બેંગ્લોરમાં ચાલી રહેલી IPL 2022 મેગા ઓક્શનના ઓક્શનર હ્યુ એડમિડ્સની તબિયત અચાનક બગડી ગઈ. તે હરાજી દરમિયાન જ બેહોશ થઈ ગયા હતા અને સ્ટેજ પરથી પણ પડી ગયા હતા.
હ્યુ એડમિડ્સ શ્રીલંકાના ઓલરાઉન્ડર વનેન્દુ હસરાંગાને બોલી લગાવી રહ્યા હતા પરંતુ તે અચાનક બેહોશ થઇને ઢળી પડ્યા હતા. હ્યુ એડમિડ્સની તબિયત બગડતાં હરાજી રોકી દેવામાં આવી હતી.
હ્યુ એડમિડ્સ વિશ્વના અગ્રણી ઓક્શન ઓપરેટરોમાંના એક છે. તે વર્ષ 2019થી આઈપીએલની હરાજી કરી રહ્યા છે. તેમણે 3 વર્ષ પહેલા રિચર્ડ મેડલીનું સ્થાન લીધું હતું.
હ્યુ એડમિડ્સ 60 વર્ષના છે અને તેમણે વિશ્વભરમાં 2300 થી વધુ હરાજી કરી છે. એડમિડ્સ દ્વારા વર્ષ 1984માં પ્રથમ હરાજી હાથ ધરવામાં આવી હતી.
હ્યુજ એડમ્સે બ્રિટિશ ઓક્શન હાઉસમાં કામ કર્યું છે અને ત્યાં 3 લાખથી વધુ વસ્તુઓની હરાજી થઈ હતી. એટલું જ નહીં તે લંડનમાં યોજાયેલી નેલ્સન મંડેલા ગાલાની હરાજી કરનાર પણ તેઓ હતા.