TVની પહેલી ‘ગોપી બહુ’ એ 39 વર્ષની ઉંમરે કર્યા લગ્ન, સામે આવી તસવીરો
ટીવી અભિનેત્રી જિયા માણેકે ચાહકોને એક મોટી ખુશખબર આપી છે. ટીવીની ગોપી બહુએ વરુણ જૈન સાથે લગ્ન કરી લીધા છે. અભિનેત્રીએ પોતે આ માહિતી બધા સાથે શેર કરી છે. ગિયા અને વરુણે તેમના લગ્નનો ફોટો પણ શેર કર્યો છે.
ગોપીનો લુક બિલકુલ દક્ષિણ ભારતીય દુલ્હન જેવો છે. જિયાએ માંગ ટીકા અને ઘરેણાંથી પોતાનો લુક પૂર્ણ કર્યો છે. વરુણ પણ મેચિંગ કુર્તા પાયજામા પહેરેલો જોવા મળે છે. તસવીરમાં વરુણે જિયાનો હાથમાં પકડ્યો છે. બંને વચ્ચેનો પ્રેમ સ્પષ્ટપણે જોઈ શકાય છે. જિયા અને વરુણ બંને એકબીજાને લાંબા સમયથી જાણે છે. પહેલા બંને મિત્રો હતા અને પછી મિત્રતા પ્રેમમાં ફેરવાઈ ગઈ અને હવે લગ્નગ્રંથિથી જોડાઈ ગયા છે.
જિયા માણેકને 'સાથ નિભાના સાથિયા'માં ગોપી બહુ તરીકે ખ્યાતિ મળી, આ ભૂમિકાએ તેને દરેક ઘરમાં જાણીતી બનાવી. બાદમાં, તેણે 'જીની ઔર જુજુ'માં પ્રેમાળ જીનીની ભૂમિકા ભજવીને અભિનેત્રી તરીકે દિલ જીતી લીધા. રસપ્રદ વાત એ છે કે, જિયા અને વરુણે રીબુટ 'તેરા મેરા સાથ રહે'માં પણ સ્ક્રીન સ્પેસ શેર કરી હતી, જેણે સેટની બહાર પણ તેમના બંધનને મજબૂત બનાવ્યું હતું.
બીજી તરફ, વરુણ જૈને 2010 માં 'કાલી - એક અગ્નિપરીક્ષા' થી પોતાની અભિનય કારકિર્દીની શરૂઆત કરી હતી. તેઓ 'દિયા ઔર બાતી હમ' માં મોહિત રાઠીની ભૂમિકા માટે લોકપ્રિય થયા હતા. ચાહકો તેમને 'સાથ નિભાના સાથિયા' માં જિયાના ઓન-સ્ક્રીન સાળા ચિરાગ મોદી તરીકે પણ યાદ કરે છે. તેમના લગ્નના સમાચારથી ચાહકો ચોંકી ગયા છે અને સોશિયલ મીડિયા અભિનંદન સંદેશાઓથી છલકાઈ ગયું છે. રીલ પરિવારથી લઈને વાસ્તવિક જીવનના ભાગીદારો સુધી, જિયા અને વરુણની સફર એક નવો વળાંક લઈ રહી છે.
