મોટી વિકેટ ઝડપી અને 34 મહત્વપૂર્ણ રન બનાવ્યા.