‘Pushpa 2’માં જોવા મળેલી Red Pajero કેટલાની આવે છે ? જાણો તેના ફીચર્સ
અલ્લુ અર્જુનની ફિલ્મ 'પુષ્પા-2' અત્યારે ધૂમ મચાવી રહી છે. આ ફિલ્મમાં અલ્લુ અર્જુનની સ્ટાઈલના દરેક જગ્યાએ વખાણ થઈ રહ્યા છે. આ ફિલ્મમાં જોવા મળેલી 'રેડ પજેરો' પણ હાલ ચર્ચામાં છે. ત્યારે આ લેખમાં આ કારની કિંમત કેટલી છે, તેમજ તેના ફીચર્સથી લઈને માઈલેજ કેટલી આપે છે તેના વિશે જાણીશું.

અલ્લુ અર્જુનની ફિલ્મ 'પુષ્પા-2' અત્યારે ધૂમ મચાવી રહી છે. આ ફિલ્મમાં અલ્લુ અર્જુનની સ્ટાઈલના દરેક જગ્યાએ વખાણ થઈ રહ્યા છે. આ ફિલ્મમાં જોવા મળેલી 'રેડ પજેરો' પણ હાલ ચર્ચામાં છે. આ કારની કિંમત કેટલી છે તેના વિશે આ લેખમાં જાણીશું.

પુષ્પા-2માં અલ્લુ અર્જુન Mitsubishi Pajero Sport ચલાવતો જોવા મળે છે. આ પજેરો લાઇનઅપની ટોપ મોડલ કાર છે. આ કારની ખાસિયત તેનું પાવરફુલ પરફોર્મન્સ અને રસ્તા પર ચલાવતી વખતે જોવા મળતો રોફ છે.

આ કાર 2.4 લિટર 4 સિલિન્ડર એન્જિન સાથે આવે છે, જે 178 BHPનો પાવર અને લગભગ 400 NMનો ટોર્ક જનરેટ કરે છે. આ કારની ખાસિયત હાઈ સીટ ડ્રાઈવિંગનો એક્સપેરિયન્સ અને તેની બિલ્ડ ક્વોલિટી છે.

લોન્ગ ડ્રાઈવ માટે આ કારને ખાસ પસંદ કરવામાં આવતી હતી. કારણ કે આ કારમાં 70 લીટરની મોટી ફ્યુઅલ ટાંકી આવતી હતી.

ભારતમાં આ કાર હિન્દુસ્તાન મોટર્સ બનાવીને વેચતી હતી. જે એક સમયે ભારતના રસ્તાઓ પર રાજ કરતી હતી. જો કે, આ કાર હાલમાં ભારતમાં મળતી નથી.

આ કારની ઓન રોડ કિંમતની વાત કરીએ તો, લગભગ 34,00,000 રૂપિયા હતી. 'પુષ્પા-2'માં જે કહાની બતાવવામાં આવી છે તે સમયગાળા દરમિયાન આ કાર ભારતમાં ખૂબ જ ફેમસ હતી.
