Local body polls 2021: કોંગ્રેસે 5 મહાનગરપાલિકાના ઉમેદવારોના નામ જાહેર કર્યા

Local body polls 2021 : ગુજરાતમાં સ્થાનિક સ્વરાજની ચૂંટણીને હવે થોડા દિવસો જ બાકી રહ્યા છે ત્યારે ગુજરાત કોંગ્રેસે 5 મહાનગરપાલિકામાં વોર્ડ દીઠ ઉમેદવારોના નામ જાહેર કરી દીધા છે. આ પાંચ મહાનાગરપાલિકામાં ભાવનગર, જામનગર, સુરત, વડોદરા અને રાજકોટનો સમાવેશ થાય છે, જયારે અમદાવાદ મહાનગરપાલિકાના ઉમેદવારોના નામ જાહેર કરવાના બાકી છે.

ગુજરાત કોંગ્રેસે સ્થાનિક સ્વરાજની ચૂંટણી માટે પાંચ મહાનગરપાલિકાઓના નામ જાહેર કર્યા છે એમાં ભાવનગરમાં 27, જામનગરમાં 27,  સુરતમાં 53, રાજકોટમાં 22 અને વડોદરામાં 20 જેટલા ઉમેદવારોના નામોની જાહેરાત કરવામાં આવી છે. જો કે આ હજી પ્રથમ યાદી છે. હજી ઘણા નામો જાહેર થવાના બાકી છે જે આવનારી યાદીમાં જાહેર કરવામાં આવશે.