Share Market : સપ્તાહના પહેલા કારોબારની મજબૂત શરૂઆત, SENSEX 550 અંક ઉછળ્યો
તમામ સેક્ટર ઇન્ડેક્સ લીલા નિશાનમાં ખુલ્યા છે. નિફ્ટીના પીએસયુ જાહેર ક્ષેત્રની બેન્કોનો ઇન્ડેક્સ 1.5 ટકા વધ્યો હતો. પ્રારંભિક વેપારમાં એફએમસીજી સેક્ટર ઇન્ડેક્સમાં થોડી નબળાઇ હતી
ભારતીય શેરબજારે(Share Market) સપ્તાહના પ્રથમ કારોબારી દિવસને મજબૂત શરૂઆત આપી છે. BSE SENSEX 378 પોઈન્ટ વધીને 59,143 પોઈન્ટ પર ખુલ્યો હતો જયારે NSE NIFTY એ પણ 83 પોઈન્ટના વધારા સાથે 17,615 પોઈન્ટની મજબૂત શરૂઆત આપી હતી. નાના અને મધ્યમ શેરોના ઇન્ડેક્સમાં પણ પ્રારંભિક વલણ મજબૂત હતું.
શેરબજારમાં સારી ખરીદી તમામ સેક્ટર ઇન્ડેક્સ લીલા નિશાનમાં ખુલ્યા છે. નિફ્ટીના પીએસયુ જાહેર ક્ષેત્રની બેન્કોનો ઇન્ડેક્સ 1.5 ટકા વધ્યો હતો. પ્રારંભિક વેપારમાં એફએમસીજી સેક્ટર ઇન્ડેક્સમાં થોડી નબળાઇ હતી. જ્યાં સુધી એશિયન બજારોની વાત છે તે સોમવારે મજબૂત સ્થિતિમાં ખુલ્યા પરંતુ રિયલ એસ્ટેટ જાયન્ટ ચાઇના એવરગ્રાન્ડની અનિશ્ચિતતાને કારણે તેણે ચીનમાં પ્રારંભિક લીડ ગુમાવી દીધી હતી.
સંસ્થાકીય રોકાણકારોનું વલણ જ્યાં સુધી સંસ્થાકીય રોકાણકારોની વાત છે, મહિનાના પ્રથમ ટ્રેડિંગ દિવસે એટલે કે ગયા શુક્રવારે, FIIs એ 121 કરોડ રૂપિયાની ખરીદી કરી હતી. જોકે સ્થાનિક સંસ્થાકીય રોકાણકારો (DIIs) દ્વારા 613 કરોડ રૂપિયાનું નોંધપાત્ર વેચાણ થયું હતું.
આગામી ત્રણ – ચાર વર્ષમાં SENSEX 1 લાખને પાર પહોંચે તેવા અનુમાન ગત સપ્તાહે શેરબજાર(Share Market)માં દબાણ જોવા મળ્યું હતું.SENSEX 60 હજારની સપાટી પાર કર્યા બાદ છેલ્લા ચાર સત્રમાં સતત ઘટાડો જોવા મળ્યો હતો. બજારના જાણકારોનું કહેવું છે કે ઓક્ટોબર મહિનો કરેક્શનનો છે અને 5-10 ટકા સુધીનો ઘટાડો શક્ય છે. આ આધારે મહત્તમ 6000 પોઈન્ટ એટલે કે સેન્સેક્સ 54000-55000 પોઈન્ટ સુધી સરકી શકે છે.
ઘણા બજાર નિષ્ણાતો એમ પણ કહે છે કે આગામી 3-4 વર્ષમાં સેન્સેક્સ 1 લાખની સપાટી પાર કરશે. તે દર વર્ષે સરેરાશ 15 ટકા વૃદ્ધિ નોંધાવશે. બજારના ભવિષ્ય વિશે હેલિકો કેપિટલના સ્થાપક અને ફંડ મેનેજર સમીર અરોરાએ જણાવ્યું હતું કે હાલમાં બજારમાં લિસ્ટ થયેલા સ્ટાર્ટઅપની ખૂબ માંગ છે. દરેક રોકાણકાર આંખ બંધ કરીને તેમાં રોકાણ કરે છે.
આ પણ વાંચો : LIC IPO: દેશના સૌથી મોટા IPO માટે નવેમ્બરમાં SEBI સમક્ષ LIC દસ્તાવેજો રજૂ કરશે, ક્યારે આવી શકે છે IPO?