Maggi લવરને લાગી શકે છે ઝટકો ! કંપની લેશે આ મોટો નિર્ણય ! જાણો શું છે સમગ્ર મામલો
મેગી મેન્યુફેક્ચરિંગ કંપની નેસ્લે ટૂંક સમયમાં મોટો નિર્ણય લઈ શકે છે. આ નિર્ણય 1 જાન્યુઆરીથી લાગુ થઈ શકે છે. મેગી ખાનાર દરેક વ્યક્તિ પર તેની અસર થશે.
આ નિર્ણય ભારત અને સ્વિટ્ઝર્લેન્ડ વચ્ચેના ડબલ ટેક્સેશન એગ્રીમેન્ટ (DTAA)ની MFN જોગવાઈને સસ્પેન્ડ કરે છે. આ દરજ્જા હેઠળ દેશો એકબીજાને વેપારમાં વિશેષ છૂટ આપે છે. આ દરજ્જો રદ થતાં હવે ભારતીય કંપનીઓએ સ્વિટ્ઝર્લેન્ડમાં વધુ ટેક્સ ચૂકવવો પડશે. MFN સ્ટેટસ રદ થવાને કારણે સ્વિસ કંપનીઓએ પણ ભારતમાં વધુ ટેક્સ ચૂકવવો પડશે. મેગીની પેરેન્ટ કંપની નેસ્લે સ્વિટ્ઝર્લેન્ડની છે. જ્યારે નેસ્લે વધુ ટેક્સ ચૂકવે છે, ત્યારે તેની અસર મેગી પર પણ પડશે. પરિણામે કંપનીએ મેગીની કિંમતમાં વધારો કરવો પડી શકે છે.
મામલો માત્ર મેગી પર ખતમ નહીં થાય. ભારતમાં વેચાતી નેસ્લેની અન્ય પ્રોડક્ટ્સ પણ મોંઘી થઈ શકે છે. આમાં નેસ્લેની ડેરી પ્રોડક્ટ્સ, કિટ કેટ ચોકલેટ, આઈસ્ક્રીમ, બેબી ફૂડ વગેરેનો સમાવેશ થાય છે. આ ઉત્પાદનોની કિંમત પણ વધી શકે છે.
MFN સ્ટેટસ થયા પછી, સ્વિસ કંપનીઓએ ભારતમાં 10 ટકા સુધીનો ડિવિડન્ડ ટેક્સ ચૂકવવો પડશે. અત્યાર સુધી આ ટેક્સનો દર 5 ટકા હતો. ટેક્સની આ રકમ ચૂકવવા માટે કંપનીઓએ તેમનો નફો ઘટાડવો પડી શકે છે. ઉપરાંત, તેઓ મેગી સહિત અન્ય ઉત્પાદનોની કિંમતોમાં વધારો કરી શકે છે. જો કે હજુ સુધી ભાવ કેટલો વધશે તે અંગે કોઈ નિર્ણય લેવાયો નથી.
