સુશાંત સિંહ રાજપૂત મૃત્યુ કેસ સંદર્ભે સીબીઆઈએ હજી સુધી કોઈ તારણ કાઢયું નથી. આ કેસમાં આરોપી અને સુશાંતની ગર્લફ્રેન્ડ રિયા ચક્રવર્તીને થોડા મહિના પહેલા કોર્ટે જામીન પર મુકત કરી હતી. રિયાના જામીન પછી ટૂંક સમયમાં જ તેનો ભાઈ શોવિક ચક્રવર્તી પણ બેલથી છુટી ગયો હતો. હવે ઘણા મહિનાઓ પછી, રિયા અને શોવિકને પહેલીવાર ઘરની બહાર જોવામાં આવ્યા છે.
બંનેને બાંદ્રામાં એક બિલ્ડિંગની બહાર જોવામાં આવ્યા હતા. સૂત્ર મુજબ, રિયા અને શોવિક બાંદ્રામાં નવા મકાનની શોધમાં ગયા હતા. આ દરમિયાન રિયા પૈપરાઝીને ટાળતી જોવા મળી હતી.
રિયા હાલમાં મુંબઇના જુહુ તારા રોડ સ્થિત પ્રાઈમરોઝ એપાર્ટમેન્ટમાં રહે છે. તે અહીં તેના માતાપિતા અને ભાઈ સાથે રહે છે. સુશાંત કેસમાં સીબીઆઈ, એનસીબી અને ઇડી દ્વારા રિયા પર એફઆઈઆર બાદ તેના ઘરે દરોડા પાડવામાં આવ્યા હતા.
સુશાંત કેસમાં ડ્રગ્સ એંગલમાં રિયાની ધરપકડ કરવામાં આવી હતી. રિયા પહેલા, આ કેસમાં તેના ભાઈ શોવિકની પણ ધરપકડ કરવામાં આવી હતી.
બંને ભાઈ-બહેન પર ડ્રગ લેવાનો અને સુશાંતને ડ્રગ્સ આપવાનો આરોપ હતો.
સુશાંત કેસમાં, જ્યારે રિયા વિરુદ્ધ એફઆઈઆર દાખલ કરવામાં આવી હતી, ત્યારે રિયાએ એક વીડિયો શેર કરતાં કહ્યું હતું કે તેની વિરુદ્ધ એફઆઈઆર નોંધાઈ છે ત્યારથી તેનું જીવનું સમાજમાં મુશ્કેલ બની ગયું છે. સોસાયટી બહારનાં મીડિયા પ્રશ્નોની સૂચિ લઈને તેમને ઘેરી લે છે. તેને અને તેના પરિવારને જીવનું જોખમ છે.
જણાવી દઈએ કે 14 જૂન, 2020 ના રોજ બોલિવૂડ એક્ટર સુશાંત સિંહ રાજપૂતે તેના બાન્દ્રા ફ્લેટમાં પંખાથી લટકીને આત્મહત્યા કરી હતી. આ ઘટનાના થોડા દિવસો બાદ સુશાંતના પરિવારે રિયા ચક્રવર્તી પર પૈસા એકત્રિત કરવા, ડ્રગ્સ આપવા અને સુશાંતનો ઉપયોગ કરવાનો આરોપ લગાવ્યો હતો.
રિયાની એનસીબી દ્વારા 8 સપ્ટેમ્બરના રોજ ધરપકડ કરવામાં આવી હતી અને એક મહિના પછી જામીન પર છૂટી ગઈ હતી. તેના ભાઈ શોવિકને પણ 4 સપ્ટેમ્બરના રોજ એનસીબીએ ધરપકડ કરી હતી અને 3 મહિના પછી જામીન પર મુકત કર્યો હતો