Cricket: યુરોપમાં આ બેટ્સમેને કર્યુ ધમાકેદાર પરાક્રમ, એક ઓવરમાં ફટકારી 6 સિક્સર
ક્રિકેટર અરિથરન વસીકરણ (Aritharan Vaseekaran)નું અજાણ્યુ નામ એકાએક ક્રિકેટ વિશ્વમાં છવાઈ જવા પામ્યુ છે. અરિથરને એકા એક ચર્ચામાં આવવાનું કારણ ના માત્ર તેની ધમાકેદાર બેટીંગ જ છે,
ક્રિકેટર અરિથરન વસીકરણ (Aritharan Vaseekaran)નું અજાણ્યુ નામ એકાએક ક્રિકેટ વિશ્વમાં છવાઈ જવા પામ્યુ છે. અરિથરને એકા એક ચર્ચામાં આવવાનું કારણ ના માત્ર તેની ધમાકેદાર બેટીંગ જ છે, પરંતુ જે પરાક્રમ યુવરાજ અને શાસ્ત્રીએ કર્યુ છે એ તે પોતે પણ કરી ચુક્યો છે. 34 વર્ષિય અરિથરને યુરોપિયન ક્રિકેટ સિરીઝ (European Cricket Series)માં રમતા 6 બોલમાં 6 સિક્સર લગાવી છે.
T10 ટુર્નામેન્ટમાં રમવા દરમ્યાન બાયર ઉર્ડિગન બુસ્ટર્સ (Bayer Uerdingen Boosters) તરફથી રમવા દરમ્યાન તેણે આ પરાક્રમ કરી દેખાડ્યુ હતુ. આ સાથે જ હવે તે વિશ્વના એવા ગણ્યાં ગાંઠ્યા બેટ્સમેનોની યાદીમાં સામેલ થઈ ગયો છે, જે સળંગ 6 બોલમાં 6 છગ્ગા લગાવ્યા છે. તેણે મેચની પાંચમી ઓવરમાં આયુષ શર્માની બોલીંગ દરમ્યાન છગ્ગા ફટકાર્યા હતા.
https://twitter.com/1998Srikrishna/status/1395663563570647049?s=20
અરિથરન વસીકરણની તોફાની બેટીંગને લઈને તેની ટીમે 10 ઓવરમાં 8 વિકેટ ગુમાવી 115 રન કર્યા હતા. તેણે ટુર્નામેન્ટમાં અત્યાર સુધીમાં 7 મેચમાં 161 રન બનાવ્યા છે. આ દરમ્યાન તેનો સ્ટ્રાઈક રેટ 180 રનનો રહ્યો હતો.
એક જ ઓવરમાં છ છગ્ગા લગાવવાની યાદીમાં રવિ શાસ્ત્રી, યુવરાજ સિંહ, ગેરી સોબર્સ, હર્ષિલ ગીબ્સ, જોર્ડન ક્લાર્ક, કિયરોન પોલાર્ડ, રવિન્દ્ર જાડેજા સામેલ છે. હવે આ યાદીમાં એક નામ વધુ અરિથરન વસીકરણનું ઉમેરાયુ છે.
આ પણ વાંચો: Cricket: બેટથી ધૂમ મચાવતો રહેતો શિખર ધવન વાંસળીના મધુર સૂર રેલાવતો નજર આવ્યો, જુઓ વિડીયો