Happy Birthday Alia : જાણો Alia Bhattનાં જીવન સાથે જોડાયેલી કેટલીક રોચક બાબતો

આલિયા ભટ્ટ વિશે કોણ નથી જાણતું. તેમની પહેલી ફિલ્મથી જ તેણે લોકોને દિવાના બનાવ્યા છે. તેમના ચાહકો તેમના વિશે ઘણી વસ્તુઓ જાણે છે, પરંતુ આલિયા ભટ્ટ વિશે કેટલીક વાતો એવી છે જેના વિશે બધાને ખબર નથી હોતી. તો ચાલો જાણીએ આલિયાના જીવન સાથે જોડાયેલી કેટલીક વાતો.

  • tv9 webdesk40
  • Published On - 12:52 PM, 15 Mar 2021
1/5
જો તમને લાગે કે સ્ટુડન્ટ ઓફ ધ યર એ આલિયા ભટ્ટની પહેલી ફિલ્મ હતી, તો તમે ખોટા છો. અક્ષય કુમાર અને પ્રીતિ ઝિન્ટાની ફિલ્મ સંઘર્ષમાં આલિયા પહેલીવાર સ્ક્રીન પર જોવા મળી હતી. આ ફિલ્મમાં તેમણે પ્રીતિ ઝિન્ટાનું બાળપણનું પાત્ર ભજવ્યું હતું અને તે સમયે તે માત્ર 6 વર્ષના હતા.
2/5
તે માત્ર અભિનયમાં જ નહીં પણ પેઇન્ટિંગ અને ગાયનમાં પણ નિષ્ણાંત છે. આલિયાએ ખૂબ જ સુંદર ચારકોલ પેઇન્ટિંગ બનાવી છે. બીજી તરફ, તેમણે પોતાની ફિલ્મ હમ્પ્ટી શર્મા કી દુલ્હનિયામાં ગીત ગાઈને તેમની ગાયકી કુશળતા પણ દર્શાવી હતી.
3/5
બોલિવૂડ સીરિયલ કિસર ઇમરાન હાશ્મી અને પ્રખ્યાત ડિરેક્ટર મોહિત સુરી તેમના પિતરાઇ ભાઈઓ છે . આલિયાને હજી આ બંને સાથે કામ કરવાની તક મળી નથી.
4/5
આલિયાએ એક સામાન્ય અભિનેત્રી તરીકે ફિલ્મ સ્ટુડન્ટ ઓફ ધ યર માટે ઓડિશન આપ્યું. એવું માનવામાં આવે છે કે લગભગ 400 છોકરીઓએ આ ફિલ્મ માટે ઓડિશન આપ્યું હતું. આલિયા તે બધામાંથી આ ભૂમિકા મેળવવામાં સફળ રહી.
5/5
આલિયા પોતાને એક મોટી ફુડી તરીકે વર્ણવે છે, પરંતુ સ્ટુડન્ટ ઓફ ધ યર માટે તેણે તેની ટેવ છોડી દીધી હતી. ઓડિશનના માત્ર ત્રણ મહિનામાં જ તેણીનું વજન 16 કિલોગ્રામ ઘટી ગયું.