TV9 GUJARATI | Edited By: Avnish Goswami
May 29, 2022 | 8:36 PM
IPL 2022 ની ફાઇનલમાં, ગુજરાત ટાઇટન્સ અને રાજસ્થાન રોયલ્સ (Gujarat Titans vs Rajasthan Royals, IPL 2022 Final) વચ્ચે સ્પર્ધા છે. રાજસ્થાનના કેપ્ટન સંજુ સેમસને (Sanju Samson) આ મેચમાં ટોસ જીત્યો, પરંતુ તેણે એવો નિર્ણય લીધો, જેની કદાચ બહુ ઓછા લોકોને આશા હશે. સંજુ સેમસને ટોસ જીતીને પ્રથમ બેટિંગ કરવાનું પસંદ કર્યું અને ત્યાર બાદ ગુજરાત ટાઇટન્સના કેપ્ટન હાર્દિક પંડ્યાની ખુશીનો પાર રહ્યો ન હતો. સંજુ સેમસનનો નિર્ણય સાંભળીને હાર્દિક પંડ્યા (Hardik Pandya) એ હાથ ઊંચો કરીને પોતાની ટીમના ડગઆઉટ તરફ ઈશારો કર્યો. વાસ્તવમાં તે ખુશ હતો કે રાજસ્થાન રોયલ્સે પ્રથમ બેટિંગ કરવાનું પસંદ કર્યું. જો કે, રાજસ્થાનના કેપ્ટને પણ પ્રથમ બેટિંગ કરવાનું કારણ આપ્યું હતું.
સંજુ સેમસને ટોસ જીતીને પ્રથમ બેટિંગ કરવાનું પસંદ કર્યું કારણ કે પિચ થોડી સૂકી હતી. સેમસને સિક્કો જીત્યો અને કહ્યું, ‘અમે પહેલા બેટિંગ કરીશું. પિચ સારી દેખાઈ રહી છે, તે થોડી સૂકી છે તેથી પહેલા બેટિંગ કરશે. આ પહેલેથી જ વપરાયેલી પીચ છે, તેથી તે બીજા દાવમાં અમારા સ્પિનરોને મદદ કરશે. અમારી ટીમમાં કોઈ ફેરફાર થયો નથી. તમને જણાવી દઈએ કે અમદાવાદમાં આયોજિત બીજા ક્વોલિફાયરમાં બાદમાં બેટિંગ કરનાર ટીમને શાનદાર મદદ મળી. રાજસ્થાને આરસીબીને એકતરફી રીતે હરાવ્યું અને જોસ બટલરે સદી ફટકારી. બાદમાં, બેટ્સમેનોને ડ્યૂનો ફાયદો મળ્યો, પરંતુ ટાઇટલ યુદ્ધમાં, સેમસને પ્રથમ બેટિંગ કરવાનું પસંદ કર્યું.
સંજુ સેમસનના નિર્ણયથી હાર્દિક પંડ્યા ઘણો ખુશ દેખાઈ રહ્યો હતો. પંડ્યાએ કહ્યું, ‘અમે પહેલા બોલિંગ કરવા માંગતા હતા. ઘરેલુ મેદાનમં અમને ટેકો આપવા માટે ઘણા બધા લોકો આવ્યા છે તે ખૂબ જ સારું લાગે છે. અમારી પાસે હીરો બનવાની તક છે. જલદી ક્વોલીફાય થવાથી તે ફાયદાકારક રહ્યુ છે. ખેલાડીઓએ આરામ કર્યો છે. અમે અમારી સ્વાભાવિક રમત રમવાનો પ્રયત્ન કરીશું. આપને જણાવી દઈએ કે ગુજરાત ટાઇટન્સની પ્લેઇંગ ઇલેવનમાં ફેરફાર કરવામાં આવ્યો હતો. અલ્ઝારી જોસેફની જગ્યાએ લોકી ફર્ગ્યુસનને તક આપવામાં આવી હતી.
🚨 Toss Update 🚨@IamSanjuSamson has won the toss & @rajasthanroyals have elected to bat against the @hardikpandya7-led @gujarat_titans in the summit clash.
Follow The Final ▶️ https://t.co/8QjB0b5UX7 #TATAIPL | #GTvRR pic.twitter.com/AGlMfspRWd
— IndianPremierLeague (@IPL) May 29, 2022
GT vs RR: ફાઇનલ પ્લેઇંગ ઈલેવન
ગુજરાત ટાઇટન્સ: હાર્દિક પંડ્યા (કેપ્ટન), રિદ્ધિમાન સાહા (વિકેટકીપર), શુભમન ગિલ, મેથ્યુ વેડ, ડેવિડ મિલર, રાહુલ તેવટિયા, રાશિદ ખાન, આર સાઈ કિશોર, લોકી ફર્ગ્યુસન, યશ દયાલ અને મોહમ્મદ શમી
રાજસ્થાન રોયલ્સ: સંજુ સેમસન (કેપ્ટન-વિકેટકીપર), જોસ બટલર, યશસ્વી જયસ્વાલ, દેવદત્ત પડિકલ, શિમરોન હેટમાયર, રિયાન પરાગ, રવિચંદ્રન અશ્વિન, યુઝવેન્દ્ર ચહલ, ટ્રેન્ટ બોલ્ટ, પ્રસિદ્ધ કૃષ્ણા અને ઓબેદ મેકકોય
