IPL 2025 Auction : કોણ છે ખુબ જ સુંદર ઓક્શનર મલ્લિકા સાગર, જેના હાથમાં IPL ઓક્શનનો હથોડો જોવા મળશે
જેદ્દામાં 24 અને 25 નવેમ્બરના રોજ આઈપીએલ 2025 મેગા ઓક્શનને હોસ્ટ કરનારનું નામ સામે આવી ચૂક્યું છે. આઈપીએલ 2025ના ઓક્શનની હોસ્ટ મલ્લિકા સાગર છે.
મલ્લિકા સાગર આર્ટની દુનિયામાં એક જાણીતી વ્યક્તિ છે અને તે અનેક ઓક્શનનો ભાગ રહી ચૂકી છે. મલ્લિકાએ ફિલાડેલ્ફિયાની બ્રાયન મોર કોલેજમાં કલા ઇતિહાસનો અભ્યાસ પૂર્ણ કર્યો. ત્યાર બાદ વર્ષ 2001માં માત્ર 26 વર્ષની ઉંમરે મલ્લિકાએ ઓક્શન કંપની ક્રિસ્ટીઝમાં પોતાના કરિયરની શરૂઆત કરી હતી.
મલ્લિકા સાગર 2021માં પ્રો કબડ્ડી લીગના ઓક્શનનો ભાગ રહી ચૂકી છે. આઈપીએલ 2024માં પણ આઈપીએલના ઓક્શનરની ભૂમિકામાં જોવા મળી હતી. તેમજ મહિલા આઈપીએલના ઓક્શનનો પણ ભાગ રહી ચૂકી છે.
મલ્લિકા સાગરનો જન્મ ભારતના મહારાષ્ટ્ર રાજ્યમાં થયો હતો. મલ્લિકા પાસે હરાજી કરનાર તરીકે 26 વર્ષથી વધુનો અનુભવ છે.
તમને જણાવી દઈએ કે, આઈપીએલ ઓક્શનમાં પહેલા હોસ્ટ તરીકે પુરુષ જોવા મળતા હતા. રિચર્ડ મેડલી, હ્યુ એડમેડેસ અને ચારુ શર્મા જેવા દિગ્ગજ આઈપીએલ ઓક્શન હોસ્ટ કરી ચૂક્યા છે.
મુંબઈ સ્થિત આર્ટ કલેક્ટર મલ્લિકા સાગરે WPL 2023 અને 2024 ની ઓક્શન હોસ્ટ કરી હતી. રમતગમતની દુનિયામાં જાણીતી છે. 49 વર્ષીય મલ્લિકા સાગરને હરાજીમાં અંદાજે 26 વર્ષનો અનુભવ છે.
આ વખતે મેગા ઓક્શનમાં કે.એલ રાહુલ, રિષભ પંત,શ્રેયસ અય્યર, અર્શદીપ સિંહ અને જોસ બટલર જેવા મોટા નામ સામેલ છે. હવે આ ખેલાડીઓ માટે મેગા ઓક્શનમાં ફ્રેન્ચાઈઝીઓમાં ટકકર જોવા મળશે. રિપોર્ટ મુજબ આ વખતે મિચેલ સ્ટાર્કનો સૌથી મોંઘા ખેલાડીઓનો રેકોર્ડ તુટી શકે છે.