સ્થાનિક સ્વરાજયની ચૂંટણીની તૈયારીઓ, અમદાવાદ કોંગ્રેસ કાર્યાલય ખાતે કોંગ્રેસની બેઠક
સ્થાનિક સ્વરાજ્યની ચૂંટણીઓ નજીક આવી રહી છે. ત્યારે અમદાવાદમાં કૉંગ્રેસના કાર્યાલય ખાતે બેઠકોનો દોર શરૂ થઈ ગયો છે. આજે કૉંગ્રેસ કો-ઓર્ડિનેશન કમિટીની બેઠક મળી છે. જેમાં પ્રદેશ પ્રભારી રાજીવ સાતવ, પ્રદેશ પ્રમુખ અમિત ચાવડા, વિપક્ષના નેતા પરેશ ધાનાણી સહિતના નેતાઓ હાજર રહ્યા છે. બેઠકમાં ચૂંટણી દરમિયાન કયા લોકો સમક્ષ કયા મુદ્દાને આધારે વોટ માગવા જવું? […]
સ્થાનિક સ્વરાજ્યની ચૂંટણીઓ નજીક આવી રહી છે. ત્યારે અમદાવાદમાં કૉંગ્રેસના કાર્યાલય ખાતે બેઠકોનો દોર શરૂ થઈ ગયો છે. આજે કૉંગ્રેસ કો-ઓર્ડિનેશન કમિટીની બેઠક મળી છે. જેમાં પ્રદેશ પ્રભારી રાજીવ સાતવ, પ્રદેશ પ્રમુખ અમિત ચાવડા, વિપક્ષના નેતા પરેશ ધાનાણી સહિતના નેતાઓ હાજર રહ્યા છે. બેઠકમાં ચૂંટણી દરમિયાન કયા લોકો સમક્ષ કયા મુદ્દાને આધારે વોટ માગવા જવું? તેના પર ચર્ચા કરાઈ છે. 2015ના સ્થાનિક સ્વરાજ્યના ચૂંટણી પરિણામોનું પુનરાવર્તન ન થાય તે માટે પણ કવાયત હાથ ધરાઈ છે. ગ્રામ્ય વિસ્તારનો જનાધાર જાળવી રાખવાનો નિર્ધાર કરાયો છે. રાજીવ સાતવે નગરપાલિકા અને મહાનગરપાલિકામાં પ્રદર્શન સુધારવાની સૂચના આપવામાં આવી છે. મહત્વનું છે કે 2015માં કૉંગ્રેસે 31માંથી 23 જિલ્લા પંચાયતો જીતી હતી. જ્યારે 231માંથી 146 તાલુકા પંચાયતોમાં જીત મેળવી હતી અને 51 નગરપાલિકાઓમાંથી ફક્ત 14 નગરપાલિકામાં જ સફળતા મળી હતી.