બળાત્કારની સજા ભોગવી રહેલા કુલદીપ સેંગરની પત્નીને ભાજપે આપી ટિકિટ, બનાવ્યા જિલ્લા પંચાયતના ઉમેદવાર
યુપી પંચાયતની ચૂંટણી માટે ભાજપે ઉમેદવારોની યાદી જાહેર કરી છે. જેમાં બળાત્કાર કેસમાં જેલમાં સજા ભોગવી રહેલા કુલદીપસિંહ સેંગરની પત્ની સંગીતા સેંગરને પણ ચૂંટણીના મેદાનમાં ઉતારી છે.
યુપી પંચાયતની ચૂંટણી માટે ભાજપે ઉમેદવારોની યાદી જાહેર કરી છે. ભાજપે 51 જિલ્લા પંચાયત બેઠકોના ઉમેદવારોના નામની જાહેરાત કરી છે. પૂર્વ ધારાસભ્ય કુલદીપસિંહ સેંગરની પત્ની સંગીતા સેંગરને ભાજપને ચૂંટણીના મેદાનમાં ઉતાર્યા છે. કુલદીપસિંહ સેંગર બળાત્કાર કેસમાં જેલમાં સજા ભોગવી રહ્યો છે. તેની પત્ની સંગીતા સેંગરને ફતેહપુર ચૌરાસી તૃતીયમાંથી મેદાનમાં ઉતારવામાં આવી છે.
ભારતીય જનતા પાર્ટીએ ઉત્તર પ્રદેશના ઉન્નાવમાં જિલ્લા પંચાયતની ચૂંટણી માટેના ઉમેદવારોની યાદી જાહેર કરી છે. જેમાં ભાજપે પૂર્વ ધારાસભ્ય કુલદીપ સિંહ સેંગરની પત્નીને પણ ઉમેદવાર બનાવ્યા છે. તમને જણાવી દઈએ કે કુલદીપ સિંહ સેંગર બળાત્કાર કેસમાં દોષિત છે અને પાર્ટીમાંથી હાંકી કાઢવામાં આવ્યો છે. તમને એ પણ જણાવી દઈએ કે સંગીતા સેંગર વર્તમાનમાં જીલ્લા પંચાયત અધ્યક્ષ છે.
ઉન્નાવના બાંગરમઉથી ચાર વખત ધારાસભ્ય રહેલ કુલદીપ સેંગર અત્યારે જેલના સળીયા ગણી રહ્યો છે. તેની 2017 માં ઉન્નાઓ બળાત્કાર કેસમાં ધરપકડ થઇ હતી. કુલદીપને ગયા વર્ષે કોર્ટે આજીવન કેદની સજા ફટકારી હતી. પોલીસ કસ્ટડીમાં પીડિતાના પિતાના મૃત્યુના કેસમાં તેને 10 વર્ષની સજા પણ ફટકારવામાં આવી હતી. ભાજપે સેંગરને 2019 માં પાર્ટીમાંથી હાંકી કાઢ્યો હતો. તે જ સમયે, વિધાનસભા સભ્યપદ પણ સમાપ્ત થઇ ગયું હતું.
પરંતુ ભાજપ દ્વારા જીલ્લા પંચાયતમાં ગુનેગાર કુલદીપ સેંગરની પત્નીને ટીકીટ અપાતા ચોતરફ ચર્ચા ગહન બની છે. બળાત્કારના ગુનામાં સજા ભોગવી રહેલા કુલદીપની પત્ની વર્તમાનમાં જીલ્લા પંચાયત અધ્યક્ષ છે.
BJP releases a list of candidates for UP Zila Panchayat polls in the state.
Sangeeta Sengar, wife of former BJP MLA Kuldeep Singh Sengar who is a convict in 2018 Unnao rape case, to also contest the polls. pic.twitter.com/yaunWUSWBZ
— ANI UP (@ANINewsUP) April 9, 2021
પૂર્વ બ્લોક વડા અને પૂર્વ જિલ્લા પ્રમુખને પણ ભાજપે ટેકો આપ્યો છે. ગુરુવારે જિલ્લા પંચાયતના સભ્ય પદ માટે ભાજપ દ્વારા જીલ્લા પંચાયતના ઉમેદવારની ઘોષણા કરવામાં આવી હતી. ઘણા નવા ચહેરાઓને પણ આ યાદીમાં સ્થાન આપવામાં આવ્યું છે. પૂર્વ જિલ્લા પંચાયત સભ્ય સંગીતા સેંગરને પણ જિલ્લા પંચાયત ઉમેદવાર બનાવવામાં આવ્યા છે. પૂર્વ બ્લોક વડા ઉરુણ સિંહને નવાબગંજથી ટિકિટ આપવામાં આવી છે.
આ પણ વાંચો: West Bengal Election: ભાષણમાં કોમી સ્વરને લઈને ફસાયા ભાજપ નેતા, સુવેન્દુ અધિકારીને EC એ ફટકારી નોટીસ
આ પણ વાંચો: Corona Vaccine: કોરોના સામેનું યુદ્ધ કેવી રીતે જીતી શકાશે? ભારત પાસે સ્ટોકમાં માત્ર આટલા દિવસની વેક્સિન