ENG vs NZ: ભારતીય પીચો પર સવાલ કરનારા ઈંગ્લેંડને ન્યુઝીલેન્ડ સામે ટેસ્ટ શરુ થતા જ આપ્યો જબરદસ્ત જવાબ
ઈંગ્લેંડ અને ન્યુઝીલેન્ડ (England Vs New Zealand) વચ્ચે બે મેચોની ટેસ્ટ શ્રેણીની પ્રથમ ટેસ્ટ આજે લંડનના લોર્ડઝમાં શરુ થઈ છે. આ મેચને લઈ પૂર્વ ક્રિકેટર વાસિમ જાફરે (Wasim Jaffer) જબરદસ્ત અંદાજથી પીચ રિપોર્ટનો કટાક્ષ લગાવ્યો છે.
ઈંગ્લેંડ અને ન્યુઝીલેન્ડ (England Vs New Zealand) વચ્ચે બે મેચોની ટેસ્ટ શ્રેણીની પ્રથમ ટેસ્ટ આજે લંડનના લોર્ડઝમાં શરુ થઈ છે. આ મેચને લઈ પૂર્વ ક્રિકેટર વાસિમ જાફરે (Wasim Jaffer) જબરદસ્ત અંદાજથી પીચ રિપોર્ટનો કટાક્ષ લગાવ્યો છે. ભારત અને ઈંગ્લેંડ વચ્ચે ચેન્નાઈ અને અમદાવાદ ટેસ્ટ દરમ્યાન ઈંગ્લેંડના પૂર્વ ક્રિકેટર દ્વારા કરાતા કટાક્ષનો વળતો જવાબ જાફરે આપ્યો છે. આમ તો જે તે વખતે જ જાફરે જવાબવાળીને સોશિયલ મીડિયા યુદ્ધ ચલાવ્યુ હતુ.
ભારતીય પીચને લઈને ચેન્નાઈ ટેસ્ટ અને અમદાવાદ ટેસ્ટ દરમ્યાન ઈંગ્લેંડના પૂર્વ દિગ્ગજોએ સવાલ ઉઠાવ્યા હતા. હવે જાણે કે આજ વાતનો ફરી એકવાર જવાબ આપવાનું વાસિમ જાફર ચુક્યો નથી. ભારતીય પીચોની સરખામણી હળ વડે ખેડાણ સાથે કરવા સુધી કરાઈ હતી.
મોકા પર છગ્ગો લગાવવા માફક ઈંગ્લેંડને આંગણે ટેસ્ટ સિરીઝ શરુ થતાં જ જાફરે આપ્યો છે. તેણે તસ્વીર શેર કરતા લખ્યુ હતુ કે, એમ લાગી રહ્યું છે કે ઈંગ્લેંડે સ્ટાર્ટર માટે હરા-ભરા કબાબ ઓર્ડર કર્યો છે.
Looks like England ordered Hara bhara kebab for starters 😛 #ENGvNZ pic.twitter.com/Er8KkJa8GG
— Wasim Jaffer (@WasimJaffer14) June 2, 2021
જાફરે આ તસ્વીર દ્વારા ઈશારા ઈશારામાં કહી દીધુ કે ખૂબ ઘાસ છે. જે ઝડપી બોલરોને ખૂબ મદદ આપી શકે છે. સ્વાભાવિક છે કે, ભારતીય પીચો ટર્ન લેતી હોય છે. જ્યારે ઈંગ્લેંડમાં ઘાસના પ્રમાણને લઈને ઝડપી બોલરને મદદ કરતી હોય છે. પરંતુ વ્યવહારીક વાતોને પચાવવાને બદલે હાર બાદ ભારતીય પીચોને નિશાને લીધી હતી.
ઈંગ્લેંડ ન્યુઝીલેન્ડ ટેસ્ટ
ન્યુઝીલેન્ડે પ્રથમ ટેસ્ટમાં ટોસ જીતીને પ્રથમ બેટીંગ કરવા માટેનો નિર્ણય કર્યો છે. આ મેચમાં ઈંગ્લેંડ તરફથી જેમ્સ બ્રેસી અને ઓલી રોબિન્સનને ડેબ્યૂ કરવાની તક મળી છે. જ્યારે ન્યુઝીલેન્ડ તરફથી ડેવન કોન્વેએ ડેબ્યૂ કર્યુ હતુ. ન્યુઝીલેન્ડ ઈંગ્લેંડ સામે બે ટેસ્ટ મેચ રમ્યા બાદ વિશ્વ ટેસ્ટ ચેમ્પિયનશીપની ફાઈનલ મેચમાં ભારત સામે મેદાને ઉતરશે.
Latest News Updates
