Cricket: ચેતેશ્વર પુજારાની ટીમની મેચ દરમિયાન જબરું થઇ ગયુ! આ ખતરાંથી ખેલાડીઓ-અંપાયરોને મેદાન પર ચત્તા સુઈ જવુ પડ્યુ, જુઓ- Video
એક મહિનાથી વધુ સમયથી કાઉન્ટી ચેમ્પિયનશિપમાં રમી રહેલા ચેતેશ્વર પૂજારા (Cheteshwar Pujara) નો ઈંગ્લેન્ડમાં આ છેલ્લો દિવસ હતો અને તેને વિચિત્ર પરિસ્થિતિનો સામનો કરવો પડ્યો હતો.
ભારતીય ક્રિકેટ ટીમના અનુભવી બેટ્સમેન ચેતેશ્વર પૂજારા (Cheteshwar Pujara) આ દિવસોમાં ઈંગ્લેન્ડમાં છે, જ્યાં તે કાઉન્ટી ચેમ્પિયનશિપ (County Championship) માં સસેક્સ ટીમ (Sussex Team) નો ભાગ છે. IPL ની ધમાલથી દૂર, પુજારા ટીમ ઈન્ડિયામાં તેની વાપસીની આશા સાથે સખત મહેનત કરી રહ્યો છે અને કાઉન્ટીમાં સતત સારું પ્રદર્શન કરી રહ્યો છે. જો કે, તાજેતરમાં જ તેને અને તેની ટીમ સસેક્સના ખેલાડીઓને મેદાન પર એક વિચિત્ર પરિસ્થિતિનો સામનો કરવો પડ્યો હતો, જ્યાં આકાશમાં આફતને કારણે ટીમને થોડીવાર માટે મેચ રોકવી પડી હતી અને ખેલાડીઓએ પોતાને બચાવવાનો પ્રયાસ મેદાનમાં સુઈ જઈને કર્યો હતો.
આ મામલો રવિવાર 15 મેનો છે, જ્યારે ઇંગ્લેન્ડના લેસ્ટરમાં સસેક્સ અને લેસ્ટરશાયર કાઉન્ટી વચ્ચે કાઉન્ટી મેચનો છેલ્લો દિવસ ચાલી રહ્યો હતો. લેસ્ટરશાયર તેની બીજી ઇનિંગમાં બેટિંગ કરી રહી હતી. આ દરમિયાન અચાનક બેટિંગ કરી રહેલ ખેલાડી ક્રિઝની બહાર નીકળીને મેદાન પર સૂઈ ગયો. બાકીના વિકેટકીપરો, બોલરો, અન્ય ફિલ્ડરો અને અમ્પાયરો પણ પોતપોતાની જગ્યાએ સૂઈ ગયા, જેણે બધાને આશ્ચર્યચકિત કરી દીધા.
મધમાખીના હુમલાથી પરેશાન
જો કે, આ સ્થિતિ પાછળનું કારણ સમજવામાં વધુ સમય ન લાગ્યો અને બધાને ખબર પડી કે મધમાખીઓનું ટોળું પીચની ઉપર મંડરવાનું શરૂ કર્યું. આ ટોળું બેટ્સમેન અને અમ્પાયર સુધી પહોંચ્યું અને થોડી સેકન્ડો માટે મંડરાતું રહ્યું. આ દરમિયાન કેમેરાની સામે મધમાખીઓ પણ ગુંજતી જોવા મળી હતી. જોકે, થોડા જ સમયમાં પરિસ્થિતિ સુધરી અને પછી મેચ શરૂ થઈ. લેસ્ટરશાયર ક્લબે પણ પોતાના ટ્વિટર એકાઉન્ટ પર આ રમુજી ઘટનાનો વીડિયો પોસ્ટ કર્યો છે.
̶R̶a̶i̶n̶…̶B̶a̶d̶ ̶L̶i̶g̶h̶t̶…̶ stop play???
Not something I thought I’d be tweeting today. A swarm of bees force the players and umpires to hit the deck at Grace Road.
Ollie Robinson’s bowling spin too.
Just an average Sunday.
#CountyTogether pic.twitter.com/W0FkY3MMD2
— Leicestershire CCC (@leicsccc) May 15, 2022
અનિર્ણિત રહી ચાર દિવસીય મેચ
જ્યાં સુધી આ મેચની વાત છે, રવિવારે અંતિમ દિવસે આ મેચ ડ્રોમાં સમાપ્ત થઈ હતી. લિસેસ્ટરશાયર તેની પ્રથમ ઇનિંગમાં માત્ર 210 રન બનાવી શક્યું હતું. જવાબમાં સસેક્સે ટોમ ક્લાર્કની 138 રનની ઇનિંગના આધારે 450 રન બનાવ્યા હતા. આ ઇનિંગમાં પૂજારા માત્ર 3 રન બનાવીને આઉટ થયો હતો. લેસ્ટરે તેના બીજા દાવમાં થોડી સારી બેટિંગ કરી અને 9 વિકેટના નુકસાન પર 333 રન બનાવ્યા, જે બાદ મેચને ડ્રો જાહેર કરવામાં આવી.
પૂજારાની શાનદાર સિઝન પૂરી થઈ
આ મેચ સાથે, પૂજારાનું સસેક્સ સાથેનું જોડાણ પણ આ વખતે સમાપ્ત થઈ ગયું. કાઉન્ટી ચેમ્પિયનશિપની આ સિઝન પૂજારા માટે શાનદાર રહી હતી, જેમાં ભારતીય દિગ્ગજ ખેલાડીએ સતત 4 મેચમાં 2 બેવડી સદી સહિત કુલ 4 સદી ફટકારી હતી. માત્ર પાંચમી મેચમાં તે કંઈ ખાસ કરી શક્યો નહોતો. પૂજારાએ આ સમયગાળા દરમિયાન 5 મેચની 8 ઇનિંગ્સમાં 720 રન બનાવ્યા હતા અને તે ત્રીજા સૌથી સફળ બેટ્સમેન હતા. તેના પ્રદર્શનના કારણે તેને ઈંગ્લેન્ડ સામેની ટેસ્ટ મેચ માટે ભારતીય ટીમમાં પસંદ કરવામાં આવી શકે છે.