Vitamin D : જો તમને તમારી ત્વચા પર આ ચિહ્નો દેખાય, તો અવગણશો નહીં, વિટામિન-ડીની ખામી હોય શકે!
વિટામિન-ડીની ઉણપ એક સામાન્ય સમસ્યા છે, જે વિવિધ કારણોસર થઈ શકે છે, વિટામિન-ડીની ઉણપ ત્વચા પર ઘણી રીતે દેખાઈ શકે છે. તેની ખામી અનેક પ્રકારના રોગ થઈ શકે છે. જાણો વિગતે.
વાળનો વિકાસ ધીમો પડી જાય છે - વિટામિન D નવા વાળના ફોલિકલ્સને ઉત્તેજિત કરે છે અને તેની ઉણપ વાળના વિકાસને ધીમો પાડી શકે છે અને તેમને નબળા બનાવી શકે છે. જો તમારા વાળનો વિકાસ ધીમો પડી ગયો હોય, તો તે વિટામિન ડીની ઉણપનો સંકેત હોઈ શકે છે.
નબળા અને બરડ નખ - વિટામિન ડી કેલ્શિયમને શોષવામાં મદદ કરે છે, જે હાડકાં અને નખ માટે ખૂબ જ મહત્વપૂર્ણ છે. તેની ઉણપ નખને નબળા બની જાય છે. જો તમારા નખ વારંવાર તૂટે છે અથવા નબળા પડી ગયા છે, તો તે વિટામિન ડીની ઉણપનો સંકેત હોઈ શકે છે.
ત્વચાની સમસ્યાઓ - વિટામિન D ની ઉણપ ત્વચાની અન્ય સમસ્યાઓનું કારણ પણ બની શકે છે, જેમ કે ત્વચા પીળી પડવી, ત્વચા પર ફોલ્લીઓ અને ત્વચામાં બળતરા. જો તમને આમાંથી કોઈ સમસ્યા હોય, તો તમારે ડૉક્ટરનો સંપર્ક કરવો જોઈએ.
વજન વધવા સંબંધિત સમસ્યાઓ - વિટામિન ડીની ઉણપ વજન વધવા સાથે સંકળાયેલી છે. સ્થૂળતાથી પીડાતા લોકોને સ્થૂળતા ન હોય તેવા લોકો કરતાં વિટામિન ડીની ઉણપ થવાની શક્યતા 35% વધુ હોય છે
નોંધ : અહીં આપવામાં આવેલી માહિતી ફક્ત આપની જાણકારી માટે છે. કોઈ પણ ઈલાજ કરતાં પહેલા કે,અમલમાં લેતા પહેલા નિષ્ણાતોની સલાહ લેવી જરુરી છે.
Published On - 7:34 pm, Thu, 21 August 25
