T20 વર્લ્ડ કપ વચ્ચે BCCI પસંદગીકારોની બેઠક, ન્યૂઝીલેન્ડને બદલે દક્ષિણ આફ્રિકા પ્રવાસ માટે ખેલાડીઓની પસંદગી કરી
ભારતે ICC T20 વર્લ્ડ કપ પછી ન્યુઝીલેન્ડ સામે ટેસ્ટ અને T20 સિરીઝ રમવાની છે અને ત્યારબાદ દક્ષિણ આફ્રિકાનો પ્રવાસ કરવો પડશે.
ભારતીય ક્રિકેટ કંટ્રોલ બોર્ડ (BCCI)ના પસંદગીકારોની મંગળવારે બેઠક મળી હતી પરંતુ તેણે ન્યૂઝીલેન્ડ (New Zealand) સામેની શ્રેણી માટે ટીમની પસંદગી કરી ન હતી, પરંતુ દક્ષિણ આફ્રિકા(South Africa)ના પ્રવાસ માટે સંભવિત ખેલાડીઓની પસંદગી કરી હતી, ક્રિકેટ વેબસાઈટે પોતાના રિપોર્ટમાં આ જાણકારી આપી છે. ભારતીય ટીમ હાલમાં ICC T20 વર્લ્ડ કપ-2021 (ICC T20 World Cup-2021)માં ભાગ લઈ રહી છે અને તે પછી તેને ન્યૂઝીલેન્ડ સામે રમવાનું છે. ન્યુઝીલેન્ડની ટીમ ભારતનો પ્રવાસ કરશે પરંતુ પસંદગીકારોએ હજુ સુધી આ શ્રેણી માટે ટીમની પસંદગી કરી નથી.
પસંદગીકારોએ દક્ષિણ આફ્રિકા પ્રવાસ માટે 60 ખેલાડીઓની પસંદગી કરી છે જેથી લોજિસ્ટિક્સ વિભાગ (Logistics Department)પોતાનું કામ કરી શકે અને પસંદ કરાયેલા ખેલાડીઓના કાગળો તૈયાર કરી શકે. આ યાદીમાં એવા નામ છે જેના વિશે દરેક વ્યક્તિ અનુમાન લગાવી શકે છે. IPL-2021ના બીજા તબક્કામાં કોલકાતા નાઈટ રાઈડર્સ (Kolkata Knight Riders)તરફથી રમનાર બેટ્સમેન વેંકટેશ અય્યરનું નામ પણ સામેલ છે. આ ખેલાડીઓ સંભવિત ખેલાડીઓની યાદીમાંથી હશે. ભારતે દક્ષિણ આફ્રિકાના પ્રવાસમાં ત્રણ ટેસ્ટ, ત્રણ વનડે અને T20 મેચ રમવાની છે. આ પ્રવાસ 17 ડિસેમ્બરથી 26 જાન્યુઆરી સુધી રમાશે.
ન્યૂઝીલેન્ડ સીરિઝ માટે ટીમની પસંદગી ક્યારે થશે?
જોકે, ન્યૂઝીલેન્ડ સિરીઝ માટે ટીમ ઈન્ડિયાની પસંદગી ક્યારે થશે તે અંગે સ્થિતિ સ્પષ્ટ નથી. ન્યૂઝીલેન્ડની ટીમ ભારતના પ્રવાસ પર ત્રણ ટી-20 અને બે ટેસ્ટ મેચ રમશે. 17 નવેમ્બરથી શરૂ થયેલ કિવી ટીમનો આ ભારત પ્રવાસ 7 ડિસેમ્બર સુધી ચાલશે. આ પછી પણ ટીમ દક્ષિણ આફ્રિકા જવા રવાના થશે. સંભવતઃ 8 અથવા 9 નવેમ્બરે પસંદગીકારો ન્યૂઝીલેન્ડ સીરિઝ માટે ટીમની જાહેરાત કરી શકે છે. કારણ કે ત્યાં સુધીમાં ભારતના નવા બોલિંગ, બેટિંગ અને ફિલ્ડિંગ કોચના નામ પણ જાહેર થઈ જશે. રાહુલ દ્રવિડને ટીમના આગામી મુખ્ય કોચ તરીકે નિયુક્ત કરવામાં આવ્યા છે. તે ન્યૂઝીલેન્ડ સીરિઝથી જ ટીમની જવાબદારી સંભાળશે.
અહેવાલ મુજબ વર્તમાન બેટિંગ કોચ વિક્રમ રાઠોર તેમના પદ પર ચાલુ રહી શકે છે જ્યારે પારસ મહામ્બ્રે ભરત અરુણના સ્થાને ટીમ ઈન્ડિયાના આગામી બોલિંગ કોચ બની શકે છે. ફિલ્ડિંગ કોચ માટે અભય શર્મા અને ટી. દિલીપના નામની ચર્ચા થઈ રહી છે.
આ પણ વાંચો : Diwali Muhurat Trading 2021: આજે શેરબજારમાં આ ખાસ સમયે મળશે કમાણીની તક, જાણો કઈ રીતે અને શું છે સમય?
Latest News Updates
