Gold Price Today: ગણેશ ચતુર્થીના દિવસે સોનું-ચાંદી થયું મોંઘુ, જાણો 22-24 કેરેટ સોનું કયા ભાવે વેચાઈ રહ્યું છે
Gold Rate Today: ઇન્ડિયન બુલિયન જ્વેલર્સ એસોસિએશનની ઓફિશિયલ વેબસાઇટ અનુસાર આજે સોના અને ચાંદીના ભાવમાં વધારો થયો છે. ચાલો જાણીએ કે આજે 22 અને 24 કેરેટ સોનાનો ભાવ શું છે.
ટ્રમ્પે ફેડરલ રિઝર્વ ગવર્નર લિસા કૂકને તેમના પદ પરથી દૂર કર્યા, જેનાથી સેન્ટ્રલ બેંકની સ્વતંત્રતા પર પ્રશ્નો ઉભા થયા. આ પગલાથી રોકાણકારોમાં અનિશ્ચિતતા અને ચિંતા વધી. આવા વાતાવરણમાં રોકાણકારો સામાન્ય રીતે સલામત રોકાણ વિકલ્પો તરફ વળે છે અને સોનાને હંમેશા સલામત સંપત્તિ માનવામાં આવે છે. આ કારણે સોનાની માગ વધી અને ભાવમાં વધારો જોવા મળ્યો.
બીજું મોટું કારણ વૈશ્વિક સ્તરે વ્યાજ દરો સંબંધિત ભય છે. ટ્રમ્પના નિર્ણયથી ફેડરલ રિઝર્વ પર ટૂંક સમયમાં વ્યાજ દર ઘટાડવાનું દબાણ વધ્યું છે. જ્યારે વ્યાજ દર ઘટવાની અપેક્ષા હોય છે, ત્યારે સોનું રોકાણના દૃષ્ટિકોણથી વધુ આકર્ષક બને છે કારણ કે તે વ્યાજ ચૂકવતું નથી પરંતુ તેનું મૂલ્ય જાળવી રાખે છે. આ સાથે રૂપિયાની નબળાઈ અને આંતરરાષ્ટ્રીય બજારમાંથી મળતા સકારાત્મક સંકેતોએ પણ સોનાના ભાવમાં વધારો કર્યો છે.
ચાંદીના ભાવમાં વધારો - સોના ભાવમાં ઘટાડાથી વિપરીત ચાંદીના ભાવમાં થોડો વધારો નોંધાયો હતો. બુધવારે રૂપિયા 1,670ના ઘટાડા પછી, ગુરુવારે ચાંદી રૂ. 300 વધીને રૂ. 1,31,500 પ્રતિ કિલોએ પહોંચી ગઈ હતી.
