Gold Silver : ‘ચાંદી’ તો સોનાથી પણ આગળ નીકળી ! બંને ધાતુના ભાવમાં જમીન-આસમાનનો ફરક, મધ્યમ વર્ગને રાહત પણ રોકાણકારો ધોવાયા
મજબૂત અમેરિકન ડોલર અને ઘટતી વૈશ્વિક અનિશ્ચિતતાઓને કારણે સોનાના ભાવમાં વધુ એકવાર ઘટાડો જોવા મળ્યો છે. બીજીબાજુ ચાંદીના ભાવમાં વધારો થયો છે.
વૈશ્વિક બજારમાં પણ સોનાના ભાવ નરમ પડ્યા. હાજર સોનાના ભાવ 0.14 ટકા ઘટીને $3,996.77 પ્રતિ ઔંસ થયા, જ્યારે હાજર ચાંદી સહેજ ઘટીને $48.64 પ્રતિ ઔંસની આસપાસ આવી. રિલાયન્સ સિક્યોરિટીઝના સિનિયર રિસર્ચ એનાલિસ્ટ જીગર ત્રિવેદીએ જણાવ્યું હતું કે, "સોમવારે સોનાના ભાવ $4,000 પ્રતિ ઔંસથી નીચે આવી ગયા. આ ઘટાડો પાછલા સત્રથી ચાલુ રહ્યો, કારણ કે વધુ વ્યાજ દરમાં ઘટાડાની અપેક્ષાઓ ઓછી થઈ અને અમેરિકા-ચીન વેપાર કરાર બાદ સુરક્ષિત રોકાણની માંગ ઘટી ગઈ છે."
હવે આ બધા વચ્ચે ચીને સોનાના વેચાણ પરનો જૂનો ટેક્સ ઇન્સેન્ટીવ દૂર કર્યો છે. આ નિર્ણય સ્થાનિક બજારમાં સોનાના ભાવમાં વધારો કરી શકે છે અને તેની માંગ નબળી પડી શકે છે. HDFC સિક્યોરિટીઝના સિનિયર એનાલિસ્ટ (કોમોડિટીઝ) સૌમિલ ગાંધીએ જણાવ્યું હતું કે, "રોકાણકારો હવે આ અઠવાડિયે આવનારા યુએસ આર્થિક ડેટા પર નજર રાખશે, જેમાં ISM PMI અને ADP પ્રાઇવેટ પેરોલ ડેટાનો સમાવેશ થાય છે. આ ડેટા યુએસ નાણાકીય નીતિ પર વધુ સંકેતો આપશે."
