Cricket: રોબિન ઉથપ્પાએ આટલા વર્ષે કહ્યુ, ભારત પાકિસ્તાન સામેની મેચમાં શોએબ અખ્તરે આવી ધમકી આપી હતી

રાવલપિંડી એક્સપ્રેસથી ઓળખાતા પાકિસ્તાનના ઝડપી બોલર શોએબ અખ્તરને વિશ્વના ખતરનાક બોલરોમાં ગણના કરવામાં આવતી હતી.

  • Publish Date - 12:30 pm, Mon, 17 May 21 Edited By: Bhavesh Bhatti
Cricket: રોબિન ઉથપ્પાએ આટલા વર્ષે કહ્યુ, ભારત પાકિસ્તાન સામેની મેચમાં શોએબ અખ્તરે આવી ધમકી આપી હતી
Robin Uthappa & Shoaib Akhtar

રાવલપિંડી એક્સપ્રેસથી ઓળખાતા પાકિસ્તાન (Pakistan) ના ઝડપી બોલર શોએબ અખ્તર (Shoaib Akhtar) ને વિશ્વના ખતરનાક બોલરોમાં ગણના કરવામાં આવતી હતી. તે બોલની ઝડપ અને બાઉન્સર વડે બેટ્સમેનો પર પોતોના ખૌફ ચલાવતો હતો. તેણે વિશ્વભરના બેટ્સમેનોને પોતાની બોલીંગ વડે મુશ્કેલીમાં રાખ્યા હતા. ટીમ ઇન્ડીયા (Team India) ના પૂર્વ ખેલાડી રોબિન ઉથપ્પા (Robin Uthappa) એ શોએબ અખ્તરે પોતાને કેવી ચેતવણી આપી હતી, તેને લઇને એક કહાની ફેન્સ સામે રજૂ કરી છે.

ઉથપ્પાએ સોશિયલ મીડિયા વિડીયો દ્વારા વાત કરતા કહ્યુ હતું કે, ગુવાહાટીમાં ભારત અને પાકિસ્તાન વચ્ચે એક મેચ રમાઇ રહી હતી. ગુવાહાટી એ ભારતના પૂર્વીય ક્ષેત્રમાં આવેલો વિસ્તાર છે. જ્યાં દેશના અન્ય ભાગના પ્રમાણમાં અંધારુ વહેલુ થઇ જતુ હોય છે. તે વખતે અમને વન ડેમાં બે નવા બોલ મળતા હતા. 34 ઓવર બાદ ટીમને બીજો નવો બોલ મળતો હતો. જે બોલ 24 ઓવર જૂનો રહેતો હતો.

જે મેચમાં શોએબ અખ્તર બોલીંગ કરી રહ્યો હતો. હું અને ઇરફાન પઠાણ બેંટીગ કરી રહ્યા હતા. અમારે જીત માટે 25 બોલમાં 12 રનની જરુર હતી. મને યાદ છે કે, જ્યારે બેટીંગ કરી રહ્યો હતો, ત્યારે શોએબ એ મને એક યોર્કર બોલ ફેંક્યો હતો. જોકે તે બોલને રમવાથી ચુકી ગયો પરંતુ, તેને રોકી લેવામાં સફળ રહ્યો હતો. તે બોલની ઝડપ 154 રનની આસપાસની હતી.

ત્યારબાદ આગળના બોલે મે ચોગ્ગો લગાવ્ય હતો. આગળ જતા જીત માટે 3-4 રનની જરુર હતી. આ દરમ્યાન મે ખુદની સાથે વાત કરી કે, શોએબના બોલને તેની નજીક જઇને ફટકારવાનો છે. આવા મોકા કેટલી વાર મળશે. ત્યારબાદ તેણે એક લેન્થ બોલ ફેંક્યો અને મે તેની પર ચોગ્ગો લગાવ્યો હતો. ભારતે તે મેચ જીતી લીધી હતી.

આગળની મેચ ગ્વાલીયરમાં હતી મને યાદ છે કે, અમે ડિનર કરી કોઇના રુમમાં ગયા હતા, જ્યાં શોએબ અખ્તર પણ હાજર હતો. તે મારી પાસે આવ્યો અને મને કહ્યુ કે, રોબીન તે સારી બેટીંગ કરી અને તે મારા બોલને ધોઇ નાંખ્યા. પરંતુ જો આગળની વાર તે આમ કર્યું તો, ખબર નહી શું થશે. જો તુ ફુટ સ્ટેપનો ઉપયોગ કરીશ તો હું બોલ સીધો તારા માથા પર ફેંકી શકુ છું. ત્યારબાદ મે તેની સામે પોતાના ફુટ સ્ટેપનો ઉપયોગ નહોતો કર્યો.