Mahakumbh 2025: જો તમે કુંભના મેળામાં જાઓ તો આ જગ્યાના સમોસા જરૂર ખાજો, વિદેશોમાં પણ છે જબ્બર માગ
Mahakumbh Mela 2025: પ્રયાગરાજમાં જગરામ સમોસા તેના અનોખા સ્વાદ માટે દુનિયાભરમાં ખ્યાતિ પામ્યા છે. 100 વર્ષ જૂની આ દુકાનને હાલ ત્રીજી પેઢી સંભાળી રહી છે. પરંતુ મજાલ છે તેના સ્વાદમાં સ્હેજ પણ ફર્ક આવે. અહીંના સૂકા સમોસા તો લોકો પેક કરાવીને લઈ જાય છે અને તેને 15,20 દિવસ સુધી ખાઈ શકાય છે. તહેવારોમાં તો અહીં લોકોની ભીડ જામે છે. અહીના સમોસા ન માત્ર ભારતમાં પરંતુ વિદેશમાં પણ એટલા જ લોકપ્રિય છે.
સો વર્ષ જૂની આ પરંપરાને હવે ત્રીજી પેઢી સંભાળી રહી છે. તેનો સ્વાદ એટલો અદ્ભુત છે કે તેને એકવાર ચાખ્યા પછી લોકો તેને વારંવાર ખરીદવાનું પસંદ કરે છે, જેના કારણે તે પ્રયાગરાજની એક ખાસ ઓળખ બની ગઈ છે.
દુકાનદાર અમિત ગુપ્તા કહે છે કે આ સમોસાની ખાસિયત એ છે કે તે 15-20 દિવસ સુધી તે બગડતા નથી. આ સામાન્ય સમોસા કરતા કદમાં નાના હોય છે. લગભગ અડધા ઇંચના આ સૂકા સમોસા ખાસ કરીને મહેમાનોના સ્વાગત માટે અને હોળી અને દિવાળી જેવા તહેવારો પર લોકો વધુ પસંદ કરે છે. આ નાના સમોસા તમને પ્રયાગરાજના લગભગ દરેક ઘરમાં જોવા મળશે.
અમિત ગુપ્તા જણાવે છે કે તેમની દુકાન લગભગ 100 વર્ષ જૂની છે. અને સમોસા બનાવવાની રીત અનોખી છે. તેને તૈયાર કરવા માટે, એક કિલો જૂના બટાકાને 300 ગ્રામ શુદ્ધ ઘી અને દેશી મસાલા સાથે રાંધવામાં આવે છે. બટાકાને બાફીને મેશ કરવામાં આવે છે અને પછી તેમાં કોથમીર, મરચું, ગરમ મસાલો અને કેટલાક ખાસ મસાલા ઉમેરવામાં આવે છે. આ પ્રક્રિયા જ તેને ખાસ બનાવે છે અને લાંબા સમય સુધી તાજા રાખે છે.
આ અનોખા સમોસાની કિંમત 560 રૂપિયા પ્રતિ કિલો છે અને એક પીસ 10 રૂપિયામાં ઉપલબ્ધ છે.
તેના સ્વાદિષ્ટ સ્વાદ અને લાંબા સમય સુધી તાજા રહેવાની ક્ષમતાને કારણે, જગરામ સમોસા માત્ર પ્રયાગરાજનું ગૌરવ નથી, પરંતુ તે ભારતના સાંસ્કૃતિક અને સ્વાદિષ્ટ ધરોહરનું પ્રતીક પણ બની ગયું છે.
અમિત ગુપ્તા કહે છે કે તેમની દુકાન હવે ત્રીજી પેઢી સુધી પહોંચી ગઈ છે. તેમના દાદા અને પિતા બાદ હવે તેઓ પોતે પણ આ પરંપરાને આગળ ધપાવી રહ્યા છે.
