Local body Polls માટે આજે થશે ઉમેદવારીપત્રોની ચકાસણી
81 નગરપાલિકાઓ, 31 જિલ્લા પંચાયતો અને 231 તાલુકા પંચાયતોની આગામી 28મી ફેબ્રુઆરીએ યોજાનારા Local body polls માટે ઉમેદવારીપત્રોની આજે ચકાસણી થશે.
રાજ્યની 81 નગરપાલિકાઓ, 31 જિલ્લા પંચાયતો અને 231 તાલુકા પંચાયતોની આગામી 28મી ફેબ્રુઆરીએ યોજાનારા Local body polls માટે ભરાયેલા ઉમેદવારીપત્રોની આજે ચકાસણી થશે. દરેક ઉમેદવારને સવારે 11 થી 3 વાગ્યાના ગાળામાં હાજર રહેવાની ચૂંટણી પંચે સૂચના આપી દીધી છે. કેટલા ઉમેદવારી પત્રો ચકાસણીમાં રદ થાય છે તે બપોરે 3 વાગ્યા પછી ખબર પડશે. એટલે કે, કેટલા અને કયા ઉમેદવારો વચ્ચે ચૂંટણીનો જંગ ખેલાશે, તે બપોર પછી જ સ્પષ્ટ થશે. દરેક ઉમેદવારો માટે આજનો દિવસ ઘણો મહત્વનો રહેશે. અમદાવાદ જિલ્લા પંચાયતની કુલ 34 બેઠકો માટે કુલ 199 ઉમેદવારોએ ઉમેદવારી કરી છે. તો છોટા ઉદેપુર જિલ્લા પંચાયતની 32 બેઠકો માટે 173 ફોર્મ ભરાયા, આ તરફ જૂનાગઢ જિલ્લા પંચાયતની 30 બેઠક માટે કુલ 158 ઉમેદવારોએ નોંધણી કરાવી છે.