ENG vs IND Jasprit Bumrah: સુકાની જસપ્રીત બુમરાહે રચ્યો ઇતિહાસ, આવુ કરનાર માત્ર છઠ્ઠો ભારતીય બોલર
Cricket : ભારતીય કેપ્ટન જસપ્રિત બુમરાહે (Jasprit Bumrah) એજબેસ્ટન ટેસ્ટ મેચમાં ઐતિહાસિક સિદ્ધિ મેળવી છે. બુમરાહ હવે ઝહીર ખાન અને અનિલ કુંબલે (Anil Kumble) જેવા બોલરોની ક્લબમાં સામેલ થઈ ગયો છે.
ભારતીય ફાસ્ટ બોલર જસપ્રીત બુમરાહે (Jasprit Bumrah) એક ખાસ સિદ્ધિ હાંસલ કરી છે. બુમરાહ હવે સેના દેશો (SENA Countries) માં 100 વિકેટ લેનારો છઠ્ઠો ભારતીય બોલર બની ગયો છે. બુમરાહે એજબેસ્ટન ખાતે ઈંગ્લેન્ડ સામે રમાઈ રહેલી ટેસ્ટ મેચના ચોથા દિવસે ઈંગ્લેન્ડના ઓપનર જેક્સ ક્રાઉલીને આઉટ કરીને આ સ્થાન પર પહોંચ્યો હતો.
જસપ્રીત બુમરાહે અત્યાર સુધીમાં ઈંગ્લેન્ડમાં 37, ઓસ્ટ્રેલિયામાં 32, ન્યુઝીલેન્ડમાં 6 અને દક્ષિણ આફ્રિકામાં 26 વિકેટ ઝડપી છે. કપિલ દેવ, ઈશાંત શર્મા, ઝહીર ખાન, મોહમ્મદ શમી અને અનિલ કુંબલે ટેસ્ટ ક્રિકેટમાં સેના (દક્ષિણ આફ્રિકા, ઈંગ્લેન્ડ, ન્યુઝીલેન્ડ, ઓસ્ટ્રેલિયા) દેશોમાં 100 કે તેથી વધુ વિકેટ લેનારા ભારતીય બોલર છે.
SENA દેશોમાં સૌથી વધુ ટેસ્ટ વિકેટ (ભારતીય બોલર)
અનિલ કુંબલેઃ 141 વિકેટ ઈશાંત શર્માઃ 130 વિકેટ ઝહીર ખાનઃ 119 વિકેટ મો. શમીઃ 119 વિકેટ* કપિલ દેવઃ 117 વિકેટ જસપ્રીત બુમરાહઃ 101 વિકેટ*
Jasprit Bumrah surpasses Wasim Akram to become the youngest Asian to take 100 wickets in SENA countries 🔥🇮🇳#JaspritBumrah #wasimakram #CricketTwitter #ENGvIND #India pic.twitter.com/7gRndsRpWq
— Sportskeeda (@Sportskeeda) July 5, 2022
Jasprit Bumrah completes 100 wickets across SENA countries, joins league of Kapil Dev, Kumble
Read @ANI Story | https://t.co/x07MRJrIRx#JaspritBumrah #KapilDev #CricketTwitter #INDvsENG pic.twitter.com/P9T5RQ5uue
— ANI Digital (@ani_digital) July 4, 2022
ઇંગ્લેન્ડને 378 રનનો મળ્યો લક્ષ્યાંક
મેચની વાત કરીએ તો એલેક્સ લીસ અને જેક ક્રોલીએ બીજા દાવમાં 107 રનની ઓપનિંગ ભાગીદારી કરીને ઈંગ્લેન્ડને શાનદાર શરૂઆત અપાવી હતી. ચાના સમયના થોડા સમય પહેલા સુકાની જસપ્રીત બુમરાહે ક્રાઉલીને બોલ્ડ કરીને આ ભાગીદારી તોડી હતી. ત્યાર બાદ ચાના સમય બાદ બુમરાહે ઓલી પોપને પણ નવા બોલથી શૂન્ય રને આઉટ કર્યો હતો. જો કે જો રૂટ અને જોની બેયરસ્ટોની શાનદાર ભાગીદારીના કારણે ચોથા દિવસની રમતના અંતે ઈંગ્લેન્ડ મજબૂત સ્થિતિમાં પહોંચી ગયું હતું.
આ પહેલા ભારતનો બીજો દાવ 245 રનના સ્કોર પર સમેટાઈ ગયો હતો. જેના કારણે ઈંગ્લેન્ડને 378 રનનો ટાર્ગેટ મળ્યો હતો. મુલાકાતી ટીમ માટે માત્ર ચેતેશ્વર પૂજારા અને રિષભ પંત જ અડધી સદી ફટકારી શક્યા હતા. બીજી ઈનિંગમાં ઈંગ્લેન્ડ તરફથી સુકાની બેન સ્ટોક્સે 33 રનમાં 4 વિકેટ ઝડપી હતી. ભારતને પાંચ મેચોની શ્રેણી જીતવા માટે આ મેચમાં ઓછામાં ઓછી ડ્રો જરૂર છે.
Latest News Updates
