Bengal Assembly Election 2021 Phase-2 Voting Update: 30 બેઠક પર બીજા તબક્કાનાં મતદાનનો પ્રારંભ, શુભેન્દુ અને મમતા બેનર્જી વચ્ચે કાંટાની ટક્કર

Bengal Assembly Election 2021 Phase-2 Voting Update:  બંગયુદ્ધમાં જે દિવસની રાહ જોવાઈ રહી હતી એ દિવસ આવી ગયો છે. આજે બીજા તબક્કાનું મતદાન છે અને એ બઠક ઉપર પણ મતદાન યોજાશે કે જ્યાં મમતા દીદી અને શુભેન્દુ અધિકારીના ભાવી સીલ થશે. નંદીગ્રામ બેઠકની સાથે અન્ય બેઠકો પર પણ બીજા તબક્કામાં મહત્વના છે.

પશ્ચિમ બંગાળમાં જબરદસ્ત ટક્કર જોવા મળશે ત્યારે નંદીગ્રામ પર સૌની નજર રહેલી છે જ્યાં શુભેન્દુ અધિકારી અને પશ્ચિમ બંગાળના સીએમ મમતા બેનર્જી વચ્ચે જબરદસ્ત ટક્કર જોવા મળી રહી છે તો આ સાથે આ ખાસ બેઠકો રહેશે જેના પર સૌ કોઈની નજર બનેલી રહેશે .પશ્ચિમ બંગાળમાં વિધાનસભાની ચૂંટણી કુલ 8 તબક્કામાં યોજાશે. 27 માર્ચથી 29 એપ્રિલ સુધી મતદાન યોજાશે. પ્રથમ તબક્કાની જેમ બીજા તબક્કામાં પણ 1 એપ્રિલે કુલ 30 બેઠકો પર મતદાન થશે. જેમાં દક્ષિણ 24 પરગના જિલ્લામાં 4 બેઠક , પશ્ચિમ મેદિનીપુર જિલ્લામાં 9 બેઠક, બાંકુરા જિલ્લામાં 8 અને પૂર્વ મેદિનીપુરમાં 9 બેઠકો છે.

ટીવીનાઈન ઇલેક્શન ઈન્ટેલિજન્સ એન્ડ રિસર્ચ વિંગના વિશ્લેષણ અનુસાર, નંદીગ્રામમાં મમતા બેનર્જી અને શુભેન્દુ અધિકારીઓ વચ્ચેની ચૂંટણીની લડાઈ ઉપરાંત આ બેઠકો પણ ખુબજ મહત્વની છે.

કઈ બેઠક પર નંદીગ્રામ ઉપરાંત પણ ચર્ચાના કેન્દ્રમાં 

ડેબરા બેઠકમાં ટીએમસીના હુમાયૂ કબીર જે એક્સ આઈપીએસ છે તો તેની સામે બીજેપીના ભારતી ઘોષ છે જે પણ એક્સ આઈપીએસ અધિકારી રહી ચુક્યા છે આ સાથે સાબંગ બેઠક પર ટીએમસીના માનસ રંજન ભુઈંયા છે તો સામે બીજેપીના અમૂલ્ય માઈતિ મેદાનમાં છે. ખડગપુર સદર બેઠક પર પ્રદીપ સરકાર મેદાને જંગમાં છે તો આજ બેઠક પર બીજેપીના હિરણમય ચટ્ટોપાધ્યાય ચૂંટણી જંગમાં જોડાયા છે. વાત કરીએ ચાંદીપુર બેઠકની તો અહીં સોહમ ચક્રવર્તી ટીએમસીના ઉમેદવાર છે જે બંગાળી ફિલ્મ અભિનેતા છે તો બીજેપીના પુલક કાંતિ ગુરિયા તેમને ટિકિટ મળી છે.

આમ એકતરફ બીજેપીના ઉમેદવારો છે તો બીજીબાજુ ટીએમસી પણ મેદાનમાં છે. બીજેપીમાં પૂર્વ ટીએમસી ઉમેદવારો પણ સામેલ છે તો ટીએમસીના એવા ઉમેદવારો છે કે જેમનો પહેલાથી જ દબદબો રહ્યો છે ત્યારે કોણ કેટલી સીટો મેળવશે અને જનતા આખરે કોના હાથમાં સત્તા સોંપશે એતો બીજી મેના રોજ જાણવા મળી જશે.

પશ્ચિમ બંગાળ સાથે આસામ વિધાનસભાની બીજા તબક્કાની ચૂંટણી માટે આજે મતદાન યોજાશે. 39 બેઠકો પર યોજાનાર મતદાન માટે રાજકીય પક્ષોના કુલ 345 ઉમેદવારો ચૂંટણી મેદાનમાં છે જેમાં 26 મહિલા ઉમેદવારોનો પણ સમાવેશ થાય છે ત્યારે પોતાની પસંદના ઉમેદવારોને જીતાડવા માટે મતદારો પોતાના મતાધિકારનો ઉપયોગ કરશે અને રાજકીય પક્ષોના ઉમેદવારોના ભાવિ EVMમાં સીલ થશે. મહત્વપૂર્ણ છે કે આસામમાં કુલ 3 તબક્કામાં મતદાન યોજાશે જેમાં પ્રથમ તબક્કાનું મતદાન પૂર્ણ થઇ ગયું છે પ્રથમ તબક્કામાં 47 બેઠકો માટે 72 ટકા મતદાન થયું હતું. ઉલ્લેખનીય છે કે આસામ વિધાનસભાની કુલ 126 બેઠકો છે જેમાં ભાજપ વર્સેસ કોંગ્રેસ વચ્ચે સીધો જંગ છે.