Local Body Polls 2021: રાજકોટ કોંગ્રેસમાં ટિકિટ ફાળવણી મુદ્દે કકળાટનાં ઘર, નેતાઓ લાગ્યા ડેમેજ કંટ્રોલમાં

Local Body Polls 2021: રાજકોટ કોંગ્રેસમાં ટિકિટ ફાળવણી બાદનો કચવાટ સામે આવ્યો છે. રાજકોટના વોર્ડ નંબર એકમાં જલ્પા ગોહિલને ટિકિટ આપવામાં આવતા સ્થાનિક નેતાઓએ વિરોધ કર્યો છે. તેમણે શહેર કોંગ્રેસ પ્રમુખને રજૂઆત કરી છે. જલ્પા ગોહિલના બદલે હર્ષાબા જાડેજાએ ટિકિટની માગ કરી છે. સ્થાનિક સ્વરાજની ચૂંટણીને લઈને કોંગ્રેસે ઉમેદવારોનું લીસ્ટ જાહેર કરી દીધા બાદ હવે ડખા સામે આવવા લાગ્યા છે. જો કે આ મુદ્દે સ્થાનિક સ્તરેથીજ મામલાને થાળે પાડી દેવા માટેનાં પ્રયાસો શરૂ કરી દેવાયા છે.