AUS vs SL: શ્રીલંકાના બોલરો ઓસ્ટ્રેલિયા સામે લસિથ મલિંગાની રણનીતિ પર કામ કરશે, 7 જૂનથી શરૂ થશે T20 સીરિઝ

ઓસ્ટ્રેલિયા (Cricket Australia) ની ટીમ હાલ શ્રીલંકા (Sri Lanka Cricket) ના પ્રવાસે છે. અહીં બંને ટીમો વચ્ચે ત્રણ T20, પાંચ ODI અને બે ટેસ્ટ મેચ રમાશે. આ શ્રેણીની શરૂઆત ટી-20 સિરીઝથી થશે. આ ટી20 સિરીઝની શરૂઆત 7 જુનથી થઇ રહી છે. T20 સીરીઝની શરૂઆત પહેલા શ્રીલંકા ક્રિકેટ બોર્ડે એક મોટી જાહેરાત કરી છે. બોર્ડે ભૂતપૂર્વ ખેલાડી લસિથ મલિંગા (Lasith Malinga) ને ઓસ્ટ્રેલિયા સામેની T20 અને ODI શ્રેણી માટે શ્રીલંકાના બોલિંગ સ્ટ્રેટેજી કોચ તરીકે નિયુક્ત કર્યા છે.

શ્રીલંકા ક્રિકેટ બોર્ડે એક નિવેદન જાહેર કરીને કહ્યું કે, ‘લસિથ મલિંગા (Lasith Malinga) શ્રીલંકાના બોલરોને મદદ કરશે. તે વ્યૂહાત્મક યોજનાઓના ક્ષેત્ર પર અમલીકરણ માટે તકનીકી કુશળતા પ્રદાન કરશે. શ્રીલંકા ક્રિકેટને ખાતરી છે કે લસિથ મલિંગાનો અનુભવ અને ડેથ બોલિંગમાં તેની કુશળતા ઓસ્ટ્રેલિયા સામેની શ્રેણીમાં શ્રીલંકન ટીમને મદદ કરશે.’

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

લસિથ મલિંગા IPL 2022 માં રાજસ્થાન રોયલ્સ (Rajasthan Royals) ના બોલિંગ કોચ હતા. આ પદ પર રહીને તેણે ઘણું સારું કામ કર્યું. તેની કમાન હેઠળ રાજસ્થાનના બોલરોએ જોરદાર બોલિંગ કરી હતી. આ પહેલા તે આઈપીએલમાં મુંબઈ ઈન્ડિયન્સનો બોલિંગ મેન્ટર પણ રહી ચૂક્યો છે.

Guess who’s back! 🤩https://t.co/uRaAqcukMD#SLvAUS #CheerForLions

— Sri Lanka Cricket 🇱🇰 (@OfficialSLC) June 2, 2022

તમને જણાવી દઈએ કે, લસિથ મલિંગાએ આ વર્ષની શરૂઆતમાં શ્રીલંકા ટીમના બોલિંગ કોચની ભૂમિકા નિભાવી હતી. જ્યારે ટીમે પાંચ મેચની T20 આંતરરાષ્ટ્રીય શ્રેણી માટે ઓસ્ટ્રેલિયાનો પ્રવાસ કર્યો હતો. તેણે તાજેતરમાં IPL 2022 માં રાજસ્થાન રોયલ્સ (Rajasthan Royals) સાથે ઝડપી બોલિંગ કોચ તરીકે કામ કર્યું હતું. રાજસ્થાન રોયલ્સ (RR) આ સિઝનમાં રનર્સ-અપ ટીમ હતી. કારણ કે તેઓ ગુજરાત ટાઇટન્સ (Gujarat Titans) સામે 7 વિકેટે હાર્યા હતા.

લસિથ મલિંગાએ તેની છેલ્લી આંતરરાષ્ટ્રીય મેચ માર્ચ 2020 માં રમી હતી. ODI માં તેના નામે 338 વિકેટ છે. જ્યારે T20 ઈન્ટરનેશનલ અને ટેસ્ટ ક્રિકેટમાં 100 થી વધુ વિકેટ તેના નામે છે. તે IPL માં પણ ઘણો સફળ બોલર રહ્યો છે. તેણે IPL માં 170 વિકેટ લીધી છે. લસિથ મલિંગા T20 ક્રિકેટના શ્રેષ્ઠ બોલરોમાંથી એક હતો. જમણા હાથના પેસરે 84 T20 ઇન્ટરનેશનલ મેચોમાં 20.79 ની એવરેજ અને 7.42 રન પ્રતિ ઓવરના ઇકોનોમી રેટથી 107 વિકેટ લીધી હતી. તેણે ફાઇનલમાં ભારતને 6 વિકેટથી હરાવીને 2014 માં શ્રીલંકાને પ્રથમ T20 વર્લ્ડ કપનો ખિતાબ જીત્યો હતો.