WTC ફાઈનલમાં પહોંચવાથી 1 જીત દૂર આ ટીમ, ભારત-ઓસ્ટ્રેલિયા માટે ખતરાની ઘંટી
વર્લ્ડ ટેસ્ટ ચેમ્પિયનશિપ 2023-25ની ફાઈનલની રેસ ઘણી રોમાંચક બની ગઈ છે. છેલ્લી વખતની ફાઈનલિસ્ટ ટીમ ભારત અને ઓસ્ટ્રેલિયા માટે આ વખતે ફાઈનલમાં પહોંચવાનો રસ્તો ઘણો મુશ્કેલ બની ગયો છે. આ ટીમ ફાઈનલમાં સ્થાન બનાવવાથી માત્ર 1 જીત દૂર છે.
WTC પોઈન્ટ ટેબલની ટોપ-2 ટીમો વચ્ચે ફાઈનલ મેચ રમાશે. હાલમાં દક્ષિણ આફ્રિકા 63.33 જીતની ટકાવારી સાથે લીડ પર છે. ઓસ્ટ્રેલિયાના 60.71 વિનિંગ ટકાવારી પોઈન્ટ છે અને ભારતના 57.29 ટકા પોઈન્ટ છે. પરંતુ દક્ષિણ આફ્રિકાને હવે માત્ર 2 ટેસ્ટ મેચ રમવાની છે. આવી સ્થિતિમાં તેના જીતની ટકાવારીમાં બહુ ઘટાડો નહીં થાય. દક્ષિણ આફ્રિકાને હવે પાકિસ્તાન સામે ઘરઆંગણે 2 ટેસ્ટ મેચ રમવાની છે.
આવી સ્થિતિમાં જો દક્ષિણ આફ્રિકાની ટીમ પાકિસ્તાન સામે 2-0થી જીત મેળવે છે તો તે ફાઈનલ માટે ક્વોલિફાય થઈ જશે. આ સાથે જ 1-0થી જીત મેળવ્યા બાદ પણ ફાઈનલમાં સાઉથ આફ્રિકાની ટિકિટ કન્ફર્મ થઈ જશે. આ સિવાય જો સિરીઝ 1-1ની બરાબરી પર સમાપ્ત થાય છે તો પણ આફ્રિકા ફાઈનલમાં પહોંચવાનું મોટું દાવેદાર હશે. બીજી તરફ જો દક્ષિણ આફ્રિકા 0-2થી શ્રેણી હારી જશે તો પણ તે ફાઈનલની રેસમાં રહેશે, જોકે તેમણે અન્ય ટીમોના પરિણામો પર નિર્ભર રહેવું પડશે. (All Photo Credit : PTI)
