Bangladesh Premier League: સ્ટેડિયમમાં અચાનક હેલિકોપ્ટરની લેન્ડિંગથી ગભરાયા ક્રિકેટરો, અફરા-તફરીનો માહોલ સર્જાયો

Bangladesh Premier League: બાંગ્લાદેશ પ્રીમિયર લીગમાં ટીમ પ્રેક્ટિસ દરમિયાન એક હેલિકોપ્ટર (Helicopter) જમીન પર લેન્ડ થતાં ગભરાટનો માહોલ સર્જાયો હતો. આ ઘટના ત્યારે બની જ્યારે ટૂર્નામેન્ટની ટીમ મિનિસ્ટર ગ્રુપ ઢાકા (Minister Group Dhaka)ના ખેલાડીઓ ચટ્ટોગ્રામના એમએ અઝીઝ સ્ટેડિયમમાં પ્રેક્ટિસ કરી રહ્યા હતા. એવું નથી કે ક્રિકેટના મેદાન પર હેલિકોપ્ટર ઉતરવાની આ પહેલી ઘટના છે. પરંતુ, આ વખતે હેલિકોપ્ટર (Helicopter) ચેતવણી આપ્યા વિના ઉતરી જતાં ખેલાડીઓ થોડા નર્વસ થઈ ગયા હતા. તેમની વચ્ચે બોલાચાલી થઈ હતી.

પ્રાપ્ત માહિતી અનુસાર હેલિકોપ્ટર (Helicopter) રવિવારે બપોરે 1.10 કલાકે સ્ટેડિયમમાં લેન્ડ થયું હતું. આ સમયે મિનિસ્ટર ગ્રુપ ઢાકા (Minister Group Dhaka)ની ટીમના તમામ ખેલાડીઓ ત્યાં પ્રેક્ટિસ કરી રહ્યા હતા, જેમાં આન્દ્રે રસેલ, તમીમ ઈકબાલ, મશરફે બિન મોર્તઝા, મોહમ્મદ શહજાદ જેવા મોટા નામ સામેલ હતા. આ તમામ ખેલાડીઓ ગ્રાઉન્ડ પર અચાનક હેલિકોપ્ટર લેન્ડિંગની ઘટનાથી ચોંકી ગયા હતા અને તેમની સુરક્ષા માટે અને ધૂળના કણોથી પોતાને બચાવવા માટે દોડતા જોવા મળ્યા હતા.

બીપીએલ લોકો હેલિકોપ્ટર લેન્ડિંગથી અજાણ

કહેવામાં આવી રહ્યું છે કે, લેન્ડ કરાયેલા હેલિકોપ્ટર (Helicopter) નો ઉપયોગ એર એમ્બ્યુલન્સ તરીકે કરવામાં આવી રહ્યો હતો. તેમણે જિલ્લાના કમિશનર અને જિલ્લાના રમતગમત સંગઠનને તેમના ઈમરજન્સી લેન્ડિંગ (Emergency landing) અંગે જાણ કરી હતી. જો કે આ હોવા છતાં બાંગ્લાદેશ પ્રીમિયર લીગ (Bangladesh Premier League) ના આયોજકો અને મિનિસ્ટર ગ્રુપ ઢાકાની ફ્રેન્ચાઇઝીને તેની જાણ સુદ્ધાં નહોતી. આશ્ચર્યની વાત એ છે કે, સ્ટેડિયમની ખાલી જગ્યા પર હેલિકોપ્ટર લેન્ડ થવાને બદલે ઢાકાના ખેલાડીઓ જ્યાં પ્રેક્ટિસ કરી રહ્યા હતા ત્યાં જ ઉતર્યું.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

1 શેર પર ટાટા કંપની ઈતિહાસનું સૌથી મોટું ડિવિડન્ડ આપશે

હેલિકોપ્ટરને લેન્ડિંગ કરવાની મંજૂરી આપવામાં આવી હતી

આ ઘટનાથી ખેલાડીઓમાં ડરનો માહોલ સર્જાયો હતો અને જ્યાં સુધી સમગ્ર મામલો જાણી શકાયો ન હતો ત્યાં સુધી તેજ રહ્યો હતો. ચટ્ટોગ્રામના ડીએસએના જનરલ સેક્રેટરી શહાબુદ્દીન શમીમે પછી કહ્યું, હેલિકોપ્ટરને સ્ટેડિયમમાં ઉતરવાની મંજૂરી આપવામાં આવી હતી. ઘટના પહેલા જ અમને આ અંગે માહિતી મળી હતી.

તેથી અમે ક્રિકેટ બોર્ડ અને ઢાકાની ટીમને આ અંગે જાણ કરી શક્યા ન હતા. લેન્ડિંગ સ્ટેડિયમના પૂર્વ ખૂણાના ખાલી વિસ્તારમાં ઉતારવાનું હતું, પરંતુ હેલિકોપ્ટર પશ્ચિમ ખૂણા પર ઉતર્યું, જ્યાં ખેલાડીઓ તાલીમ લઈ રહ્યા હતા. આ જ કારણ હતું કે ગભરાટ ફેલાયો હતો અને ગભરાટનું વાતાવરણ સર્જાયું હતું.

આ પણ વાંચો : ખેડૂત સંગઠનો આજે સરકાર સામે કરશે વિરોધ, ઉજવશે ‘વિશ્વાસઘાત દિવસ’, દેશના 500 જિલ્લામાં થશે આયોજન