GT vs RR IPL 2022 Final Live Streaming: શું ગુજરાત ટાઈટન્સની ટીમ ઘરઆંગણે ચેમ્પિયન ખિતાબ જીતી ઈતિહાસ રચશે? ફાઈનલ મેચ જાણો ક્યારે, ક્યાં અને કેવી રીતે જોઈ શકશો
GT vs RR IPL 2022 Final Live Streaming: શું ગુજરાત ટાઈટન્સ (Gujarat Titans)ની ટીમ ઘરઆંગણે ચેમ્પિયન ખિતાબ જીતી ઈતિહાસ રચશે, ફાઈનલ મેચ જાણો ક્યારે, ક્યાં અને કેવી રીતે જોઈ શકશો.
IPL-2022ની ફાઈનલ માટે સ્ટેજ તૈયાર છે. આ સિઝનની બે ફાઈનલિસ્ટ ટીમો નક્કી થઈ ગઈ છે. આ મેચ વિશ્વના સૌથી મોટા ક્રિકેટ સ્ટેડિયમ- નરેન્દ્ર મોદી સ્ટેડિયમમાં રમાશે. ટાઈટલની રેસ આ સિઝનની બે ટોચની ટીમો વચ્ચે થશે. આ મેચ ગુજરાત ટાઈટન્સ અને રાજસ્થાન રોયલ્સ (GT vs RR) વચ્ચે રમાશે. ગુજરાતે લીગ સ્ટેજમાં પ્રથમ સ્થાન મેળવ્યું જ્યારે રાજસ્થાન બીજા સ્થાને રહ્યું. ક્વોલિફાયર-1માં પણ આ બે ટીમો સામસામે આવી હતી, જેમાં ગુજરાતે જીત મેળવીને સીધી ફાઈનલની ટિકિટ બુક કરી હતી. રાજસ્થાને બીજી ક્વોલિફાયર રમી અને રોયલ ચેલેન્જર્સ બેંગ્લોરને હરાવીને ફાઈનલની ટિકિટ મેળવી. હવે આ બંને ટીમો સામસામે ટકરાશે.
ગુજરાત પ્રથમ વખત આ સિઝન રમી રહ્યું છે. તેની પહેલી જ સિઝનમાં તેણે શાનદાર રમત બતાવી અને હાર્દિક પંડ્યાની કપ્તાની હેઠળ ફાઈનલમાં પ્રવેશ કર્યો. સંજુ સેમસને તે કર્યું છે, જે ફક્ત શેન વોર્ન તેની કેપ્ટનશીપ હેઠળ કરી શક્યો હતો. રાજસ્થાન આ લીગની પ્રથમ સિઝનની ફાઈનલમાં પ્રવેશ્યું હતું અને જીત પણ મેળવી હતી. તે વર્ષ બાદ રાજસ્થાને આ વર્ષે ફાઈનલમાં જગ્યા બનાવી છે અને હવે જોવાનું એ રહેશે કે શું આ ટીમ શેન વોર્નની કેપ્ટનશીપમાં જે કામ કરી રહી છે તે કરી શકશે કે કેમ.
RR vs GT, IPL 2022: જાણો મેચ ક્યારે, ક્યાં અને કેવી રીતે જોવી?
રાજસ્થાન રોયલ્સ અને ગુજરાત ટાઇટન્સ વચ્ચે IPL-2022ની ફાઇનલ મેચ ક્યારે રમાશે?
IPL-2022ની ફાઇનલ મેચ રાજસ્થાન રોયલ્સ અને ગુજરાત ટાઇટન્સ વચ્ચે રવિવાર, 29 મેના રોજ રમાશે.
રાજસ્થાન રોયલ્સ અને ગુજરાત ટાઇટન્સ વચ્ચે IPL-2022ની ફાઇનલ મેચ ક્યાં રમાશે?
રાજસ્થાન રોયલ્સ અને ગુજરાત ટાઇટન્સ વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાશે.
રાજસ્થાન રોયલ્સ અને ગુજરાત ટાઇટન્સ વચ્ચે IPL-2022ની ફાઇનલ મેચ ક્યારે શરૂ થશે?
રાજસ્થાન રોયલ્સ અને ગુજરાત ટાઇટન્સ વચ્ચેની મેચનો ટોસ સાંજે 7 વાગ્યે યોજાશે, જ્યારે પ્રથમ દાવ 07:30 વાગ્યે શરૂ થશે.
રાજસ્થાન રોયલ્સ અને ગુજરાત ટાઇટન્સ વચ્ચેની IPL-2022ની ફાઇનલ મેચનું લાઇવ ટેલિકાસ્ટ તમે ક્યાં જોઈ શકો છો?
રાજસ્થાન રોયલ્સ અને ગુજરાત ટાઇટન્સ વચ્ચેની આ મેચ સ્ટાર સ્પોર્ટ્સ નેટવર્કની ચેનલો પર વિવિધ ભાષાઓમાં જોઈ શકાશે.
તમે રાજસ્થાન રોયલ્સ અને ગુજરાત ટાઇટન્સ વચ્ચેની IPL-2022ની ફાઇનલ મેચ ઓનલાઇન લાઇવ સ્ટ્રીમિંગ ક્યાં જોઈ શકો છો?
રાજસ્થાન રોયલ્સ અને ગુજરાત ટાઇટન્સ વચ્ચેની IPL-2022 મેચનું ઓનલાઇન લાઇવ સ્ટ્રીમિંગ સબસ્ક્રિપ્શન સાથે Disney+Hotstar પર જોઇ શકાય છે. આ સિવાય tv9gujarati.com પર પણ મેચની લાઈવ અપડેટ વાંચી શકાશે