IND vs NZ: મુંબઇમાં જન્મેલા એજાઝ પટેલે ટીમ ઇન્ડિયા સામે રચ્યો ઇતિહાસ, ભારતની તમામ 10 વિકેટ ઝડપી કુંબલે-લેકરની બરાબરી કરી
મુંબઈમાં જન્મેલા એજાઝ પટેલે (Ajaz Patel) પોતાની વતન પર ઈતિહાસ રચ્યો છે અને વિશ્વ ક્રિકેટમાં અનોખી સિદ્ધિ મેળવનાર ત્રીજો બોલર બન્યો છે.
ન્યૂઝીલેન્ડનો એજાઝ પટેલ (Ajaz Patel) ટેસ્ટ ક્રિકેટની એક ઇનિંગમાં તમામ 10 વિકેટ લેનારો વિશ્વનો ત્રીજો અને પોતાના દેશનો પ્રથમ બોલર બની ગયો છે. તેણે ભારત સામે મુંબઈ (Mumbai Test) માં રમાઈ રહેલી બીજી ટેસ્ટ મેચની પ્રથમ ઈનિંગમાં આ સિદ્ધિ મેળવી હતી. તેમના પહેલા ઈંગ્લેન્ડના જિમ લેકર અને ભારતના અનિલ કુંબલે (Anil Kumble) આ કામ કરી ચુક્યા છે. જિમ લેકરે આ કામ જુલાઈ 1956માં ઓસ્ટ્રેલિયા સામે કર્યું હતું. તે જ સમયે, કાંબુલેએ આ કામ ફેબ્રુઆરી 1999માં દિલ્હીના ફિરોઝ શાહ કોટલા સ્ટેડિયમમાં પાકિસ્તાન (Pakistan) વિરુદ્ધ કર્યું હતું.
એજાઝને મુંબઈ પ્રત્યે અલગ જ લગાવ હોય એવું લાગે છે. તેમનો જન્મ પણ આ શહેરમાં થયો હતો. એજાઝનો જન્મ 21 ઓક્ટોબર 1988ના રોજ મુંબઈમાં જ થયો હતો. જ્યારે તે આઠ વર્ષનો હતો ત્યારે તેનો પરિવાર ન્યુઝીલેન્ડ (New Zeland) માં સ્થાયી થયો હતો અને ત્યારથી તે આ દેશના રહેવાસી છે. હવે તે ભારતને તેની જન્મભૂમિ પર હરાવવા માટે મક્કમ છે.
ALL 10 WICKETS for AJAZ PATEL in Mumbai! Follow the day live in NZ on @skysportnz & @SENZ_Radio. Live scoring | https://t.co/tKeqyLOL9D #INDvNZ pic.twitter.com/5TiPK2syhK
— BLACKCAPS (@BLACKCAPS) December 4, 2021