કાનુની સવાલ : મિલકતના ઓરીજનલ ડોક્યુમેન્ટ્સ ખોવાઈ ગયા છે ? ચિંતા ન કરો, આ રીતે પાછા મેળવી શકો છો
કાનુની સવાલ: ઘણા લોકો માટે મિલકત એટલે જીવનભરની કમાણીનો આધાર. પરંતુ જો કોઈ કારણસર મૂળ મિલકતના દસ્તાવેજો ખોવાઈ જાય તો એ મોટો તણાવ બની શકે. ચિંતા કરવાની જરૂર નથી. કાયદા મુજબ યોગ્ય પ્રક્રિયા અનુસરવાથી તમે દસ્તાવેજોની સર્ટિફાઈડ નકલ મેળવી શકો છો.
સબ-રજીસ્ટ્રાર કચેરીથી નકલ મેળવવી: મૂળ દસ્તાવેજોની નકલ મેળવવા માટે તે દસ્તાવેજ જ્યાં રજીસ્ટર થયા હતા તે સબ-રજીસ્ટ્રાર કચેરીમાં અરજી કરો. ત્યાં તમે FIR, એફિડેવિટ અને અખબારની કટિંગ સાથે અરજી આપો તો તમને Certified Copy (અધિકૃત નકલ) મળી જશે. આ નકલ કાયદેસર રીતે માન્ય ગણાય છે.
સોસાયટી કે બેંકને જાણ કરવી: જો મિલકત હાઉસિંગ સોસાયટીમાં હોય કે લોન હેઠળ હોય તો સોસાયટીના મેનેજર કે બેંકને તરત જાણ કરો. કેટલાક કેસમાં બેંક પાસે દસ્તાવેજની નકલ હોય છે, જે મદદરૂપ થઈ શકે છે.
દસ્તાવેજોનું ડિજિટલ સ્ટોરેજ રાખવું: આવા જોખમથી બચવા માટે ડિજિટલ કૉપિ રાખવી જરૂરી છે. સરકારની DigiLocker સેવા કે અન્ય સુરક્ષિત ક્લાઉડ સ્ટોરેજમાં દસ્તાવેજો સ્કેન કરીને રાખવાથી ભવિષ્યમાં મુશ્કેલી ઓછો થાય છે.
મિલકતના દસ્તાવેજ ખોવાઈ જવું ચિંતાનો વિષય છે, પરંતુ યોગ્ય કાયદાકીય પ્રક્રિયા અનુસરવાથી તમે સર્ટિફાઈડ નકલ મેળવી શકો છો. હંમેશા દસ્તાવેજોની ડિજિટલ કૉપિ રાખવી, પોલીસ અને અખબારમાં સમયસર જાણ કરવી એ તમારા હકની સુરક્ષા માટે જરૂરી છે.
Published On - 12:47 pm, Sun, 5 October 25
