Share Market: ઉતાર – ચઢાવના અંતે SENSEX 259 અને NIFTY 76 અંક વધારા સાથે બંધ થયા
આજે પણ શેરબજાર(Share Market)માં ભારે ઉતાર - ચઢાવ જોવા મળ્યો હતો. ફ્લેટ ઓપનિંગ બાદ બજાર લાલ નિશાનમાં કારોબાર કરતુ રહ્યું હતું
આજે પણ શેરબજાર(Share Market)માં ભારે ઉતાર – ચઢાવ જોવા મળ્યો હતો. ફ્લેટ ઓપનિંગ બાદ બજાર લાલ નિશાનમાં કારોબાર કરતુ રહ્યું હતું પરંતુ દિવસના અંતે સતત બીજા દિવસે ઉછાળા સાથે બજાર બંધ રહ્યું હતું.
આજે સેન્સેક્સ 260 અંક વધીને 48,803 ની સપાટીએ બંધ રહ્યો જયારે નિફ્ટી 76 અંક વધીને 14,581 ના સ્તર પર બંધ થયા છે. સેન્સેક્સ સવારે 31.29 પોઇન્ટ તૂટીને 48512 ની સપાટીએ જ્યારે નિફ્ટી 17.6 પોઇન્ટ ઉપર14,522 ના સ્તર ઉપર ખુલ્યો હતો.
કારોબારી સત્રના અંતિમ તબક્કામાં બેંકિંગ અને મેટલ શેરોમાં ખરીદીને કારણે પોઝિટિવ ક્લોઝિંગ થયું હતું. નિફ્ટી બેન્ક ઇન્ડેક્સ 341 પોઇન્ટના વધારા સાથે 32,112 ની સપાટીએ બંધ રહ્યો છે. આઈસીઆઈસીઆઈ બેંક અને એચડીએફસી બેંકના શેરમાં 2% થી વધુનો ઉછાળો જોવા મળ્યો. મેટલ ક્ષેત્રે વેદાંત અને સેઇલના શેરમાં પણ 2% નો વધારો નોંધાયો છે.
કારોબાર દરમિયાન સેન્સેક્સ 48,010 પોઇન્ટ અને નિફ્ટી 14,353 પોઇન્ટ સુધી દિવસના નીચલા સ્તરે પહોંચ્યા હતા. આજે BSE માં 3,057 શેરોમાં કારોબાર થયો જે પૈકી 1,251 શેર વધારા સાથે બંધ થયા અને 1,647 શેર તૂટ્યા હતા. લિસ્ટેડ કંપનીઓની કુલ માર્કેટ કેપ પણ વધીને રૂ 203.91 લાખ કરોડ થઈ છે જે 13 એપ્રિલના રોજ તે 203.09 લાખ કરોડ રૂપિયા હતી
આજે સ્મૉલકેપ અને મિડકેપ શેરોમાં વેચવાલીનું દબાણ જોવા મળ્યુ હતું . બીએસઈના મિડકેપ ઈન્ડેક્સ 0.10 ટકા વધીને 19,923.58 ના સ્તર પર બંધ થયા છે. જ્યારે બીએસઈના સ્મૉલકેપ ઈન્ડેક્સ 0.03 ટકાની નબળાઈની સાથે 21,293.40 પર બંધ થયા છે.
ભારતીય શેરબજારની છેલ્લી સ્થિતિ
Market | SENSEX | NIFTY |
Index | 48,803.68 | 14,581.45 |
Gain | +259.62 (0.53%) | +76.65 (0.53%) |