Vastu Tips: રસોડામાં આ વસ્તુઓનું ઢોળાવુ ગણાય છે અશુભ ! આર્થિક સંકટ આવી પડશે
વાસ્તુ અનુસાર રસોડામાં કેટલીક વસ્તુઓ પડવું કે ઢોળાવુ એ અશુભ સંકેત માનવામાં આવે છે. આ વસ્તુઓ શું છે અને તેમના પતનથી આપણને કયા સંકેતો મળે છે, લેખમાં વિગતવાર જાણો.
દૂધ ઉભરાવું : જો ગેસ પર મૂકેલું ઉભરાઈ જાય તો તે પણ અશુભ સંકેત માનવામાં આવે છે. દૂધનો સંબંધ ચંદ્રમાં સાથે હોય છે. દૂધને ગરમ કરવા માટે અગ્નિનો ઉપયોગ થાય છે જે મંગળનો કારક હોય છે. શાસ્ત્ર અનુસાર મંગળ અને ચંદ્રની વૃત્તિ વિપરીત હોય છે. જ્યારે ઉકળતું દૂધ અગ્નિમાં પડે છે તો તેનાથી ઘરમાં કલેશની સ્થિતિ ઉત્પન થાય છે. તેથી ઘરમાં જ્યારે દૂધ ગરમ કરો ત્યારે હંમેશા સાવધાની રાખવી કે દૂધ ઉભરાઈ ન જાય.
રસોડામાં મીઠું ઢોળાવું : મીઠું એક એવો પદાર્થ છે જેનો ઉપયોગ ઘરમાં વારંવાર થાય છે. મીઠું શુક્ર અને ચંદ્ર સાથે સંબંધિત માનવામાં આવે છે. રસોડામાં મીઠું ઢોળાવું એ પણ સારો સંકેત નથી. જો તમારા રસોડામાં મીઠું વારંવાર ઢોળાતુ રહે છે તો સમજી લેવું કે તમારે માત્ર પૈસા જ નહીં પરંતુ વૈવાહિક જીવનમાં પણ સમસ્યાનો સામનો કરવો પડી શકે છે. મીઠું વારંવાર ઢોળાવું એ પણ તમારી આર્થિક નબળાઈની નિશાની છે.તેથી, પૈસા અને વૈવાહિક જીવન સંબંધિત સમસ્યાઓથી બચવા માટે તમારે લક્ષ્મી-નારાયણની પૂજા કરવી જોઈએ અને શુક્રવારે સફેદ વસ્તુઓનું દાન કરવું જોઈએ.
સરસવનું તેલ ઢોળાવુ : જો તમારા રસોડામાં ક્યારેય સરસવનું તેલ છલકાય કે ઢોળાઈ જાય છે, તો તેને બિલકુલ અવગણશો નહીં. આ એ વાતનો સંકેત છે કે તમે અથવા તમારા પરિવારના કોઈપણ સભ્ય શનિ દોષ હેઠળ છો અને શનિ ગ્રહ સંબંધિત સમસ્યાઓ હોઈ શકે છે. તેથી શનિ દોષના કારણે વ્યક્તિ દ્વારા કરવામાં આવેલ કામ પણ બગડી જાય છે. તેથી દર શનિવારે એક પાત્રમાં થોડું તેલ ભરો અને પરિવારના સભ્યોના હાથને સ્પર્શ કરાવી તેનું દાન કરો
Published On - 12:59 pm, Sun, 8 December 24
