જય શાહ કે સૌરવ ગાંગુલી? BCCIના ‘બોસ’ નો 18 ઓક્ટોબરે થશે ફેંસલો
સુપ્રીમ કોર્ટમાંથી રાહત મળ્યા બાદ સૌરવ ગાંગુલી (Sourav Ganguly) અને જય શાહ (Jay Shah) સહિતના વર્તમાન પદાધિકારીઓ માટે BCCI ના પદો પર ફરીથી ચૂંટાઈ આવવાનો રસ્તો સાફ થઈ ગયો છે.
સુપ્રીમ કોર્ટમાંથી રાહત મળ્યા બાદ હવે ભારતીય ક્રિકેટ કંટ્રોલ બોર્ડ (BCCI) ટૂંક સમયમાં ચૂંટણી કરાવવા જઈ રહ્યું છે. આ ચૂંટણીઓ નક્કી કરશે કે સૌરવ ગાંગુલી (Sourav Ganguly) અને જય શાહ (Jay Shah) સહિતના વર્તમાન પદાધિકારીઓને સુપ્રીમ કોર્ટમાંથી મળેલી રાહતનો લાભ મળશે કે નહીં. અહેવાલો અનુસાર, BCCI આગામી મહિને 18 ઓક્ટોબરના રોજ તેની વાર્ષિક સામાન્ય સભા (BCCI AGM) નું આયોજન કરશે, જેમાં ઘણા મુદ્દાઓ પર ચર્ચા અને અપડેટ્સની સાથે ચૂંટણી યોજવામાં આવશે. આ સિવાય મહિલા IPL પર પણ આ AGMમાં મોટી જાહેરાત થઈ શકે છે.
AGM માં મહિલા IPL અને ચૂંટણી મોટા મુદ્દા
મીડિયા અહેવાલ મુજબ બોર્ડના સેક્રેટરી જય શાહે તમામ રાજ્ય એસોસિએશનોને એક પત્ર મોકલ્યો હતો, જેમાં 18 ઓક્ટોબરે યોજાનારી એજીએમ અને તેમાં ઉઠાવવામાં આવનાર મુદ્દાઓ વિશે માહિતી આપવામાં આવી હતી. . આ બોર્ડની 91મી એજીએમ હશે. છેલ્લી વાર્ષિક બેઠક ડિસેમ્બર 2021 માં યોજાઈ હતી. એજન્ડામાં મહિલા IPL પર અપડેટ્સથી લઈને ICCમાં BCCI પ્રતિનિધિની પસંદગીનો સમાવેશ થાય છે, પરંતુ જે વિષય પર સૌથી વધુ ધ્યાન આપવામાં આવે છે તે છે બોર્ડ અધિકારીઓની ચૂંટણી.
જય શાહ હશે BCCI અધ્યક્ષ?
વર્તમાન પ્રમુખ સૌરવ ગાંગુલી, સેક્રેટરી જય શાહ, ટ્રેઝરર અરુણ ધૂમલ જેવા અધિકારીઓનો કાર્યકાળ પૂરો થઈ ગયો છે, પરંતુ તાજેતરમાં સુપ્રીમ કોર્ટે બીસીસીઆઈના બંધારણમાં ફેરફારોને મંજૂરી આપ્યા બાદ બીજી ટર્મ માટેનો માર્ગ મોકળો થઈ ગયો હતો. જેથી ફરી ચૂંટણીનો માર્ગ મોકળો થયો હતો. બોર્ડના વર્તમાન અધિકારીઓ લગભગ સ્પષ્ટ છે, પરંતુ મોટાભાગની નજર ચેરમેન પદ પર છે. શું ગાંગુલી ફરીથી પ્રમુખ પદ માટે ચૂંટણી લડશે કે જય શાહ તેના માટે દાવો કરશે?
તાજેતરના અહેવાલોમાં દાવો કરવામાં આવ્યો છે કે મોટાભાગના રાજ્ય સંગઠનો જય શાહને બોર્ડના પ્રમુખની જવાબદારી સંભાળતા જોવા માંગે છે અને માને છે કે તેમના માટે બોર્ડની કમાન સંભાળવાનો આ યોગ્ય સમય છે.
શું ગાંગુલી ICC ની ચૂંટણી લડશે?
જો આમ થશે તો આગામી સમયમાં ગાંગુલી બોર્ડમાં શું ભૂમિકા ભજવશે તેના પર મોટાભાગની નજર છે. એવી અટકળો પણ ચાલી રહી છે કે ડિસેમ્બરમાં યોજાનારી ICC અધ્યક્ષની ચૂંટણીમાં BCCI વતી ગાંગુલીનો દાવો થઈ શકે છે. આ વિષયો ઉપરાંત આ એજીએમમાં નવી ક્રિકેટ સલાહકાર સમિતિની રચના પણ થઈ શકે છે. તે જ સમયે, આ એજીએમમાં બીસીસીઆઈના મીડિયા અધિકારો અને આઈસીસી ઈવેન્ટ્સ સાથે સંબંધિત ટેક્સના મુદ્દાઓ પર પણ ચર્ચા કરવામાં આવશે.
Latest News Updates
