ચેતેશ્વર પુજારા એ કાળઝાળ ગરમી વચ્ચે બતાવ્યો બેટીંગ પાવર, બેવડી સદી ફટકારતા જ 118 વર્ષ બાદ થયો આ કમાલ

ઈંગ્લેન્ડ (England) હાલમાં કાળજાર ગરમી વરસી રહી છે. આકરા ઉનાળાની ગરમી વચ્ચે ભારતીય બેટ્સમેન ચેતેશ્વર પૂજારા (Cheteshwar Pujara) એ બુધવારે લોર્ડ્સના ઐતિહાસિક મેદાન પર બેટ વડે હંગામો મચાવ્યો હતો. તેણે કાઉન્ટી ચેમ્પિયનશિપમાં મિડલસેક્સ સામે સસેક્સ (Sussex Cricket) માટે બેવડી સદી ફટકારી હતી. પૂજારાના બેટથી આ સિઝનમાં ત્રીજી વખત બેવડી સદી ફટકારવામાં આવી છે. મિડલસેક્સ સામે સસેક્સની કેપ્ટનશીપ કરતી વખતે પૂજારાએ 368 બોલમાં 200 રન પૂરા કર્યા હતા. આ દરમિયાન તેણે 19 ચોગ્ગા અને 2 છગ્ગા ફટકારીને પોતાની ટીમની સ્થિતિ મજબૂત કરી હતી. સસેક્સને છેલ્લો ફટકો પૂજારાના રૂપમાં 523 રનના સ્કોર પર લાગ્યો હતો. તે 403 બોલમાં 231 રન બનાવીને આઉટ થયો હતો.

સસેક્સના બેટ્સમેને 118 વર્ષ બાદ કર્યો કમાલ

પૂજારા 118 વર્ષ બાદ એક જ કાઉન્ટી સિઝનમાં ત્રણ બેવડી સદી ફટકારનાર સસેક્સનો પ્રથમ ખેલાડી બન્યો છે. તે છેલ્લી કેટલીક મેચોથી શાનદાર ફોર્મમાં છે. ભારત અને ઈંગ્લેન્ડ વિરુદ્ધ એજબેસ્ટન ટેસ્ટમાં તેણે બીજી ઈનિંગમાં અડધી સદી ફટકારી હતી. મિડલસેક્સ સામેની મેચ પહેલા ટોમ હેઈન્સ ઈજાગ્રસ્ત થયા બાદ પૂજારાને સસેક્સનો કેપ્ટન બનાવવામાં આવ્યો હતો. લિસેસ્ટરશાયર સામેની પાછલી મેચમાં હેઈન્સને હાથની ઈજા થઈ હતી, ત્યારબાદ તેને 5 થી 6 અઠવાડિયાના આરામની સલાહ આપવામાં આવી હતી. મિડલસેક્સ સામે પ્રથમ બેટિંગ કરતા સસેક્સે 35 ઓવરમાં 99 રનમાં 2 વિકેટ ગુમાવી દીધી હતી.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

A batting masterclass at Lord’s. 🌟

Superb, @cheteshwar1. 👏

2⃣0⃣0⃣ pic.twitter.com/IQ0e3G25WD

— Sussex Cricket (@SussexCCC) July 20, 2022

તેની આ બેવડી સદીને સન્માન આપવા માટે લોર્ડઝની બાલ્કનીમાં રહેલા સૌ કોઈ ઉભા થઈ ગયા હતા અને તાળીઓનો ગળગળાટ સ્ટેડિયમમાં આ સાથે જ થઈ ગયો હતો.

Out onto the balcony to stand and applaud a fantastic innings. 👏@cheteshwar1 💯💯 pic.twitter.com/2hmvm9wMz4

— Sussex Cricket (@SussexCCC) July 20, 2022

ડર્બીશાયર અને ડરહામ સામે બેવડી સદી

આ પછી પુજારાએ ટોમ સાથે મળીને 219 રનની શાનદાર ભાગીદારી કરી હતી. ભારતીય બેટ્સમેને અગાઉ ડર્બીશાયર અને ડરહામ સામે બેવડી સદી ફટકારી હતી. સસેક્સ માટે પૂજારાની આ પ્રથમ કાઉન્ટી સિઝન છે અને તેણે તેની ડેબ્યૂ સિઝનમાં જ હંગામો મચાવ્યો હતો. કેપ્ટન તરીકે આ તેની બેવડી સદી છે.

એજબેસ્ટન ટેસ્ટ પહેલા પુજારાએ મિડલસેક્સ સામે 170, ડરહામ સામે 203, વર્સેસ્ટરશાયર સામે 109, કાઉન્ટીમાં ડર્બીશાયર સામે અણનમ 201 રન બનાવ્યા હતા. મે મહિનામાં પુજારા મિડલસેક્સ સામે અણનમ 170 રન બનાવ્યા બાદ ભારતીય ટેસ્ટ ટીમમાં પરત ફર્યો હતો. આ પહેલા તે શ્રીલંકા સામેની હોમ સિરીઝમાંથી બહાર થઈ ગયો હતો.