Vastu Tips : હવે લગ્ન પાક્કા ! આટલા કામ જરૂરથી કરો, ઘરમાં લગ્નની શરણાઈ વાગશે અને દુલ્હન દરવાજે ઊભી હશે
આજકાલ ઘણીવાર એવું જોવા મળે છે કે, બધું બરાબર હોવા છતાં લગ્નમાં વિલંબ આવે છે. ક્યારેક સારો સંબંધ નથી મળતો અને ક્યારેક સંબંધો બનતા પહેલા જ તૂટી જાય છે.
વાસ્તુશાસ્ત્ર અનુસાર, ઘરમાં મંદિર હંમેશા ઉત્તર-પૂર્વ દિશામાં હોવું જોઈએ. પૂજા સ્થાન પર સ્વચ્છતા અને સકારાત્મક વાતાવરણ જાળવો. ભગવાન વિષ્ણુ અને દેવી લક્ષ્મીની તસવીર અથવા મૂર્તિ લગ્નમાં આવતા અવરોધોને દૂર કરવામાં મદદરૂપ બને છે. આ સિવાય દરરોજ દીવો પ્રગટાવવો અને "ૐ નમો ભગવતે વાસુદેવાય" મંત્રનો જાપ કરવો ફાયદાકારક છે.
નિષ્ણાતોના મતે, પલંગ હંમેશા દિવાલની સામે રાખવો જોઈએ અને માથું દક્ષિણ તરફ હોવું જોઈએ. પલંગ નીચે કચરો કે જૂની વસ્તુઓ ન રાખો, કારણ કે તે નકારાત્મક ઉર્જા ઉત્પન્ન કરે છે અને સંબંધોમાં અવરોધો ઉભા કરે છે.
વાસ્તુશાસ્ત્ર અનુસાર, તમારે ધ્યાન રાખવું જોઈએ કે અરીસો પલંગની સામે ન હોય. જો તમે પલંગની સામે અરીસો રાખો છો, તો તેનાથી સંબંધોમાં કડવાશ અને લગ્નમાં વિલંબ આવી શકે છે.
વાસ્તુશાસ્ત્ર અનુસાર, ઘરની ઉત્તર દિશામાં પાણી સંબંધિત વસ્તુઓ જેમ કે ફુવારો, માછલીઘર અથવા પાણીને લગતી પેઇન્ટિંગ રાખવી શુભ છે. બીજું કે, ઘરમાં તૂટેલા અરીસા, ફાટેલા કપડાં, ખરાબ ઇલેક્ટ્રોનિક્સ અથવા તૂટેલી મૂર્તિઓ ન રાખો. આ નકારાત્મક ઉર્જાને આકર્ષે છે અને શુભ કાર્યોમાં અવરોધો ઉભા કરે છે.
