Cricket: વર્તમાન સમયમાં આ ત્રણ બેટ્સમેન લગાવી ચુક્યા છે ટેસ્ટ ક્રિકેટમાં સૌથી વધુ સિક્સર, જાણો

ટેસ્ટ ક્રિકેટ (Test Cricket) સિક્સર સાથેની રમત જરુર રોમાંચને વધારી દેતી હોય છે. ટેસ્ટ ક્રિકેટ આમ તો વિકેટ બચાવી સુરક્ષિત રમવાની રમત છે. આમ છતાં એક દશકમાં આ પરિવર્તન જોવા મળી રહ્યું છે.

Cricket: વર્તમાન સમયમાં આ ત્રણ બેટ્સમેન લગાવી ચુક્યા છે ટેસ્ટ ક્રિકેટમાં સૌથી વધુ સિક્સર, જાણો
Ben Stokes

ટેસ્ટ ક્રિકેટ (Test Cricket)માં પણ વર્તમાન સમયમાં કેટલાક પરિવર્તન જોવા મળી રહ્યા છે. ખાસ કરીને બેટીંગમાં પહેલા સુરક્ષાત્મક રીતે બેટ્સમેન બેટીંગ કરીને વિકેટને ટકાવી રાખવા માટે પ્રયાસ કરતા હતા. જ્યારે વર્તમાનમાં કેટલાક ક્રિકેટરો હજુ પણ આક્રમકતા અપનાવી રહ્યા છે. એક સમય હતો કે પીચ પર ટકી રહેવા માટે રનની ગતી પર ધ્યાન આપવામાં આવતુ નહોતુ. જેમ કે અત્યારે ચેતેશ્વર પુજારા (Cheteshwar Pujara)ની રમત જોઈ શકાય છે. તે એક ટેસ્ટ નિષ્ણાંતની જેમ ક્રિકેટ રમતો નજર આવે છે.

 

જોકે છેલ્લા એકાદ દશકથી રનની ગતીમાં વધારો થયો છે. જેથી દિવસના અંતે સ્કોર બોર્ડ હર્યુ ભર્યુ લાગી શકે. ખાસ કરીને ક્રિકેટમાં T20 ફોર્મેટ બાદ રમત બદલાતી જવા લાગી છે. જેમાં ઝડપથી રમત રમીને સ્કોર બોર્ડને ફરતુ રાખવામાં આવે છે. ચોગ્ગા અને છગ્ગા ક્રિકેટના ટૂંકા ફોર્મેટમાં વધુ જોવા મળતા હોય છે અને તેનો રોમાંચ પણ ખૂબ હોય છે. હવે ટેસ્ટ ક્રિકેટમાં પણ એક અલગ રોમાંચ પેદા થઈ રહ્યો છે. બેટ્સમેનો ચોગ્ગા અને છગ્ગા વાળી પણ કરતા જોવા મળી રહ્યા છે.

 

રોહિત શર્મા (Rohit Sharma)એ ઓવલ ટેસ્ટમાં ત્રીજા દિવસની રમત દરમ્યાન સિક્સર સાથે શતક પૂર્ણ કર્યુ હતુ. ઉપરાંત શાર્દૂલ ઠાકુરે (Shardul Thakur) ઓવલ ટેસ્ટના પ્રથમ દિવસે આવી જ રમતનો નજારો બતાવ્યો હતો. ક્રિકેટમાં સૌથી વધુ છગ્ગા લગાવનાર વર્તમાનના આવા જ ટોપ થ્રી બેટ્સમેન પર નજર કરીશુ.

 

બેન સ્ટોક્સ, ઈંગ્લેન્ડ (સિક્સ-79)

વર્તમાન સમયમાં ટેસ્ટ ક્રિકેટમાં સૌથી વધારે છગ્ગા લગાવવાની યાદીમાં બેન સ્ટોક્સ સૌથી આગળ છે. ઈંગ્લેન્ડનો ધુંઆધાર ઓલરાઉન્ડર સિક્સર લગાવવામાં માહેર છે. તે ક્રિકેટના તમામ ફોર્મેટમાં તોફાની બેટીંગ કરતો નજર આવતો હોય છે. સ્ટોક્સે 71 ટેસ્ટ મેચોની 130 ઈનીંગ દરમ્ચાન 79 સિક્સ લગાવી છે.

 

ટીમ સાઉથી, ન્યુઝીલેન્ડ (સિક્સ-75)

આમ તો નીચલા ક્રમમાં બેટીંગ કરવા આવતો ટીમ તેની રમતથી જાણીતો છે. તે કીવી ટીમ માટે મહત્વની ભૂમિકા નિભાવતો હોય છે. તે 79 ટેસ્ટ મેચ પોતાના કરિયર દરમ્યાન રમી ચુક્યો છે. સાઉથીએ આ દરમ્યાન 75 સિક્સર લગાવી છે. સાઉથીએ ટેસ્ટ ક્રિકેટમાં 17.28 રનની સરેરાશથી 1,728 રન બનાવ્યા છે. જેમાં 5 અર્ધશતક પણ સામેલ છે.

 

એન્જલો મેથ્યુ, શ્રીલંકા (સિક્સ-63)

એંજલો આ યાદીમાં ત્રીજા ક્રમે છે. શ્રીલંકા માટે ક્રિકેટના ત્રણેય ફોર્મેટમાં શાનદાર રમત રમે છે. તે મધ્ય ક્રમમાં બેટીંગ માટે ક્રિઝ પર આવતો હોય છે. 90 ટેસ્ટ મેચના કરિયરમાં તે 161 ઈનીંગ રમી ચુક્યો છે. જે દરમ્યાન તેણે 63 છગ્ગા લગાવ્યા છે. શ્રીલંકાના આ પૂર્વ કેપ્ટન અને ઓલરાઉન્ડર ખેલાડી 11 શતક અને 36 અર્ધ શતક ટેસ્ટ ક્રિકેટમાં લગાવી ચુક્યો છે.

 

 

આ પણ વાંચોઃ IND vs ENG: ઉમેશ યાદવને 8 મહિના બાદ લાલ બોલથી રમવાનો મોકો મળ્યો, ઈંગ્લેન્ડને પરેશાન કરી દિગ્ગજોની યાદીમાં સામેલ થયો

 

 આ પણ વાંચોઃ Tokyo Paralympics હરવિંદર સિંહે આર્ચરીમાં બ્રોન્ઝ મેડલ જીત્યો,ભારતને મળ્યો 13મો મેડલ

Click on your DTH Provider to Add TV9 Gujarati