BCCI AGM થઈ શરુ, સૌરવ ગાંગુલીના ભવિષ્યનો આજે થશે ફેંસલો, 4 મોટા નિર્ણયો પણ લેવાશે
BCCI ની વાર્ષિક સામાન્ય સભા મુંબઈમાં યોજાઈ રહી છે, રોજર બિન્ની (Roger Binney) બનશે નવા પ્રમુખ (BCCI President), મહિલા IPL ની જાહેરાત પણ થશે.
BCCI AGM starts in Mumbai Sourav Ganguly
Follow Us:
BCCI ની AGM મુંબઈમાં શરૂ થઈ ગઈ છે. બીસીસીઆઈના તમામ મોટા અધિકારીઓ મીટિંગમાં પહોંચી ગયા છે. સૌરવ ગાંગુલી પણ આ મીટીંગમાં હાજરી આપી ચુક્યા છે, જેમને BCCI અધ્યક્ષ પદ પરથી હટાવી દેવામાં આવી રહ્યા છે. જો કે આ બેઠકમાં તેમના ભવિષ્ય અંગે પણ મોટો નિર્ણય લેવામાં આવી શકે છે. BCCI ની વાર્ષિક સામાન્ય સભા ખૂબ જ મહત્વપૂર્ણ છે. આવો તમને જણાવીએ કે આમાં કયા ચાર મોટા નિર્ણયો લેવામાં આવી શકે છે.
બોર્ડના નવા અધ્યક્ષની જાહેરાત BCCIની AGM બાદ કરવામાં આવશે. ભૂતપૂર્વ ક્રિકેટર અને પસંદગીકાર રોજર બિન્ની BCCIના નવા પ્રમુખ તરીકે સૌરવ ગાંગુલીનું સ્થાન લેશે.
બીસીસીઆઈની એજીએમમાં સૌરવ ગાંગુલીના ભવિષ્યને લઈને પણ મોટો નિર્ણય થઈ શકે છે. આઈસીસી અધ્યક્ષ પદ માટે સૌરવ ગાંગુલીના નામ પર વિચાર કરવામાં આવશે કે કેમ, તે જોવાનું રહ્યું. જો કે, તે અસંભવિત લાગે છે કારણ કે BCCI પ્રમુખ તરીકે તેમના કામ પર પ્રશ્નો ઉભા થયા છે. જો કે, ગાંગુલીએ સ્પષ્ટ કર્યું છે કે તે ક્રિકેટ એસોસિએશન ઓફ બંગાળમાં પરત ફરવા જઈ રહ્યો છે.
BCCIની AGMમાં મહિલા IPLનો મોટો મુદ્દો રહેશે. માનવામાં આવે છે કે આ બેઠક બાદ મહિલા IPLની ઔપચારિક જાહેરાત કરવામાં આવશે. આ ટુર્નામેન્ટ આવતા વર્ષે માર્ચમાં યોજાશે.
બીસીસીઆઈની એજીએમમાં તમામ રાજ્ય ક્રિકેટ એસોસિએશનને 30 કરોડ રૂપિયા આપવામાં આવશે. બીસીસીઆઈ તેના નફાનો હિસ્સો તમામ એસોસિએશનો વચ્ચે વહેંચશે.